Health Tips: ನಿದ್ದೆ ಮಾಡುವುದರಿಂದ ಆಗುವ ಪ್ರಯೋಜನಗಳು | The Benefits of Getting a Full Night’s Sleep


ಆರೋಗ್ಯವಂತ ವಯಸ್ಕರು ದಿನಕ್ಕೆ ಕನಿಷ್ಠ 7 ರಿಂದ 8 ಗಂಟೆಗಳ ಕಾಲ ನಿದ್ರೆ ಮಾಡಬೇಕು. ನಮಗೆ ಆಹಾರ ಮತ್ತು ನೀರು ಎಷ್ಟು ಅಗತ್ಯವೋ ಹಾಗೆಯೇ ದೇಹಕ್ಕೆ ಉತ್ತಮ ನಿದ್ರೆಯೂ ಅವಶ್ಯಕ. ಇದರಿಂದ ದೇಹಕ್ಕೆ ಆರೋಗ್ಯಕರ ಪ್ರಯೋಜನಗಳು ಕೂಡ ಸಿಗಲಿದೆ.

Health Tips: ನಿದ್ದೆ ಮಾಡುವುದರಿಂದ ಆಗುವ ಪ್ರಯೋಜನಗಳು

ನಿದ್ದೆ ಮಾಡುವುದರಿಂದ ಆಗುವ ಪ್ರಯೋಜನಗಳು (ಸಾಂದರ್ಭಿಕ ಚಿತ್ರ)

ಆರೋಗ್ಯವಂತ ವಯಸ್ಕರು ದಿನಕ್ಕೆ ಕನಿಷ್ಠ 7 ರಿಂದ 8 ಗಂಟೆಗಳ ಕಾಲ ನಿದ್ರೆಯನ್ನು ತೆಗೆದುಕೊಳ್ಳಬೇಕು ಎಂದು ಸಲಹೆ ನೀಡಲಾಗುತ್ತದೆ. ಏಕೆಂದರೆ ದಿನವಿಡೀ ದಣಿದ ದೇಹಕ್ಕೆ ಇದು ಸಾಕಷ್ಟು ವಿಶ್ರಾಂತಿ ನೀಡಲಿದೆ. ವಾಸ್ತವವಾಗಿ ಉತ್ತಮ ಆರೋಗ್ಯಕ್ಕೆ ನಿದ್ರೆ ಅತ್ಯಗತ್ಯ. ನಮ್ಮ ನಿಮ್ಮೆಲ್ಲರ ದೇಹಕ್ಕೆ ಆಹಾರ ಮತ್ತು ನೀರು ಎಷ್ಟು ಅಗತ್ಯವೋ ಹಾಗೆಯೇ ನಿದ್ರೆ ಕೂಡ ಮುಖ್ಯವಾಗಿದೆ. ಇದರು ಆರೋಗ್ಯದ ದೃಷ್ಟಿಯಿಂದ ಅನೇಕ ಪ್ರಯೋಜನಗಳನ್ನು ಕೂಡ ನೀಡುತ್ತದೆ. ನಿದ್ದೆ ಮಾಡುವಾಗ ನಮ್ಮ ಮೆದುಳು ಹೊಸ ಮಾಹಿತಿಯನ್ನು ಸಂಗ್ರಹಿಸುತ್ತದೆ ಮತ್ತು ವಿಷಕಾರಿ ಚಿಂತನೆಯನ್ನು ತೊಡೆದುಹಾಕುತ್ತದೆ. ನಮ್ಮ ನರ ಕೋಶಗಳು ಸಂವಹನ ಮತ್ತು ಮರುಸಂಘಟನೆಯ ಕೆಲಸವನ್ನು ಮಾಡುತ್ತವೆ. ಈ ಸಮಯದಲ್ಲಿ ನಮ್ಮ ದೇಹವು ಜೀವಕೋಶಗಳನ್ನು ಸರಿಪಡಿಸುತ್ತದೆ. ಶಕ್ತಿಯನ್ನು ಪುನಃಸ್ಥಾಪಿಸುತ್ತದೆ ಮತ್ತು ಹಾರ್ಮೋನುಗಳು, ಪ್ರೋಟೀನ್​ಗಳಂತಹ ಅಣುಗಳನ್ನು ಬಿಡುಗಡೆ ಮಾಡುತ್ತದೆ. ಈ ಎಲ್ಲಾ ಪ್ರಕ್ರಿಯೆಗಳು ನಮ್ಮ ಒಟ್ಟಾರೆ ಆರೋಗ್ಯಕ್ಕೆ ಬಹಳ ಮುಖ್ಯವಾಗಿದೆ.

