ADR report says 75 percent of sitting Nagaland MLAs are crorepatis and 3 percent declared serious criminal cases | ನಾಗಾಲ್ಯಾಂಡ್ ಹಾಲಿ ಶಾಸಕರಲ್ಲಿ ಶೇ75 ಕೋಟ್ಯಾಧಿಪತಿಗಳು, ಶೇ3 ಮಂದಿ ವಿರುದ್ಧವಿದೆ ಕ್ರಿಮಿನಲ್ ಪ್ರಕರಣ: ಎಡಿಆರ್ ವರದಿ


ADR ವರದಿಯ ಪ್ರಕಾರ, 60 ಹಾಲಿ ಶಾಸಕರ ಪೈಕಿ ಇಬ್ಬರು ಶಾಸಕರು ಗಂಭೀರ ಕ್ರಿಮಿನಲ್ ಪ್ರಕರಣಗಳಿವೆ ಎಂದು ಹೇಳಿಕೊಂಡಿದ್ದಾರೆ. ನ್ಯಾಷನಲಿಸ್ಟ್ ಡೆಮಾಕ್ರಟಿಕ್ ಪ್ರೋಗ್ರೆಸಿವ್ ಪಾರ್ಟಿ (NDPP) ಯ 42 ಶಾಸಕರಲ್ಲಿ ಒಬ್ಬರು ಮತ್ತು ಬಿಜೆಪಿಯ 12 ಶಾಸಕರಲ್ಲಿ ಒಬ್ಬರು ತಾವು ಸಲ್ಲಿಸಿದ ಅಫಿಡವಿಟ್‌ಗಳಲ್ಲಿ ತಮ್ಮ ವಿರುದ್ಧ ಗಂಭೀರ ಕ್ರಿಮಿನಲ್ ಪ್ರಕರಣಗಳನ್ನು ಘೋಷಿಸಿದ್ದಾರೆ.

ನಾಗಾಲ್ಯಾಂಡ್ ಹಾಲಿ ಶಾಸಕರಲ್ಲಿ ಶೇ75 ಕೋಟ್ಯಾಧಿಪತಿಗಳು, ಶೇ3 ಮಂದಿ ವಿರುದ್ಧವಿದೆ ಕ್ರಿಮಿನಲ್ ಪ್ರಕರಣ: ಎಡಿಆರ್ ವರದಿ

ನಾಗಾಲ್ಯಾಂಡ್ ವಿಧಾನಸಭೆ

ಅಸೋಸಿಯೇಶನ್ ಆಫ್ ಡೆಮಾಕ್ರಟಿಕ್ ರಿಫಾರ್ಮ್ಸ್ (ADR) ಮಂಗಳವಾರ ಬಿಡುಗಡೆ ಮಾಡಿದ ಇತ್ತೀಚಿನ ವರದಿಯ ಪ್ರಕಾರ ನಾಗಾಲ್ಯಾಂಡ್‌ನ (Nagaland) ಶಾಸಕಾಂಗ ಸಭೆಯ (MLA) ಶೇ 75 ಹಾಲಿ ಸದಸ್ಯರು ಕೋಟ್ಯಾಧಿಪತಿಗಳಾಗಿದ್ದಾರೆ. ವರದಿ ಪ್ರಕಾರ ಶೇ 3 ಶಾಸಕರ ವಿರುದ್ಧ ಗಂಭೀರ ಕ್ರಿಮಿನಲ್ ಮೊಕದ್ದಮೆಗಳಿವೆ. ಎಡಿಆರ್ ಮತ್ತು ನಾಗಾಲ್ಯಾಂಡ್ ಎಲೆಕ್ಷನ್ ವಾಚ್ 2018 ರ ವಿಧಾನಸಭಾ ಚುನಾವಣೆಗೆ ಮೊದಲು ಅಭ್ಯರ್ಥಿಗಳು ಸಲ್ಲಿಸಿದ ಅಫಿಡವಿಟ್‌ಗಳು ಮತ್ತು ಕೆಳಗಿನ ಉಪಚುನಾವಣೆಗಳ ಆಧಾರದ ಮೇಲೆ 60 ಹಾಲಿ ಶಾಸಕರ ಅಪರಾಧ, ಹಣಕಾಸು ಮತ್ತು ಇತರ ಹಿನ್ನೆಲೆ ವಿವರಗಳನ್ನು ವಿಶ್ಲೇಷಿಸಿದೆ.

