Dark Lips: ನಿಮ್ಮ ತುಟಿಯ ಬಣ್ಣ ಕಪ್ಪಾಗುತ್ತಿದ್ದರೆ ಅದಕ್ಕೆ ಕಾರಣ ಹಾಗೂ ಪರಿಹಾರ ಇಲ್ಲಿದೆ – Your lip look like very dark here is the reason and solution Dark Lips Kannada news


ತುಟಿ ಕಪ್ಪಾಗಲು ಕಾರಣ ಹಾಗೂ ಕಪ್ಪಾಗುವುದನ್ನು ತಪ್ಪಿಸಲು ಕೆಲವೊಂದು ಪರಿಹಾರ ಕ್ರಮಗಳನ್ನು ಚರ್ಮರೋಗ ತಜ್ಞರಾದ ಜಯಶ್ರೀ ಶರದ್ ಸೂಚಿಸಿದ್ದಾರೆ.

Dark Lips: ನಿಮ್ಮ ತುಟಿಯ ಬಣ್ಣ ಕಪ್ಪಾಗುತ್ತಿದ್ದರೆ ಅದಕ್ಕೆ ಕಾರಣ ಹಾಗೂ ಪರಿಹಾರ ಇಲ್ಲಿದೆ

Dark lip

Image Credit source: Zee News

ಪ್ರತಿಯೊಂದು ಹೆಣ್ಣು ತನ್ನ ತುಟಿ ಯಾವುದೇ ಕೃತಕ ಬಣ್ಣಗಳನ್ನು ಬಳಸದೇ ಸುಂದರವಾಗಿ ಗುಲಾಬಿ ಬಣ್ಣದಲ್ಲಿರಬೇಕು ಎಂದು ಹಂಬಲಿಸುತ್ತಾಳೆ. ಆದರೆ ಇಂದೂ ತುಟಿ ಬಣ್ಣ ಕಪ್ಪಾಗುತ್ತುರುವುದು(Dark Lips) ಒಂದು ದೊಡ್ಡ ಸಮಸ್ಯೆಯಾಗಿದೆ. ಆದ್ದರಿಂದ ನೀವೂ ಈ ಸಮಸ್ಯೆಯಿಂದ ಬಳಲುತ್ತಿದ್ದರೇ, ಅದಕ್ಕೆ ಕಾರಣವೇನು? ಹಾಗೂ ನೈಸರ್ಗಿಕವಾಗಿ ಗುಲಾಬಿ ಬಣ್ಣದ ತುಟಿಯನ್ನು ಪಡೆಯಲು ಪರಿಹಾರ ಕ್ರಮಗಳು ಇಲ್ಲಿವೆ.
ತುಟಿ ಕಪ್ಪಾಗಲು ಕಾರಣ ಹಾಗೂ ಕಪ್ಪಾಗುವುದನ್ನು ತಪ್ಪಿಸಲು ಕೆಲವೊಂದು ಪರಿಹಾರ ಕ್ರಮಗಳನ್ನು ಚರ್ಮರೋಗ ತಜ್ಞರಾದ ಜಯಶ್ರೀ ಶರದ್ ತಿಳಿಸಿದ್ದಾರೆ.

ಅವುಗಳು ಈ ಕೆಳಗಿನಂತಿವೆ:

1. ಧೂಮಪಾನ:

ಅತಿಯಾದ ಧೂಮಪಾನವು ನಿಮ್ಮ ತುಟಿಗಳನ್ನು ಕಪ್ಪಾಗಿಸಲು ಕಾರಣವಾಗಬಹುದು. ಅಲ್ಲದೆ, ಇದು ಚರ್ಮದ ಮೇಲೆ ಕೂಡ ಪರಿಣಾಮ ಬೀರುತ್ತದೆ. ಆದ್ದರಿಂದ ತುಟಿಗಳು ಕಪ್ಪಾಗುವುದನ್ನು ತಪ್ಪಿಸಲು ಆದಷ್ಟು ಧೂಮಪಾನದಿಂದ ದೂರವಿರಿ.

