IPLನ ಮೋಸ್ಟ್​ ಅತ್ಯುತ್ತಮ​ ಪ್ಲೇಯರ್​ ಎಬಿಡಿ ವಿಲಿಯರ್ಸ್​​​ 360 ಡಿಗ್ರಿ ಆಟಕ್ಕೆ, ಫಿದಾ ಆಗದವರಿಲ್ಲ. ಆದರೆ ಎಬಿಡಿ ಬ್ಯಾಟಿಂಗ್ ನೋಡೋದು, ಇನ್ನು ಕನಸು ಮಾತ್ರ. ಏಕೆಂದ್ರೆ ಎಬಿಡಿ ಕ್ರಿಕೆಟ್​​​ ವೃತ್ತಿ ಜೀವನಕ್ಕೆ ವಿದಾಯ ಘೋಷಿಸಿದ್ದಾರೆ. ಆದರೆ ಐಪಿಎಲ್​​ನಲ್ಲಿ ಅವರಾಡಿದ ಆ ಅದ್ಭುತ ಇನ್ನಿಂಗ್ಸ್​ಗಳನ್ನ ಮಾತ್ರ, ಯಾರೂ ಮರೆಯೋಕೆ ಸಾಧ್ಯವಿಲ್ಲ.

ಇದನ್ನೂ ಓದಿ: ತಮ್ಮ ಕ್ರಿಕೆಟ್ ಬದುಕಿನ ನಿವೃತ್ತಿಗೆ ಎಬಿಡಿ ಕೊಟ್ಟ ಕಾರಣ ಏನು ಗೊತ್ತಾ..?

ಆ್ಯಂಡ್ರ್ಯೂ ಬೆಂಜಮಿನ್​ ಡಿ ವಿಲಿಯರ್ಸ್​ ವಿದಾಯ.. ಇದು ಕ್ರಿಕೆಟ್​ ಲೋಕದ ಅಭಿಮಾನಿಗಳಿಗೆ ತೀವ್ರ ಆಘಾತ ಕೊಟ್ಟ ಸುದ್ದಿ. ಅದ್ರಲ್ಲೂ ಹೆಚ್ಚು ಶಾಕ್​ಗೆ ಒಳಗಾಗಿರೋದು, ನಮ್ಮ ಆರ್​​ಸಿಬಿ ಫ್ಯಾನ್ಸ್​. ದಕ್ಷಿಣ ಆಫ್ರಿಕಾದ ಈ ಸೂಪರ್​ಸ್ಟಾರ್​ಗೆ ಒಂದೂ IPL ಕಿರೀಟ ದಕ್ಕಲಿಲ್ಲ. ಆದರೂ ಶ್ರೀಮಂತ ಲೀಗ್​​​​ನಲ್ಲಿ ABD ಇನ್ನಿಂಗ್ಸ್, ಎಲ್ರನ್ನೂ ಮೆಸ್ಮರೈಸ್​ ಮಾಡಿವೆ.

CSK ವಿರುದ್ಧ 54 ಎಸೆತಗಳಲ್ಲಿ ಅಜೇಯ 105 ರನ್
IPLನಲ್ಲಿ ABD ಮೊದಲ ಸೆಂಚುರಿ ಸಿಡಿಸಿದ್ದು, 2009ರಲ್ಲಿ. ಅದು ಕೂಡ ಚೆನ್ನೈ ಸೂಪರ್​ ಕಿಂಗ್ಸ್​ ವಿರುದ್ಧ. ಆಗಿನ್ನೂ ಡೆಲ್ಲಿ ಪರ ಆಡ್ತಿದ್ದ ಈ ಆಪತ್ಬಾಂಧವನ ಶತಕದ ನೆರವಿನಿಂದ, ಡೆಲ್ಲಿ 189 ರನ್​​ಗಳ ಬೃಹತ್​ ಮೊತ್ತ ಕಲೆ ಹಾಕಿತ್ತು. ಆ ಪಂದ್ಯವನ್ನ ಡೆಲ್ಲಿ ಗೆದ್ದು ಬೀಗಿತು.

ಇದನ್ನೂ ಓದಿ: ‘ಕ್ರಿಕೆಟ್​​ ಅನ್ನೇ ಬದಲಾಯಿಸಿದ ಲೆಜೆಂಡ್​​ ABD’- RCB ತಂಡದ ಬ್ಯಾಟ್ಸ್​ಮನ್​​​ ಮ್ಯಾಕ್ಸ್​ವೆಲ್​​

