Health: ನಿಮ್ಮ ಮೂಳೆಗಳಿಗೂ ಕೋಪ ಬರುತ್ತದೆ, ಹಠಕ್ಕೆ ಬೀಳುತ್ತವೆ! | Health Improve your bone health with food style


Health: ನಿಮ್ಮ ಮೂಳೆಗಳಿಗೂ ಕೋಪ ಬರುತ್ತದೆ, ಹಠಕ್ಕೆ ಬೀಳುತ್ತವೆ!

ಸೌಜನ್ಯ : ಅಂತರ್ಜಾಲ

Bone Health : ದುಡಿಯುವುದೇ ಆರೋಗ್ಯವಾಗಿ ಜೀವನ ಸಾಗಿಸಲು ಅಲ್ಲವೆ? ಅನವಶ್ಯಕ ಪ್ರಭಾವ, ಸ್ಪರ್ಧೆ, ಪ್ರತಿಷ್ಠೆಗೆ ಬಿದ್ದು ಸಹಜ ಜೀವನಶೈಲಿಯನ್ನು ಮುರಿದು ಕಟ್ಟಿಕೊಳ್ಳುವ ಆಸೆ ಏತಕೆ? ನಾಳೆಯ ಊಟದ ತಟ್ಟೆಯಲ್ಲಿ ಏನೆಲ್ಲ ಇರಬೇಕೆನ್ನುವೆಡೆ ಸಮಯ ತೊಡಗಿಸಿ.

Bone Health : ನಮ್ಮ ಮೂಳೆಗಳಲ್ಲಿ ತೊಂದರೆ ಕಾಣಿಸಿಕೊಳ್ಳುತ್ತಿದೆ ಎಂದು ನಮ್ಮಷ್ಟಕ್ಕೆ ನಮಗೆ ಅರಿವು ಬರುವುದು ಯಾವಾಗ? ಕತ್ತು, ಬೆನ್ನು, ಕೆಳಸೊಂಟ, ಭುಜದಲ್ಲಿ ಇದ್ದಕ್ಕಿದ್ದಂತೆ ನೋವು ಕಾಣಿಸಿಕೊಂಡು ಅದು ತೀವ್ರವಾಗುತ್ತಾ ಕೊನೆಗೆ ಎಡೆಬಿಡದೆ ಕಾಡುವಾಗಲೇ. ಇದು ವಯಸ್ಸಾಗುತ್ತಾ ಹೋದಂತೆ ಪ್ರತಿಯೊಬ್ಬರಿಗೂ ಉಂಟಾಗುವ ಸಾಮಾನ್ಯ ಪ್ರಕ್ರಿಯೆ. ಆದರೆ ನಿತ್ಯ ಜೀವನಶೈಲಿಯಿಂದಾಗಿ ಉಂಟಾಗುತ್ತಿರುವ ಮೂಳೆಸಮಸ್ಯೆಗೆ ವಯಸ್ಸಿನ ಹಂಗಿಲ್ಲ. ಥಟ್ಟನೆ ವೈದ್ಯರ ಬಳಿ ಓಡಿಹೋಗುತ್ತೇವೆ ಅದಕ್ಕೊಂದಿಷ್ಟು ಚಿಕಿತ್ಸೆ ಪಡೆಯುತ್ತೇವೆ. ಚಿಕಿತ್ಸೆ ನಂತರ ನೋವು ಮತ್ತೆ ಪುನರಾವರ್ತನೆಯಾಗುತ್ತದೆ. ಹಾಗಾಗಿ ನಿತ್ಯ ಆಹಾರ ಕ್ರಮದಲ್ಲಿಯೇ ಮೂಳೆಗಳನ್ನು ಸದೃಢಗೊಳಿಸಿಕೊಳ್ಳಬಹುದಾದ ಸುಲಭ ಉಪಾಯಗಳನ್ನು ವೈದ್ಯರು ಹೆಚ್ಚೆಚ್ಚು ಶಿಫಾರಸು ಮಾಡುತ್ತಿದ್ದಾರೆ. ಈ ಬಗ್ಗೆ ಹೆಚ್ಚು ತಿಳಿವಳಿಕೆ ಕೊಡುವಲ್ಲಿ ಪ್ರಯತ್ನಿಸುತ್ತಿದ್ದಾರೆ.

ಸೋಶಿಯಲ್ ಮೀಡಿಯಾದಲ್ಲಿ, ಟಿವಿ ನೋಡುವಲ್ಲಿ, ಶಾಪಿಂಗ್​ನಲ್ಲಿ, ಹಾಳುಹರಟೆಯಲ್ಲಿ, ಇನ್ನೊಬ್ಬರ ಕೆಲಸದಲ್ಲಿ ಇಣುಕಿ ಹಾಕುವಲ್ಲಿ ಸಮಯವನ್ನು ತೊಡಗಿಸಿಕೊಳ್ಳುವುದನ್ನು ಬಿಟ್ಟು ನಾಳೆಗೆ ನಮ್ಮ ಊಟದ ಮೆನುವಿನಲ್ಲಿ ಏನಿರಬೇಕು ಎಂಬುದರ ಗಮನ ಕೊಟ್ಟರೆ ಎಷ್ಟೊಂದು ಆರೋಗ್ಯ ಸಮಸ್ಯೆಗಳು ಕಡಿಮೆಯಾಗುತ್ತವೆ. ಉತ್ತಮ ಆರೋಗ್ಯವಿದ್ದಲ್ಲಿ ಉತ್ತಮ ಮನಸ್ಸೂ ನಮ್ಮದಾಗಿರುತ್ತದೆ. ಇದು ಮೂಳೆಗಳ ಆರೋಗ್ಯಕ್ಕೂ ಹೊರತಾಗಿಲ್ಲ. ಆಹಾರದಲ್ಲಿಯೇ ಆರೋಗ್ಯವಿರುವುದು.

ಸುಲಭಕ್ಕೆ ಸಿಗುವ ಎಳ್ಳಿನಲ್ಲಿ ರಂಜಕ ಮತ್ತು ಕ್ಯಾಲ್ಸಿಯಂನ ಅಂಶಗಳು ಸಮೃದ್ಧವಾಗಿವೆ. ಹಾಗೆಯೇ ಬೀನ್ಸ್​ನಲ್ಲಿ ಮ್ಯಾಗ್ನೀಷಿಯಮ್, ಕ್ಯಾಲ್ಶಿಯಂ, ರಂಜಕದ ಅಂಶಗಳಿವೆ. ಹಾಗಾಗಿ ಕಿಡ್ನಿ ಬೀನ್ಸ್​ ಹೆಚ್ಚು ಪ್ರಯೋಜನಕಾರಿ. ಇನ್ನು ರಾಗಿಯಲ್ಲಿ ಹೇರಳವಾಗಿ ಕ್ಯಾಲ್ಶಿಯಂ ಇದೆ. ರಾಗಿ ರೊಟ್ಟಿ, ಚಿಲ್ಲಾ, ಪ್ಯಾನ್​ಕೇಕ್, ಗಂಜಿ, ಹಾಲುಬಾಯಿ ಮಾಡಬಹುದಾಗಿದೆ. ಮಕ್ಕಳಿಗೂ ಇದನ್ನು ಕೊಡಬಹುದು.

TV9 Kannada


Leave a Reply

Your email address will not be published.