ವರದಿಯ ಪ್ರಕಾರ, 60 ಹಾಲಿ ಶಾಸಕರ ಪೈಕಿ ಇಬ್ಬರು ಶಾಸಕರು ಗಂಭೀರ ಕ್ರಿಮಿನಲ್ ಪ್ರಕರಣಗಳಿವೆ ಎಂದು ಹೇಳಿಕೊಂಡಿದ್ದಾರೆ. ನ್ಯಾಷನಲಿಸ್ಟ್ ಡೆಮಾಕ್ರಟಿಕ್ ಪ್ರೋಗ್ರೆಸಿವ್ ಪಾರ್ಟಿ (NDPP) ಯ 42 ಶಾಸಕರಲ್ಲಿ ಒಬ್ಬರು ಮತ್ತು ಬಿಜೆಪಿಯ 12 ಶಾಸಕರಲ್ಲಿ ಒಬ್ಬರು ತಾವು ಸಲ್ಲಿಸಿದ ಅಫಿಡವಿಟ್‌ಗಳಲ್ಲಿ ತಮ್ಮ ವಿರುದ್ಧ ಗಂಭೀರ ಕ್ರಿಮಿನಲ್ ಪ್ರಕರಣಗಳನ್ನು ಘೋಷಿಸಿದ್ದಾರೆ.

ತಾಜಾ ಸುದ್ದಿ

ಸೆಯೋಚುಂಗ್ ಸಿಟಿಮಿ ಕ್ಷೇತ್ರವನ್ನು ಪ್ರತಿನಿಧಿಸುವ ಹಾಲಿ ಬಿಜೆಪಿ ಶಾಸಕ ವಿ. ಕಾಶಿಹೋ ಸಂಗ್ತಮ್ ವಿರುದ್ಧ ನಂಬಿಕೆ ಉಲ್ಲಂಘನೆ, ಸಾರ್ವಜನಿಕ ಸೇವಕ ಅಥವಾ ಬ್ಯಾಂಕರ್, ವ್ಯಾಪಾರಿ ಅಥವಾ ಏಜೆಂಟರಿಂದ ಕ್ರಿಮಿನಲ್ ನಂಬಿಕೆ ಉಲ್ಲಂಘನೆಗೆ ಸಂಬಂಧಿಸಿದ ಆರೋಪ, ಸುಳ್ಳು ಖಾತೆಗೆ ಸಂಬಂಧಿಸಿದ ಒಂದು ಆರೋಪ ಮತ್ತು ವಂಚನೆಗೆ ಸಂಬಂಧಿಸಿದ ಆರೋಪ ಇವೆ.

ಪ್ಫುಟ್ಸೆರೊ ಕ್ಷೇತ್ರದ ಹಾಲಿ ಎನ್ ಡಿಪಿಪಿ ಶಾಸಕ ನೈಬಾ ಕ್ರೊನು ಅವರ ಮೇಲೆ ಸಾರ್ವಜನಿಕ ಸೇವಕ ಅಥವಾ ಬ್ಯಾಂಕರ್, ವ್ಯಾಪಾರಿ ಅಥವಾ ಏಜೆಂಟ್ ಮತ್ತು ಕ್ರಿಮಿನಲ್ ಪಿತೂರಿಯ ಶಿಕ್ಷೆಗೆ ಸಂಬಂಧಿಸಿದ ಆರೋಪದ ಮೂಲಕ ನಂಬಿಕೆಯ ಉಲ್ಲಂಘನೆಯ ಆರೋಪ ಹೊರಿಸಲಾಗಿದೆ.
ಇವುಗಳನ್ನು ಗಂಭೀರ ಕ್ರಿಮಿನಲ್ ಪ್ರಕರಣಗಳನ್ನು ಅಪರಾಧಗಳೆಂದು ಗುರುತಿಸಲಾಗುತ್ತದೆ, ಇದಕ್ಕಾಗಿ ಗರಿಷ್ಠ ಶಿಕ್ಷೆ 5 ವರ್ಷಗಳು ಅಥವಾ ಅದಕ್ಕಿಂತ ಹೆಚ್ಚು ಶಿಕ್ಷೆಯಿದ್ದು ಇದು ಜಾಮೀನು ರಹಿತ ಅಥವಾ ಚುನಾವಣಾ ಅಪರಾಧ ಅಡಿಯಲ್ಲಿ ಬರುತ್ತದೆ.