ಡೆಕ್ಕನ್ ಚಾರ್ಜರ್ಸ್ ವಿರುದ್ಧ 17 ಎಸೆತಗಳಲ್ಲಿ ಅಜೇಯ 47 ರನ್
ವಿಲಿಯರ್ಸ್‌ರ ಈ ಮಾಸ್ಟರ್‌ಕ್ಲಾಸ್ ಇನ್ನಿಂಗ್ಸ್​​​, ಬಂದಿದ್ದು 2012ರಲ್ಲಿ. ಡೆಕ್ಕನ್​​ ಚಾರ್ಜರ್ಸ್​, RCBಗೆ 181 ರನ್​​​ಗಳ ಗುರಿ ನೀಡಿತ್ತು. RCBಗೆ ಗೆಲ್ಲಲು ಕೊನೇ 4 ಓವರ್​​​​​ಗಳಲ್ಲಿ 65 ರನ್‌ ಬೇಕಿತ್ತು. ಕ್ರೀಸ್​​ನಲ್ಲಿದ್ದ ಮಿ​ಸ್ಟರ್​​​ 360, ಜಸ್ಟ್​​ 17 ಬಾಲ್​​ಗಳಲ್ಲೇ 5 ಫೋರ್​​, 3 ಸಿಕ್ಸರ್​ ಸಿಡಿಸಿ 47ರನ್ ಗಳಿಸಿದ್ರು. ಪಂದ್ಯವನ್ನ ಸಹ ಗೆಲ್ಲಿಸಿಕೊಟ್ರು.

ಮುಂಬೈ ಇಂಡಿಯನ್ಸ್ ವಿರುದ್ಧ 59 ಎಸೆತಗಳಲ್ಲಿ 133 ರನ್
ಎಬಿಡಿ ಈ ಸ್ಫೋಟಕ ಇನ್ನಿಂಗ್ಸ್ ಆಡಿದ್ದು​ 2015ರಲ್ಲಿ ಮುಂಬೈ ವಿರುದ್ಧ. ಡಿವಿಲಿಯರ್ಸ್ 19 ಬೌಂಡರಿ, 4 ಸಿಕ್ಸರ್‌ಗಳ ನೆರವಿನಿಂದ 133 ರನ್ ಕಲೆ ಹಾಕಿದ್ರು. ಈ ಪಂದ್ಯವನ್ನ RCB 39 ರನ್​ಗಳಿಂದ ಗೆದ್ದು ಸಂಭ್ರಮಿಸಿತು.

ಇದನ್ನೂ ಓದಿ: ‘RCB ಫ್ಯಾನ್ಸ್​​ ತೋರಿದ ಪ್ರೀತಿಗೆ ಬೆಲೆ ಕಟ್ಟಲಾಗದು, ನಾನು ಎಂದಿಗೂ ಕೊಹ್ಲಿ ಸಪೋರ್ಟರ್​​’- ABD

ಗುಜರಾತ್ ಲಯನ್ಸ್ ವಿರುದ್ಧ 47 ಬಾಲ್​​ಗಳಲ್ಲಿ ಅಜೇಯ 79 ರನ್
ಗುಜರಾಜ್​ ನೀಡಿದ್ದ 159ರನ್​​​ಗಳ ಗುರಿ ಬೆನ್ನತ್ತಿದ್ದ RCB, 68 ರನ್​ಗಳಿಗೆ 6 ವಿಕೆಟ್ ​​ಕಳೆದುಕೊಂಡು ಇಕ್ಕಟ್ಟಿಗೆ ಸಿಲುಕಿತ್ತು. ಆದರೆ ಕ್ರೀಸ್​​​ನಲ್ಲಿದ್ದ ಎಬಿಡಿ, ಇನ್ನೂ 10 ಎಸೆತ ಬಾಕಿ ಇರುವಂತೆಯೇ, ಪಂದ್ಯವನ್ನ ಗೆಲ್ಲಿಸಿಕೊಟ್ಟಿದ್ರು. ಈ ಗೆಲುವು ಆರ್​ಸಿಬಿ ಫೈನಲ್​​ಗೇರಲು ನೆರವಾಯ್ತು.

ಗುಜರಾತ್ ಲಯನ್ಸ್ ವಿರುದ್ಧ 52 ಎಸೆತಗಳಲ್ಲಿ ಅಜೇಯ 129 ರನ್​..!
ಡಿವಿಲಿಯರ್ಸ್​​ರ ಬೆಸ್ಟ್​ ಇನ್ನಿಂಗ್ಸ್​​ಗಳಲ್ಲಿ, ಇದೂ ಒಂದು. 2016ರಲ್ಲಿ ಗುಜರಾತ್​ ವಿರುದ್ಧ ಸಿಡಿಸಿದ ಈ ಶತಕ, ಮತ್ತೊಂದು ದಾಖಲೆಗೆ ಪಾತ್ರವಾಯ್ತು. 52 ಬಾಲ್​​​ಗಳಲ್ಲಿ ಅಜೇಯ 129ರನ್​ ಕಲೆ ಹಾಕಿದ್ದ ಎಬಿಡಿ, 12 ಸಿಕ್ಸರ್‌, 10 ಬೌಂಡರಿಗಳನ್ನ ಸಿಡಿಸಿದ್ರು. ಈ ಪಂದ್ಯದಲ್ಲಿ ಲಯನ್ಸ್ ವಿರುದ್ಧ ಆರ್​​ಸಿಬಿ 144 ರನ್‌ಗಳ ಜಯ ಸಾಧಿಸಿತ್ತು.