CWG 2022 Hockey: ರೋಚಕ ಪಂದ್ಯದಲ್ಲಿ ಕೆನಡಾವನ್ನು ಮಣಿಸಿ ಸೆಮಿಫೈನಲ್ ಪ್ರವೇಶಿಸಿದ ಭಾರತ ಮಹಿಳಾ ಹಾಕಿ ತಂಡ | CWG 2022 Hockey Team India enters semi finals beat Canada in a thrilling match


CWG 2022 Hockey: ‘ಬಿ’ ಗುಂಪಿನ ಈ ಪಂದ್ಯ ಭಾರತ ಹಾಗೂ ಕೆನಡಾ ಪಾಲಿಗೆ ಮಹತ್ವದ್ದಾಗಿತ್ತು. ಈ ಪಂದ್ಯವನ್ನು ಗೆಲ್ಲುವ ಮೂಲಕ ಎರಡೂ ತಂಡಗಳಿಗೆ ಸೆಮಿಫೈನಲ್ ಪ್ರವೇಶಿಸುವ ಅವಕಾಶವಿದ್ದು, ಪಂದ್ಯ ಸಮಬಲದಿಂದ ಕೂಡಿತ್ತು.

ಒಂದು ದಿನದ ಹಿಂದೆ ಇಂಗ್ಲೆಂಡ್ ವಿರುದ್ಧದ ಸೋಲಿನಿಂದ ಚೇತರಿಸಿಕೊಂಡ ನಂತರ ಭಾರತೀಯ ಮಹಿಳಾ ಹಾಕಿ ತಂಡ (Indian women’s hockey team) ಬಲವಾದ ಪುನರಾಗಮನವನ್ನು ಮಾಡಿದೆ ಮತ್ತು ಬರ್ಮಿಂಗ್ಹ್ಯಾಮ್ ಕಾಮನ್ವೆಲ್ತ್ ಗೇಮ್ಸ್ 2022 (Birmingham Commonwealth Games 2022)ರ ಸೆಮಿಫೈನಲ್‌ಗೆ ಪ್ರವೇಶಿಸಿದೆ. ಆಗಸ್ಟ್ 3 ಬುಧವಾರ ನಡೆದ ಪೂಲ್ ಹಂತದ ಪಂದ್ಯದಲ್ಲಿ ಭಾರತ ತಂಡ ಕಠಿಣ ಸವಾಲಿನ ಪಂದ್ಯದಲ್ಲಿ ಕೆನಡಾವನ್ನು 3-2 ಗೋಲುಗಳ ಮೂಲಕ ರೋಚಕ ಶೈಲಿಯಲ್ಲಿ ಸೋಲಿಸಿತು. ಈ ಮೂಲಕ ಭಾರತ ತಂಡ ಐದನೇ ಬಾರಿಗೆ ಸೆಮಿಫೈನಲ್‌ಗೆ ಲಗ್ಗೆ ಇಟ್ಟಿದೆ. ಕಳೆದ ವರ್ಷ ಟೋಕಿಯೊ ಒಲಿಂಪಿಕ್ಸ್‌ ಕ್ವಾರ್ಟರ್ ಫೈನಲ್‌ನಲ್ಲಿ ಸೋತಿದ್ದ ಆಸ್ಟ್ರೇಲಿಯಾವನ್ನು ಸೆಮಿಫೈನಲ್‌ನಲ್ಲಿ ಭಾರತ ಎದುರಿಸಲಿದೆ.