60 ಹಾಲಿ ಶಾಸಕರಲ್ಲಿ 45 (ಶೇ75) ಕೋಟ್ಯಾಧಿಪತಿಗಳು ಎಂದು ವರದಿ ಹೇಳಿದೆ.

ಪ್ರತಿ ಹಾಲಿ ಶಾಸಕರ ಆಸ್ತಿ ಸರಾಸರಿ ₹5.14 ಕೋಟಿ ಎಂದು ವರದಿ ಹೇಳಿದೆ. 42 ಎನ್‌ಡಿಪಿಪಿ ಶಾಸಕರಲ್ಲಿ ಪ್ರತಿ ಶಾಸಕರ ಸರಾಸರಿ ಆಸ್ತಿ ₹5.73 ಕೋಟಿ, 12 ಬಿಜೆಪಿ ಶಾಸಕರು ₹3.68 ಕೋಟಿ, ನಾಲ್ವರು ಎನ್‌ಪಿಎಫ್ ಶಾಸಕರು ₹5.34 ಕೋಟಿ ಮತ್ತು ಇಬ್ಬರು ಸ್ವತಂತ್ರ ಶಾಸಕರು ₹1.13 ಕೋಟಿ ಸರಾಸರಿ ಆಸ್ತಿ ಹೊಂದಿದ್ದಾರೆ.

ಇದಲ್ಲದೆ, 19 ಹಾಲಿ ಶಾಸಕರ ಶಿಕ್ಷಣ ಅರ್ಹತೆಯನ್ನು 8 ನೇ ಮತ್ತು 12 ನೇ ತರಗತಿಯ ನಡುವೆ ಇದೆ.40 ಶಾಸಕರು ಪದವಿ ಅಥವಾ ಅದಕ್ಕಿಂತ ಹೆಚ್ಚಿನ ಶೈಕ್ಷಣಿಕ ಅರ್ಹತೆಯನ್ನು ಘೋಷಿಸಿದ್ದಾರೆ. ಒಬ್ಬ ಶಾಸಕ ತಾನು ಅನಕ್ಷರಸ್ಥ ಎಂದು ಘೋಷಿಸಿಕೊಂಡಿದ್ದರು.

ರಾಜ್ಯದಲ್ಲಿ 60 ಶಾಸಕರ ಪೈಕಿ ಒಬ್ಬ ಮಹಿಳಾ ಪ್ರತಿನಿಧಿಯೂ ಇಲ್ಲದೇ ಇರುವ ಹಾಲಿ ಶಾಸಕರ ಗುಂಪಿನಲ್ಲಿ ತೀವ್ರ ಲಿಂಗ ಅಸಮಾನತೆಯಿದೆ.
ವಯಸ್ಸಿಗೆ ಸಂಬಂಧಿಸಿದಂತೆ, 21 ಶಾಸಕರು 51-60 ವಯಸ್ಸಿನವರಾಗಿದ್ದು, 15 ಶಾಸಕರು 61-70 ಮತ್ತು 11 ಶಾಸಕರು 41-50 ವರ್ಷದವರಾಗಿದ್ದಾರೆ.

ನಾಗಾಲ್ಯಾಂಡ್ ಅಸೆಂಬ್ಲಿ ಚುನಾವಣೆಗಳು 27 ಫೆಬ್ರವರಿ 2023 ರಂದು ನಡೆಯಲಿದ್ದು, ಮಾರ್ಚ್ 2, 2023 ರಂದು ಮತ ಎಣಿಕೆ ನಡೆಯಲಿದೆ.
ನಾಗಾಲ್ಯಾಂಡ್‌ನಲ್ಲಿ ಹಿಂದಿನ ಅಸೆಂಬ್ಲಿ ಚುನಾವಣೆ ಫೆಬ್ರವರಿ 2018 ರಲ್ಲಿ ನಡೆದಿತ್ತು. ಚುನಾವಣೆಯ ನಂತರ ಎನ್ ಡಿಪಿಪಿ ಮತ್ತು ಬಿಜೆಪಿಯ ಒಕ್ಕೂಟವು ಸರ್ಕಾರ ರಚಿಸಿ ನೇಫಿಯು ರಿಯೊ ರಾಜ್ಯದ ಮುಖ್ಯಮಂತ್ರಿಯಾದರು.

ಮತ್ತಷ್ಟು ರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ

ತಾಜಾ ಸುದ್ದಿ

TV9 Kannada


Leave a Reply

Your email address will not be published. Required fields are marked *