Break up: ದಿಶಾ ಪಟಾನಿ-ಟೈಗರ್​ ಶ್ರಾಫ್​ ಬ್ರೇಕಪ್​ಗೆ ಸಿಲ್ಲಿ ಕಾರಣ; ಬಿಟೌನ್​ ಅಂಗಳದಲ್ಲಿ ಹರಿದಾಡಿದೆ ಗಾಸಿಪ್​ | This is the reason for Disha Patani and Tiger Shroff break up


Disha Patani Tiger Shroff Break up: ಕತ್ರಿನಾ ಕೈಫ್​, ಆಲಿಯಾ ಭಟ್​ ಮುಂತಾದ ನಟಿಯರು ದಾಂಪತ್ಯ ಜೀವನ ಆರಂಭಿಸಿದ್ದಾರೆ. ಅದೇ ರೀತಿ ತಾವು ಕೂಡ ಮದುವೆ ಆಗಬೇಕು ಎಂಬ ಹಂಬಲ ದಿಶಾ ಪಟಾನಿ ಮನದಲ್ಲಿ ಮೂಡಿದೆ. ಆದರೆ ಅದಕ್ಕೊಂದು ವಿಘ್ನ ಎದುರಾಗಿದೆ.

Break up: ದಿಶಾ ಪಟಾನಿ-ಟೈಗರ್​ ಶ್ರಾಫ್​ ಬ್ರೇಕಪ್​ಗೆ ಸಿಲ್ಲಿ ಕಾರಣ; ಬಿಟೌನ್​ ಅಂಗಳದಲ್ಲಿ ಹರಿದಾಡಿದೆ ಗಾಸಿಪ್​

ಟೈಗರ್ ಶ್ರಾಫ್, ದಿಶಾ ಪಟಾನಿ

ಬಾಲಿವುಡ್​ನಲ್ಲಿ ಪ್ರಣಯ ಪಕ್ಷಿಗಳಿಗೆ ಲೆಕ್ಕವಿಲ್ಲ. ಒಂದು ಸಿನಿಮಾದಲ್ಲಿ ಜೊತೆಯಾಗಿ ನಟಿಸಿದರೆ ಸಾಕು, ಆ ನಟ-ನಟಿಯರ ನಡುವೆ ಲವ್​ ಬೆಳೆದುಬಿಡುತ್ತದೆ. ಆದರೆ ಆ ಸಂಬಂಧ ಹೆಚ್ಚು ದಿನ ಉಳಿದುಕೊಳ್ಳುವುದು ಅಪರೂಪ. ನಟ ಟೈಗರ್​ ಶ್ರಾಫ್ (Disha Patani)​ ಮತ್ತು ನಟಿ ದಿಶಾ ಪಟಾನಿ (Tiger Shroff) ಅವರು ಕಳೆದ 6 ವರ್ಷಗಳಿಂದ ಡೇಟಿಂಗ್​ ಮಾಡುತ್ತಿದ್ದಾರೆ. ಅಷ್ಟೇ ಅಲ್ಲ, ಅವರಿಬ್ಬರು ಲಿವ್​-ಇನ್​-ರಿಲೇಷನ್​ಶಿಪ್​ನಲ್ಲಿ ಇದ್ದಾರೆ ಎಂಬ ಮಾಹಿತಿ ಕೂಡ ಇದೆ. ಆದರೆ ಇತ್ತೀಚಿನ ದಿನಗಳಲ್ಲಿ ಈ ಜೋಡಿ ಹಕ್ಕಿಗಳು ಬ್ರೇಕಪ್​ (Break up) ಮಾಡಿಕೊಂಡಿವೆ ಎನ್ನುತ್ತಿವೆ ಮೂಲಗಳು. ಅಷ್ಟಕ್ಕೂ ಇಬ್ಬರ ನಡುವಿನ ಪ್ರೀತಿ ಅಂತ್ಯವಾಗಲು ಕಾರಣ ಏನು? ಮದುವೆ ಪ್ರಸ್ತಾಪ! ಹೌದು, ಹೀಗೊಂದು ಗಾಸಿಪ್​ ಬಿ-ಟೌನ್​ ಅಂಗಳದಲ್ಲಿ ಕೇಳಿಬರುತ್ತಿದೆ.