2. ಲಿಪ್‌ಸ್ಟಿಕ್‌ ಅಲರ್ಜಿ:

ಕೃತಕವಾಗಿ ತುಟಿಗಳಿಗೆ ಬಣ್ಣವನ್ನು ನೀಡುವ ಲಿಪ್‌ಸ್ಟಿಕ್‌ ಮುಂತಾದ ಉತ್ಪನ್ನಗಳು ನಿಮ್ಮ ತ್ವಚೆಗೆ ಸರಿಯಾಗಿ ಹೊಂದಿಕೆಯಾಗದ್ದಿದ್ದಾಗ ಅಲರ್ಜಿಗಳು ಉಂಟಾಗುತ್ತದೆ. ಆದ್ದರಿಂದ ಅಲರ್ಜಿಗಳಿಂದ ಕೂಡ ತುಟಿ ಕಪ್ಪಾಗುವ ಸಾಧ್ಯತೆ ಹೆಚ್ಚಿದೆ. ಆದ್ದರಿಂದ ನಿಮ್ಮ ತ್ವಚೆಗೆ ಹೊಂದಿಕೆಯಾಗುವಂತಹ ಉತ್ತಮ ಗುಣಮಟ್ಟದ ಲಿಪ್‌ಸ್ಟಿಕ್‌ ಬಳಸಿ.

3. ಸೂರ್ಯನ ಬಿಸಿಲು:

ನಿಮ್ಮ ಚರ್ಮದಂತೆಯೇ, ತುಟಿಗಳು ಕೂಡ ಅತಿಯಾದ ಸೂರ್ಯನ ಶಾಖಕ್ಕೆ ಕಪ್ಪಾಗಬಹುದು. ಆದ್ದರಿಂದ ಮಧ್ಯಾಹ್ನದ ಉರಿ ಬಿಸಿಲಿನಿಂದ ಆದಷ್ಟು ನಿಮ್ಮ ತ್ವಚೆಯನ್ನು ಕಾಪಾಡಿಕೊಳ್ಳಿ.

4. ಮೌತ್ ಫ್ರೆಶ್‌ನರ್‌ಗಳಿಂದ ಅಲರ್ಜಿ:

ನೀವೂ ಬಳಸುವ ಮೌತ್ ಫ್ರೆಶ್‌ನರ್‌ಗಳಲ್ಲಿ ಅತಿಯಾಗಿ ರಾಸಾಯನಿಕಗಳನ್ನು ಬಳಸಿರುವುದರಿಂದ ಅದು ನಿಮ್ಮ ಚರ್ಮಕ್ಕೆ ಅಲರ್ಜಿಯನ್ನು ಉಂಟುಮಾಡಬಹುದು, ಇದು ತುಟಿಗಳ ಬಣ್ಣ ಕಪ್ಪಾಗಲು ಕಾರಣವಾಗಬಹುದು. ಆದ್ದರಿಂದ ಆದಷ್ಟು ಉತ್ತಮ ಗುಣಮಟ್ಟದ ಮೌತ್ ಫ್ರೆಶ್‌ನರ್‌ಗಳನ್ನು ಖರೀದಿಸಿ.

ಇದನ್ನು ಓದಿ: ಸಂಗಾತಿಯ ಹುಡುಕಾಟದಲ್ಲಿದ್ದೀರಾ? ನಿಮಗಾಗಿ ಇಲ್ಲಿದೆ ಪ್ರಮುಖ ಡೇಟಿಂಗ್ ಆ್ಯಪ್​ಗಳ ಮಾಹಿತಿ

5. ಟೂತ್‌ಪೇಸ್ಟ್‌ಗಳಿಂದ ಅಲರ್ಜಿ:

ಇತ್ತೀಚೆಗೆ ನಿಮ್ಮ ಹಲ್ಲುಗಳು ಹೊಳೆಯುವಂತೆ ಮಾಡುವ ಸಾಕಷ್ಟು ಟೂತ್‌ಪೇಸ್ಟ್‌ಗಳು ಮಾರುಕಟ್ಟೆಗಳಲ್ಲಿ ಕಾಣಬಹುದು. ನೀವು ಜಾಹೀರಾತುಗಳಿಗೆ ಮರುಳಾಗಿ ಖರೀದಿಸುವುದ್ದರಿಂದ, ಇದು ನಿಮ್ಮ ದೇಹದ ಮೇಲೆ ಕೆಟ್ಟ ಪರಿಣಾಮ ಬೀರುತ್ತದೆ. ಜೊತೆಗೆ ನಿಮ್ಮ ತುಟಿಗೆ ಅಲರ್ಜಿಯನ್ನುಂಟು ಮಾಡುತ್ತದೆ.

ಜೀವನಶೈಲಿಗೆ ಸಂಬಂಧಿಸಿದ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ:

ತಾಜಾ ಸುದ್ದಿ

TV9 Kannada


Leave a Reply

Your email address will not be published. Required fields are marked *