ಬೆಂಗಳೂರು: ಕೇಂದ್ರ ಗೃಹ ಸಚಿವ ಅಮಿತ್​ ಶಾ (Amit Shah) ರಾತ್ರಿ 10.30ಕ್ಕೆ ದೆಹಲಿಯಿಂದ ಹೊರಟಿದ್ದು, ರಾತ್ರಿ 1 ಗಂಟೆಗೆ  ಬೆಂಗಳೂರಿನ (Bengalore) ಹೆಚ್​ಎಎಲ್ (HAL)​ ಏರ್​ಪೋರ್ಟ್​ಗೆ ಬಂದಿಳಿಯಲಿದ್ದಾರೆ. ಅಮಿತ್ ಶಾ ಜೊತೆ ಬಿಜೆಪಿ ರಾಜ್ಯಾಧ್ಯಕ್ಷ  ನಳಿನ್ ಕುಮಾರ್​ ಕಟೀಲ್ (Nalin Kumar Kateel)ಬರಲಿದ್ದಾರೆ. ಅಮಿತ್ ಶಾ ಮತ್ತು ನಳಿನ್ ಕುಮಾರ್ ಕಟೀಲ್ ವಿಶೇಷ ವಿಮಾನದಲ್ಲಿ ಆಗಮಿಸಲಿದ್ದಾರೆ.  ಕೇಂದ್ರ ಸಚಿವ ಪ್ರಹ್ಲಾದ ಜೋಶಿ (Pralhad Joshi) ನಿವಾಸದಲ್ಲಿ ನಡೆದ ಸಭೆ ತಡವಾದ ಹಿನ್ನೆಲೆ ಅಮಿತ್​ ಶಾ ದೆಹಲಿಯಿಂದ ತಡವಾಗಿ ಹೊರಟಿದ್ದಾರೆ.

ನಾಳೆ (ಆಗಸ್ಟ 4)  ಬೆಳಗ್ಗೆ ಅಮಿತ್​ ಶಾ ತಾಜ್​ವೆಸ್ಟೆಂಡ್​ ಹೋಟೆಲ್​ನಲ್ಲಿ ನಡೆಯುವ ಕಾನ್ಫಿಡರೇಷನ್ ಆಫ್ ಇಂಡಿಯನ್ ಇಂಡಸ್ಟ್ರೀಸ್ (CII)  ಸಂಕಲ್ಪ್ ಸಿದ್ದಿ ಕಾರ್ಯಕ್ರಮದಲ್ಲಿ ಭಾಗಿಯಾಗಲಿದ್ದಾರೆ. ನಂತರ ಮಧ್ಯಾಹ್ನ 3.15ಕ್ಕೆ ಮದರ್​ ಡೈರಿಗೆ ಭೇಟಿ ನೀಡಲಿದ್ದಾರೆ.  ನಾಳೆ ಮಧ್ಯಾಹ್ನ 3.40ಕ್ಕೆ ಹೆಚ್​ಎಎಲ್​ ಏರ್​ಪೋರ್ಟ್​ನಿಂದ ವಿಶೇಷ ವಿಮಾನದಲ್ಲಿ ದೆಹಲಿಗೆ ವಾಪಸ್​ ತೆರಳಲಿದ್ದಾರೆ.