Food Poison: ಮಳೆಗಾಲದಲ್ಲಿ ಫುಡ್​ಪಾಯ್ಸನ್​ ಆಗದಂತೆ ಎಚ್ಚರವಹಿಸುವುದು ಹೇಗೆ?


Food Poison

ಮಳೆಗಾಲದಲ್ಲಿ ಉದರ ಸಂಬಂಧಿತ ಸಮಸ್ಯೆಗಳು ಹೆಚ್ಚಾಗಿ ಕಾಡುತ್ತವೆ. ಮಳೆಗಾಲದಲ್ಲಿ ಹೊರಗಡೆ ಸಿಗುವ ಜಂಕ್ ಮತ್ತು ಕರಿದ ಆಹಾರ ಸೇವನೆ ಮಾಡುವುದರಿಂದ ಆರೋಗ್ಯ ಸಮಸ್ಯೆಗಳು ಹೆಚ್ಚು. ಬ್ಯಾಕ್ಟೀರಿಯಾ, ವೈರಸ್‌ಗಳು ಮತ್ತು ಶಿಲೀಂಧ್ರಗಳು ಅತಿಸಾರ, ವಾಂತಿ, ಶೀತ ಮತ್ತು ಸೆಳೆತ, ವಾಕರಿಕೆ, ಜ್ವರ ಮತ್ತು ತೀವ್ರವಾದ ಹೊಟ್ಟೆ ನೋವಿನಂತಹ ರೋಗಕ್ಕೆ ಕಾರಣವಾಗುತ್ತದೆ.

ಫುಡ್ ಪಾಯ್ಸನ್ ತಪ್ಪಿಸಬೇಕೆಂದರೆ ನೀರನ್ನು ಹೆಚ್ಚಿನ ಪ್ರಮಾಣದಲ್ಲಿ ಕುಡಿಯುವುದು, ಸ್ವಲ್ಪ ಪ್ರಮಾಣದಲ್ಲಿ ತಿನ್ನುವುದು, ಹಾಗೂ ಮನೆಯಲ್ಲಿಯೇ ತಯಾರಿಸಿದ ಆಹಾರವನ್ನು ತಿನ್ನಬೇಕು.

 

ಹಣ್ಣುಗಳು ಮತ್ತು ತರಕಾರಿಗಳನ್ನು ಸರಿಯಾಗಿ ತೊಳೆಯಿರಿ: ಮಾರುಕಟ್ಟೆಯಿಂದ ಖರೀದಿಸಿದ ಹಣ್ಣುಗಳು ಮತ್ತು ತರಕಾರಿಗಳನ್ನು ಸರಿಯಾಗಿ ಸ್ವಚ್ಛಗೊಳಿಸುವುದು ಬಹಳ ಮುಖ್ಯ ಏಕೆಂದರೆ ಬ್ಯಾಕ್ಟೀರಿಯಾ ಮತ್ತು ಶಿಲೀಂಧ್ರಗಳು ಅವುಗಳ ಮೇಲೆ ಹೆಚ್ಚಾಗಿರುತ್ತವೆ.

ಸ್ವಚ್ಛವಾದ ಪ್ರದೇಶದಲ್ಲಿ ತಿನ್ನಿ: ಮುಂಗಾರಿನಲ್ಲಿ ಪ್ರತಿಯೊಬ್ಬರೂ ಹೊರಗೆ ತಿನ್ನಲು ಇಷ್ಟಪಡುತ್ತಾರೆ, ಆದರೆ ನೈರ್ಮಲ್ಯದ ಸ್ಥಳವನ್ನು ಆಯ್ಕೆ ಮಾಡಿಕೊಳ್ಳಿ, ಮಳೆಗಾಲವು ಸಾಕಷ್ಟು ಸೋಂಕುಗಳು ಹರಡುವ ಸಮಯವಾಗಿದೆ.
ಕುದಿಸಿದ ಅಥವಾ ಫಿಲ್ಟರ್ ನೀರನ್ನು ಕುಡಿಯಿರಿ: ಮಳೆಗಾಲದಲ್ಲಿ ನೀರಿನಿಂದಲೇ ಕಾಯಿಲೆಗಳು ಹರಡುವುದು ಹೆಚ್ಚು ಹೀಗಾಗಿ, ಮಳೆಗಾಲದಲ್ಲಿ

