Bitcoin: ಬಿಟ್​ಕಾಯಿನ್​ ಬೆಲೆ ನವೆಂಬರ್​ ತಿಂಗಳ ಗರಿಷ್ಠ ಮಟ್ಟದಿಂದ ಶೇ 50ರಷ್ಟು ಕುಸಿತ | Bitcoin Fall Over 50 Percent From 2021 November High Here Is The Details


Bitcoin: ಬಿಟ್​ಕಾಯಿನ್​ ಬೆಲೆ ನವೆಂಬರ್​ ತಿಂಗಳ ಗರಿಷ್ಠ ಮಟ್ಟದಿಂದ ಶೇ 50ರಷ್ಟು ಕುಸಿತ

ಸಾಂದರ್ಭಿಕ ಚಿತ್ರ

ಅತಿ ದೊಡ್ಡ ಡಿಜಿಟಲ್ ಆಸ್ತಿಯಾದ ಬಿಟ್​ಕಾಯಿನ್ (Bitcoin)​ ಶನಿವಾರದಂದು ನಷ್ಟವನ್ನು ವಿಸ್ತರಿಸಿಕೊಂಡಿದೆ. ನವೆಂಬರ್​ನಲ್ಲಿ ತಲುಪಿದ್ದ ದಾಖಲೆಯ ಮಟ್ಟದಿಂದ ಶೆಕಡಾ 50ಕ್ಕಿಂತ ಹೆಚ್ಚು, ಭಾರೀ ಪ್ರಮಾಣದಲ್ಲಿ ಇಳಿಕೆ ಕಂಡಿದೆ. ದಾಖಲೆಯ ಮಟ್ಟವನ್ನು ತಲುಪಿದ ಬಿಟ್​ಕಾಯಿನ್​ ಅಲ್ಲಿಂದ ಕೆಳಗೆ ಇಳಿದು, ಮಾರುಕಟ್ಟೆ ಮೌಲ್ಯ 60,000 ಕೋಟಿ ಡಾಲರ್​ಗೂ ಹೆಚ್ಚನ್ನು ಕಳೆದುಕೊಂಡಿದೆ. ಮತ್ತು ಕ್ರಿಪ್ಟೋ ಮಾರುಕಟ್ಟೆಯಲ್ಲಿ ಸರಾಸರಿ 1 ಲಕ್ಷ ಕೋಟಿ ಡಾಲರ್ ಕಳೆದುಕೊಂಡಿದೆ. ಬಿಟ್​ಕಾಯಿನ್ ಮತ್ತು ಸರಾಸರಿ ಮಾರುಕಟ್ಟೆ ದೊಡ್ಡ ಮಟ್ಟದಲ್ಲಿ ಮೌಲ್ಯದಲ್ಲಿ ಕುಸಿತ ಕಂಡಿದೆ.

ಎರಡಕ್ಕೂ ಇದು ಡಾಲರ್​ ಮೌಲ್ಯದಲ್ಲಿ ಅತಿ ದೊಡ್ಡ ಇಳಿಕೆ ಇದಾಗಿದೆ ಎಂದು ಬೀಸ್ಪೋಕ್ ಇನ್​ವೆಸ್ಟ್​ಮೆಂಟ್ ಸಮೂಹವು ಹೇಳಿದೆ. ಅಮೆರಿಕದ ಫೆಡ್​ನ ಉದ್ದೇಶವು ಕ್ರಿಪ್ಟೋಕರೆನ್ಸಿಗಳು ಹಾಗೂ ಸ್ಟಾಕ್​ಗಳು ಎರಡರ ಮೇಲೂ ಪ್ರಭಾವ ಬೀರಿದೆ. ಡಿಜಿಟಲ್ ಆಸ್ತಿ ವರ್ಗದಲ್ಲಿ ಪ್ರಮುಖ ಥೀಮ್ ಕಾಣಿಸಿಕೊಂಡಿದೆ: ಕ್ರಿಪ್ಟೋಗಳ ಬದಲಾವಣೆಯು ಈಕ್ವಿಟಿಗಳಂತೆಯೇ ವರ್ತಿಸುತ್ತಿದೆ. ಕಾಯಿನ್​ಡೆಸ್ಕ್​ ಅನ್ನು ಉದಾಹರಿಸಿ ವಾಲ್​ಸ್ಟ್ರೀಟ್ ಜರ್ನಲ್ ವರದಿ ಮಾಡಿರುವಂತೆ, 2021ರ ಆಗಸ್ಟ್ ನಂತರದಲ್ಲಿ ಬಿಟ್​ಕಾಯಿನ್ ಡಾಲರ್​ ಮೌಲ್ಯದಲ್ಲಿ ಅತ್ಯಂತ ಕನಿಷ್ಠ ಮಟ್ಟಕ್ಕೆ ತಲುಪಿದೆ.

ಬಿಟ್​ಕಾಯಿನ್ ಶನಿವಾರದಂದು ಶೇ 7.2ರಷ್ಟು ಇಳಿಕೆ ಕಂಡು, 34,042 ಡಾಲರ್​ಗೆ ಇಳಿದಿದೆ. ಬಿಟ್​ಕಾಯಿನ್ ದರದ ಏರಿಳಿತಕ್ಕೂ ಹಾಗೂ ಷೇರು ಮಾರುಕಟ್ಟೆಯ ಏರಿಳಿತಕ್ಕೂ 2020ರ ಸೆಪ್ಟೆಂಬರ್​ನಿಂದ ನೇರ ಸಂಬಂಧ ಇದೆ ಎಂಬುದು ಕಂಡುಬಂದಿದೆ. ಯಾವಾಗೆಲ್ಲ ಷೇರು ಮಾರುಕಟ್ಟೆ ಕುಸಿದಿದೆಯೋ ಆಗ ಬಿಟ್​ ಕಾಯಿನ್ ದರ ಕೂಡ ಕುಸಿತ ಕಂಡಿದೆ. ಶುಕ್ರವಾರದಂದು ಅಮೆರಿಕದ ಷೇರು ಮಾರುಕಟ್ಟೆಯಲ್ಲಿ ನೆಟ್​ಫ್ಲಿಕ್ಸ್​ ಷೇರು ಸಹ ಶೇ 20ರಷ್ಟು ನೆಲ ಕಚ್ಚಿ, 4000 ಕೋಟಿ ಅಮೆರಿಕನ್ ಡಾಲರ್​ನಷ್ಟು ಮಾರುಕಟ್ಟೆ ಮೌಲ್ಯದ ನಷ್ಟ ಅನುಭವಿಸಿದೆ. ಅದೇ ರೀತಿ ಬಿಟ್​ಕಾಯಿನ್​ ಪರ್ಫಾರ್ಮೆನ್ಸ್​ ಟ್ರ್ಯಾಕ್ ಮಾಡುವ ಷೇರುಗಳ ದರ ಕೂ ಭಾರೀ ಪ್ರಮಾಣದಲ್ಲಿ ಇಳಿಕೆ ಕಂಡಿವೆ.

TV9 Kannada


Leave a Reply

Your email address will not be published. Required fields are marked *