ಹಿಂದಿ ಚಿತ್ರರಂಗದಲ್ಲಿ ಅನೇಕ ನಟಿಯರು ವೈವಾಹಿಕ ಜೀವನಕ್ಕೆ ಕಾಲಿಡುತ್ತಿದ್ದಾರೆ. ಕತ್ರಿನಾ ಕೈಫ್​, ಆಲಿಯಾ ಭಟ್​ ಮುಂತಾದ ನಟಿಯರು ದಾಂಪತ್ಯ ಜೀವನ ಆರಂಭಿಸಿದ್ದಾರೆ. ಅದೇ ರೀತಿ ತಾವು ಕೂಡ ಮದುವೆ ಆಗಬೇಕು ಎಂಬ ಹಂಬಲ ದಿಶಾ ಪಟಾನಿ ಮನದಲ್ಲಿ ಮೂಡಿದೆ. ಆದರೆ ಅದಕ್ಕೆ ಟೈಗರ್​ ಶ್ರಾಫ್​ ಕಡೆಯಿಂದ ಸೂಕ್ತ ಸ್ಪಂದನೆ ಸಿಕ್ಕಿಲ್ಲ ಎಂಬ ಗುಸುಗುಸು ಹಬ್ಬಿದೆ.

ಗರ್ಲ್​ಫ್ರೆಂಡ್​ ದಿಶಾ ಪಟಾನಿಯ ಆಸೆಗೆ ಇಂಬು ನೀಡಲು ಟೈಗರ್​ ಶ್ರಾಫ್​ ಈಗಲೇ ಸಿದ್ಧರಿಲ್ಲವಂತೆ. ಹಾಗಾಗಿ ಇಷ್ಟು ಬೇಗ ಮದುವೆ ಆಗುವುದು ಬೇಡ ಎಂದು ಅವರು ಹೇಳಿದ್ದಾರೆ. ಈ ವಿಚಾರದಲ್ಲಿ ಇಬ್ಬರ ನಡುವೆ ಮನಸ್ತಾಪ ಮೂಡಿದೆ. ಆ ಕಾರಣದಿಂದಲೇ ಬ್ರೇಕಪ್​ ನಿರ್ಧಾರಕ್ಕೆ ಬರಲಾಗಿದೆ ಎಂದು ಗಾಸಿಪ್​ ಮಂದಿ ಮಾತನಾಡಿಕೊಳ್ಳುತ್ತಿ​ದ್ದಾರೆ. ಆದರೆ ಈ ವಿಷಯದ ಬಗ್ಗೆ ಅಧಿಕೃತವಾಗಿ ಯಾರೂ ಹೇಳಿಕೆ ನೀಡಿಲ್ಲ.

ಬಾಲಿವುಡ್​ನಲ್ಲಿ ಟೈಗರ್​ ಶ್ರಾಫ್​ ಅವರಿಗೆ ಸಖತ್​ ಬೇಡಿಕೆ ಇದೆ. ಆ್ಯಕ್ಷನ್​ ಹೀರೋ ಆಗಿ ಅವರು ಮಿಂಚುತ್ತಿದ್ದಾರೆ. ಈಗ ಅವರಿಗೆ 32 ವರ್ಷ ವಯಸ್ಸು. ಇಷ್ಟು ಬೇಗ ಮದುವೆ ಆಗಿ ಸಂಸಾರ ಆರಂಭಿಸಲು ಟೈಗರ್​ ಶ್ರಾಫ್​ ಸಿದ್ಧರಿಲ್ಲ. ಆದರೆ ಮದುವೆಗೆ ದಿಶಾ ಪಟಾನಿ ಅವಸರ ಮಾಡುತ್ತಿದ್ದಾರೆ. ಈ ವಿಚಾರವಾಗಿ ಇಬ್ಬರ ನಡುವೆ ಕಿರಿಕ್​ ಆಗಿದೆ ಎನ್ನಲಾಗಿದೆ.

ಇನ್ನು, ದಿಶಾ ಪಟಾನಿ ಕೂಡ ಬಹುಬೇಡಿಕೆ ಹೊಂದಿದ್ದಾರೆ. ಹಲವು ಸಿನಿಮಾಗಳಲ್ಲಿ ಅವರು ಬ್ಯುಸಿ ಆಗಿದ್ದಾರೆ. ಅವರು ಅಭಿನಯಿಸಿರುವ ‘ಏಕ್​ ವಿಲನ್​ ರಿಟರ್ನ್ಸ್​’ ಚಿತ್ರ ಜುಲೈ 29ರಂದು ಬಿಡುಗಡೆಯಾಗಿ ಗಮನ ಸೆಳೆಯುತ್ತಿದೆ.

TV9 Kannada


Leave a Reply

Your email address will not be published. Required fields are marked *