ಭಾರತಕ್ಕೆ ಬಲಿಷ್ಠ ಆರಂಭ

‘ಬಿ’ ಗುಂಪಿನ ಈ ಪಂದ್ಯ ಭಾರತ ಹಾಗೂ ಕೆನಡಾ ಪಾಲಿಗೆ ಮಹತ್ವದ್ದಾಗಿತ್ತು. ಈ ಪಂದ್ಯವನ್ನು ಗೆಲ್ಲುವ ಮೂಲಕ ಎರಡೂ ತಂಡಗಳಿಗೆ ಸೆಮಿಫೈನಲ್ ಪ್ರವೇಶಿಸುವ ಅವಕಾಶವಿದ್ದು, ಪಂದ್ಯ ಸಮಬಲದಿಂದ ಕೂಡಿತ್ತು. ಭಾರತ ಬಲಿಷ್ಠವಾಗಿ ಆರಂಭಗೊಂಡು ಎರಡನೇ ಕ್ವಾರ್ಟರ್‌ ವೇಳೆಗೆ 2-0 ಮುನ್ನಡೆ ಸಾಧಿಸಿತು. ಪಂದ್ಯದ ಮೂರನೇ ನಿಮಿಷದಲ್ಲಿ ಸಲೀಮಾ ಟೆಟೆ ಭಾರತದ ಪೆನಾಲ್ಟಿ ಕಾರ್ನರ್‌ನಿಂದ ಉತ್ತಮ ಆರಂಭ ಗಳಿಸಿದರು. ನಂತರ ಎರಡನೇ ಕ್ವಾರ್ಟರ್​ನಲ್ಲಿ ನವನೀತ್ ಕೌರ್ 22ನೇ ನಿಮಿಷದಲ್ಲಿ ಮುನ್ನಡೆಯನ್ನು ದ್ವಿಗುಣಗೊಳಿಸಿದರು.

ಕೆನಡಾದ ಅತ್ಯುತ್ತಮ ಪುನರಾಗಮನ

ಭಾರತ ತಂಡವು ಪಂದ್ಯದಲ್ಲಿ ಪ್ರಾಬಲ್ಯ ತೋರಿತು, ಆದರೆ ನಂತರ ಕೆನಡಾ ಮೊದಲ ಪೆನಾಲ್ಟಿ ಕಾರ್ನರ್ ಪಡೆದುಕೊಂಡು ಗೋಲು ಗಳಿಸಿತು. ಭಾರತದ ಎರಡನೇ ಗೋಲಿನ ಕೆಲವೇ ನಿಮಿಷದಲ್ಲಿ ಬ್ರಿಯಾನ್ ಸ್ಟೀಯರ್ಸ್ ಕೆನಡಾ ಪರ ಮೊದಲ ಗೋಲು ಗಳಿಸಿದರು. ಇಲ್ಲಿಂದ ಭಾರತ ತಂಡ ತನ್ನ ವೇಗವನ್ನು ಕಳೆದುಕೊಳ್ಳಲಾರಂಭಿಸಿತು ಮತ್ತು ಮೂರನೇ ಕ್ವಾರ್ಟರ್‌ನಲ್ಲಿ ಕೆನಡಾ ಅದರ ಲಾಭವನ್ನು ಪಡೆದುಕೊಂಡಿತು. ಮತ್ತೊಮ್ಮೆ ಪೆನಾಲ್ಟಿ ಕಾರ್ನರ್ ತಂಡಕ್ಕೆ ನೆರವಾಯಿತು. 39ನೇ ನಿಮಿಷದಲ್ಲಿ ಕಂಡುಬಂದ ಈ ಪಿಸಿಯಲ್ಲಿ ಕೆನಡಾ ನೇರ ಡ್ರ್ಯಾಗ್ ಫ್ಲಿಕ್ ಬದಲಿಗೆ ಸಂಯೋಜನೆಯ ಪಾಸ್ ಅನ್ನು ಬಳಸಿತು ಮತ್ತು ಹಾನಾ ಹಾನ್ ಸ್ಕೋರ್ 2-2 ರಿಂದ ಸಮಬಲಗೊಳಿಸಿದರು.

ಲಾಲ್ರೆಮ್ಸಿಯಾಮಿ ಪಂದ್ಯವನ್ನು ಕಸಿದುಕೊಂಡರು

TV9 Kannada


Leave a Reply

Your email address will not be published. Required fields are marked *