Closing Bell: ಸೆನ್ಸೆಕ್ಸ್, ನಿಫ್ಟಿ ಗಳಿಕೆ; ಮಾರುತಿ ಸುಜುಕಿ ಷೇರು 488 ರೂಪಾಯಿ ಏರಿಕೆ | Sensex Up By 443 Points Nifty 143 Points And Maruti Suzuki Gains Rs 488


Closing Bell: ಸೆನ್ಸೆಕ್ಸ್, ನಿಫ್ಟಿ ಗಳಿಕೆ; ಮಾರುತಿ ಸುಜುಕಿ ಷೇರು 488 ರೂಪಾಯಿ ಏರಿಕೆ

ಸಾಂದರ್ಭಿಕ ಚಿತ್ರ

ಭಾರತದ ಷೇರುಪೇಟೆ ಸೂಚ್ಯಂಕಗಳಾದ ಸೆನ್ಸೆಕ್ಸ್, ನಿಫ್ಟಿ ಜೂನ್ 23ನೇ ತಾರೀಕಿನ ಗುರುವಾರದಂದು ಏರಿಕೆ ದಾಖಲಾಗಿದೆ. ಪ್ರಮುಖವಾಗಿ ಏರಿಕೆ, ಇಳಿಕೆ ದಾಖಲಿಸಿದ ಷೇರುಗಳ ವಿವರ ಇಲ್ಲಿದೆ.

ಭಾರತದ ಷೇರು ಮಾರುಕಟ್ಟೆ (Stock Market) ಸೂಚ್ಯಂಕಗಳಾದ ಬಿಎಸ್​ಇ ಸೆನ್ಸೆಕ್ಸ್ ಮತ್ತು ನಿಫ್ಟಿ ಜೂನ್ 23ನೇ ತಾರೀಕಿನ ಗುರುವಾರದಂದು ಏರಿಕೆ ಕಂಡಿದೆ. ಭಾರೀ ಏರಿಳಿತದಿಂದ ಕೂಡಿದ್ದ ಮಾರುಕಟ್ಟೆಯು ದಿನದ ಕೊನೆಗೆ ಪಾಸಿಟಿವ್ ಆಗಿ ಮುಕ್ತಾಯಗೊಂಡಿದೆ. ನಿಫ್ಟಿ 15,500 ಪಾಯಿಂಟ್ಸ್​ಗೂ ಮೇಲ್ಮಟ್ಟದಲ್ಲಿ ವಹಿವಾಟು ಚುಕ್ತಾ ಮಾಡಿದೆ. ಸೆನ್ಸೆಕ್ಸ್ 443.19 ಪಾಯಿಂಟ್ಸ್ ಅಥವಾ ಶೇ 0.86ರಷ್ಟು ಮೇಲೇರಿ 52,265.72 ಪಾಯಿಂಟ್ಸ್​ನಲ್ಲಿ ವ್ಯವಹಾರ ಮುಗಿಸಿದೆ. ಇನ್ನು ನಿಫ್ಟಿ 143.40 ಪಾಯಿಂಟ್ಸ್ ಅಥವಾ ಶ 0.93ರಷ್ಟು ಹೆಚ್ಚಳ ಕಂಡು 15,556.70 ಪಾಯಿಂಟ್ಸ್​ನೊಂದಿಗೆ ವಹಿವಾಟು ಚುಕ್ತಾ ಮಾಡಿದೆ. ಇಂದಿನ ವಹಿವಾಟಿನಲ್ಲಿ 2037ರಷ್ಟು ಕಂಪೆನಿತ ಷೇರುಗಳು ಏರಿಕೆ ದಾಖಲಿಸಿತು.

ಮತ್ತೊಂದು ಕಡೆ 1188 ಕಂಪೆನಿಯ ಷೇರುಗಳು ಇಳಿಕೆ ದಾಖಲಿಸಿದವು. 123 ಕಂಪೆನಿಯ ಷೇರುಗಳ ಬೆಲೆಯಲ್ಲಿ ಯಾವುದೇ ಬದಲಾವಣೆ ಆಗಲಿಲ್ಲ. ವಾಹನ ಸೂಚ್ಯಂಕ ಶೇ 4ರಷ್ಟು ಮೇಲೇರಿದರೆ, ಕ್ಯಾಪಿಟಲ್ ಗೂಡ್ಸ್, ಮಾಹಿತಿ ತಂತ್ರಜ್ಞಾನ, ಫಾರ್ಮಾ ಮತ್ತು ರಿಯಾಲ್ಟಿ ಸೂಚ್ಯಂಕಗಳು ತಲಾ ಶೇ 1ರಷ್ಟು ಏರಿಕೆ ದಾಖಲಿಸಿದವು.

ನಿಫ್ಟಿಯಲ್ಲಿ ಏರಿಕೆ ಕಂಡ ಪ್ರಮುಖ ಷೇರುಗಳು ಹಾಗೂ ಶೇಕಡಾವಾರು ಪ್ರಮಾಣ

ಮಾರುತಿ ಸುಜುಕಿ ಶೇ 6.27

ಹೀರೋ ಮೋಟೋಕಾರ್ಪ್ ಶೇ 5.93

ಐಷರ್ ಮೋಟಾರ್ಸ್ ಶೇ 5.87

ಮಹೀಂದ್ರಾ ಅಂಡ್ ಮಹೀಂದ್ರಾ ಶೇ 4.46

ಬಜಾಜ್ ಆಟೋ ಶೇ 4.10

ನಿಫ್ಟಿಯಲ್ಲಿ ಇಳಿಕೆ ಕಂಡ ಪ್ರಮುಖ ಷೇರುಗಳು ಹಾಗೂ ಶೇಕಡಾವಾರು ಪ್ರಮಾಣ

ರಿಲಯನ್ಸ್ ಶೇ -1.62

ಕೋಲ್ ಇಂಡಿಯಾ ಶೇ -1.23

ಪವರ್​ ಗ್ರಿಡ್ ಕಾರ್ಪೊರೇಷನ್ ಶೇ -1.00

ಎನ್​ಟಿಪಿಸಿ ಶೇ -0.84

ಗ್ರಾಸಿಮ್ ಶೇ -0.67

TV9 Kannada


Leave a Reply

Your email address will not be published.