ನೀರನ್ನು ಕುದಿಸಿ ಅಥವಾ ಫಿಲ್ಟರ್​ ಮಾಡಿ ಕುಡಿಯಿರಿ: ಕುದಿಸಿದ ನೀರು ನಿಮ್ಮನ್ನು ಹಲವು ರೋಗಗಳಿಂದ ರಕ್ಷಿಸುತ್ತದೆ.

ಕತ್ತರಿಸಿಟ್ಟಿರುವ ಹಣ್ಣುಗಳನ್ನು ತಿನ್ನಬೇಡಿ: ಮಳೆಗಾಲದಲ್ಲಿ ಹಣ್ಣುಗಳನ್ನು ತಿನ್ನುವಾಗ ಯಾವಾಗಲೂ ಜಾಗರೂಕರಾಗಿರಿ. ಮೊದಲೇ ಕತ್ತರಿಸಿದ ಹಣ್ಣುಗಳನ್ನು ತಿನ್ನಬೇಡಿ, ಅವುಗಳು ಎಷ್ಟೇ ತಾಜಾವಾಗಿದ್ದರೂ ಸಹ. ಕತ್ತರಿಸಿದ ಹಣ್ಣುಗಳು ಸೋಂಕುಗಳಿಗೆ ಹೆಚ್ಚು ಒಳಗಾಗುತ್ತವೆ.

ದಿನಸಿಗಳನ್ನು ಸರಿಯಾಗಿ ಸಂಗ್ರಹಿಸಿ: ಧಾನ್ಯಗಳು, ಕಾಳುಗಳು ಮತ್ತು ಬೇಳೆಯಂತಹ ದಿನಸಿಗಳನ್ನು ಸರಿಯಾಗಿ ಸಂಗ್ರಹಿಸುವುದು ಬಹಳ ಮುಖ್ಯ. ಹೆಚ್ಚಿನ ಆರ್ದ್ರತೆಯು ಆಹಾರವನ್ನು ಹಾಳುಮಾಡುವ ಸಾಧ್ಯತೆಯಿದೆ.
-ನೀರು ಮತ್ತು ಅಗತ್ಯ ಲವಣಗಳೊಂದಿಗೆ ನಿಮ್ಮನ್ನು ಪುನರ್ಜಲೀಕರಣಗೊಳಿಸಿ
-ಎಲೆಕ್ಟ್ರೋಲೈಟ್‌ಗಳನ್ನು ಮರುಪೂರಣಗೊಳಿಸಲು ಸಾಕಷ್ಟು ತೆಂಗಿನ ನೀರನ್ನು ಕುಡಿಯಿರಿ
-ಸಾಕಷ್ಟು ಬಾಳೆಹಣ್ಣುಗಳು, ಆಲೂಗಡ್ಡೆ ಮತ್ತು ಬೇಯಿಸಿದ ತರಕಾರಿಗಳನ್ನು ತಿನ್ನಿರಿ
-ಪರಿಸ್ಥಿತಿ ಸುಧಾರಿಸದಿದ್ದರೆ ವೈದ್ಯರನ್ನು ಭೇಟಿ ಮಾಡಿ

ಈ ಮೇಲಿನ ಲೇಖನವು ಟಿವಿ9ನ ಅಧಿಕೃತ ಮಾಹಿತಿಯಾಗಿರುವುದಿಲ್ಲ, ಸಾಮಾನ್ಯ ಮಾಹಿತಿಯನ್ನು ಒಳಗೊಂಡಿರುತ್ತದೆ.

TV9 Kannada


Leave a Reply

Your email address will not be published. Required fields are marked *