Health : ನಿಮ್ಮ ಮಸಾಲೆಡಬ್ಬಿಯಲ್ಲಿಯೇ ಇದೆ ಪರಿಹಾರ! | Clove benefits for good health


Health : ನಿಮ್ಮ ಮಸಾಲೆಡಬ್ಬಿಯಲ್ಲಿಯೇ ಇದೆ ಪರಿಹಾರ!

ಸೌಜನ್ಯ : ಅಂತರ್ಜಾಲ

Clove benefits : ಕೊಲೆಸ್ಟ್ರಾಲ್​ನಿಂದಾಗಿ ಹೃದಯಕ್ಕೆ ತೊಂದರೆಯಾಗುವ ಸಾಧ್ಯತೆ ಹೆಚ್ಚು. ರಕ್ತದಲ್ಲಿ ಟ್ರೈಗ್ಲಿಸರೈಡ್ ಪ್ರಮಾಣ ಹೆಚ್ಚಾದಾಗ ಅದನ್ನು ನಿಯಂತ್ರಿಸಲು ಲವಂಗ ಸೇವನೆ ಪ್ರಯೋಜನಕಾರಿ.

Clove : ಯಾರ ಮನೆಯ ಮಸಾಲೆಡಬ್ಬಿಯಲ್ಲಿ ಲವಂಗವಿಲ್ಲ ಹೇಳಿ? ನಿತ್ಯದ ಆಹಾರ ಪದ್ಧತಿಯಲ್ಲಿ ಹಾಸುಹೊಕ್ಕಾಗಿರುವ ಲವಂಗದಿಂದ ನಮ್ಮ ಆರೋಗ್ಯಕ್ಕೆ ಬಹಳಷ್ಟು ಪ್ರಯೋಜನಕಾರಿ. ಇದರಲ್ಲಿರುವ ವಿಟಮಿನ್, ಖನಿಜ, ಅಯೋಡಿನ್, ಕ್ಯಾಲ್ಶಿಯಂ, ಪಾಸ್ಪರಸ್, ಕಬ್ಬಿಣದ ಅಂಶಗಳಿಂದಾಗಿ ರಕ್ತದ ಗ್ಲುಕೋಸ್​ ಮಟ್ಟವನ್ನು ನಿಯಂತ್ರಣದಲ್ಲಿಡುತ್ತದೆ. ಅಲ್ಲದೆ, ಇದು ಇನ್ಸುಲಿನ್ ರೂಪದಲ್ಲಿಯೂ ಕಾರ್ಯ ನಿರ್ವಹಿಸುತ್ತದೆ. ಹಾಗಾಗಿ ನಿಯಮಿತ ಪ್ರಮಾಣದಲ್ಲಿ ಲವಂಗವನ್ನು ತಿನ್ನುವುದರಿಂದ ಮಧುಮೇಹವನ್ನು ನಿಯಂತ್ರಣದಲ್ಲಿಟ್ಟುಕೊಳ್ಳಬಹುದಾಗಿದೆ. ಅದಕ್ಕಾಗಿ ಹತ್ತು ಗ್ರಾಂ ಲವಂಗಪುಡಿಯನ್ನು ಬಿಸಿನೀರಿಗೆ ಹಾಕಿ ಖಾಲೀ ಹೊಟ್ಟೆಯಲ್ಲಿ ಮುಂಜಾನೆಹೊತ್ತು ಕುಡಿಯಬಹುದು. ಇದರಿಂದ ಜೀರ್ಣಾಂಗ ವ್ಯವಸ್ಥೆಯು ಬಲಗೊಳ್ಳುವುದರೊಂದಿಗೆ ಗ್ಯಾಸ್ಟ್ರಿಕ್, ಎಸಿಡಿಟಿ ಸಮಸ್ಯೆಗಳು ದೂರವಾಗುತ್ತವೆ. ಅಕಸ್ಮಾತ್ ಲವಂಗವನ್ನು ನೇರ ತಿನ್ನುವುದಾದರೆ ಅದನ್ನು ಚೆನ್ನಾಗಿ ಅಗಿದು ರಸವನ್ನು ನುಂಗಬೇಕು. ದಿನಕ್ಕೆ ಎರಡು ಬಾರಿ ಮಾಡುವುದರಿಂದ ಲಾಲಾರಸ ವೃದ್ಧಿಸಿ ಜೀರ್ಣಶಕ್ತಿಯು ಉತ್ತಮಗೊಳ್ಳುತ್ತದೆ.

ಕೊಲೆಸ್ಟ್ರಾಲ್​ನಿಂದಾಗಿ ಹೃದಯಕ್ಕೆ ತೊಂದರೆಯಾಗುವ ಸಾಧ್ಯತೆ ಹೆಚ್ಚು. ರಕ್ತದಲ್ಲಿ ಟ್ರೈಗ್ಲಿಸರೈಡ್ ಪ್ರಮಾಣ ಹೆಚ್ಚಾದಾಗ ಅದನ್ನು ನಿಯಂತ್ರಿಸಲು ಲವಂಗ ಸೇವನೆ ಪ್ರಯೋಜನಕಾರಿ. ಊಟದ ನಂತರ ಒಂದು ಲವಂಗ ತಿಂದು ಬಿಸಿನೀರು ಕುಡಿಯಬಹುದು. ಇದರಿಂದ ಸೊಂಟದಲ್ಲಿ ಶೇಖರಣೆಯಾದ ಕೊಬ್ಬು ಕಡಿಮೆಯಾಗುತ್ತದೆ. ಇನ್ನು ಹಲ್ಲುನೋವಿಗೆ ಲವಂಗದೆಣ್ಣೆ ಹಚ್ಚಬಹುದು. ಇದು ಬಾಯಿಯ ದುರ್ವಾಸನೆಯನ್ನೂ ಹೋಗಲಾಡಿಸುತ್ತದೆ. ಹಲ್ಲು ಮತ್ತು ವಸಡುಗಳನ್ನು ದೃಢವಾಗಿಡುತ್ತದೆ. ಇದಕ್ಕಾಗಿ ದಿನವೂ ನಾಲ್ಕೈದು ಲವಂಗವನ್ನು ಕುದಿಸಿದ ನೀರನ್ನು ಬಾಯಿ ಮುಕ್ಕಳಿಸಬಹುದು.

TV9 Kannada


Leave a Reply

Your email address will not be published.