ಉತ್ತಮ ನಿದ್ರೆಯಿಂದ ಆಗುವ ಪ್ರಯೋಜನಗಳು

ಶಕ್ತಿ ಸಂರಕ್ಷಣೆ: ನಮ್ಮ ದೇಹದಲ್ಲಿ ಶಕ್ತಿಯನ್ನು ಕಾಪಾಡಿಕೊಳ್ಳಲು ಸಾಕಷ್ಟು ನಿದ್ರಿಸುವುದು ಅವಶ್ಯಕ. ನಿದ್ರೆ ನಮ್ಮ ಕ್ಯಾಲೋರಿ ಅಗತ್ಯಗಳನ್ನು ಕಡಿಮೆ ಮಾಡುತ್ತದೆ. ಸಂಶೋಧನೆಯ ಪ್ರಕಾರ, ನಿದ್ರೆಯು ನಮ್ಮ ದೈನಂದಿನ ಶಕ್ತಿಯ ಅಗತ್ಯಗಳನ್ನು ಸುಮಾರು 35 ಪ್ರತಿಶತದಷ್ಟು ಕಡಿಮೆ ಮಾಡುತ್ತದೆ.

ಕೋಶಗಳನ್ನು ಮರುಸ್ಥಾಪಿಸುವುದು: ಪುನಃಸ್ಥಾಪನೆ ಸಿದ್ಧಾಂತದ ಪ್ರಕಾರ, ನಮ್ಮ ದೇಹವನ್ನು ಪುನಃಸ್ಥಾಪಿಸಲು ನಿದ್ರೆಯ ಅಗತ್ಯವಿದೆ. ನಿದ್ರೆ ನಮ್ಮ ಜೀವಕೋಶಗಳನ್ನು ಸರಿಪಡಿಸಲು ಮತ್ತು ಮತ್ತೆ ಬೆಳೆಯಲು ಅವಕಾಶವನ್ನು ನೀಡುತ್ತದೆ. ಸ್ನಾಯುಗಳ ದುರಸ್ತಿ, ಪ್ರೋಟೀನ್ ಸಂಶ್ಲೇಷಣೆ, ಅಂಗಾಂಶ ಬೆಳವಣಿಗೆ ಮತ್ತು ಹಾರ್ಮೋನ್ ಬಿಡುಗಡೆಯ ಪ್ರಕ್ರಿಯೆಯು ನಿದ್ರೆಯ ಸಮಯದಲ್ಲಿ ಸಂಭವಿಸುತ್ತದೆ.

ಮೆದುಳಿನ ಕಾರ್ಯನಿರ್ವಹಣೆ: ಮೆದುಳಿನ ಪ್ಲಾಸ್ಟಿಟಿ ಸಿದ್ಧಾಂತವು ಮೆದುಳಿನ ಕಾರ್ಯಕ್ಕೆ ನಿದ್ರೆ ಅತ್ಯಗತ್ಯ ಎಂದು ಹೇಳುತ್ತದೆ. ವಿಶೇಷವಾಗಿ ಇದು ನಿಮ್ಮ ನರಕೋಶಗಳು ಅಥವಾ ನರ ಕೋಶಗಳನ್ನು ಮರುಸಂಘಟಿಸಲು ಸಹಾಯ ಮಾಡುತ್ತದೆ. ನೀವು ನಿದ್ದೆ ಮಾಡುವಾಗ ನಿಮ್ಮ ಮೆದುಳಿನ ಗ್ಲಿಮ್ಫಾಟಿಕ್ (ತ್ಯಾಜ್ಯ ತೆರವು) ಎಂದರೆ ಕೇಂದ್ರ ನರಮಂಡಲದ ಕೊಳೆಯನ್ನು ತೆರವುಗೊಳಿಸುತ್ತದೆ. ನೀವು ಎಚ್ಚರವಾದಾಗ ನಿಮ್ಮ ಮೆದುಳು ಸರಿಯಾಗಿ ಕಾರ್ಯನಿರ್ವಹಿಸಲು ಸಹಾಯ ಮಾಡುತ್ತದೆ.

ಇನ್ಸುಲಿನ್ ಕಾರ್ಯ: ಇನ್ಸುಲಿನ್ ನಿಮ್ಮ ಜೀವಕೋಶಗಳಿಗೆ ಶಕ್ತಿಗಾಗಿ ಗ್ಲೂಕೋಸ್ ಅಥವಾ ಸಕ್ಕರೆಯನ್ನು ಬಳಸಲು ಸಹಾಯ ಮಾಡುವ ಹಾರ್ಮೋನ್ ಆಗಿದೆ. ಆದರೆ ಇನ್ಸುಲಿನ್ ಪ್ರತಿರೋಧದಲ್ಲಿ ನಿಮ್ಮ ಜೀವಕೋಶಗಳು ಇನ್ಸುಲಿನ್‌ಗೆ ಸರಿಯಾಗಿ ಪ್ರತಿಕ್ರಿಯಿಸುವುದಿಲ್ಲ. ಇದು ನಿಮ್ಮ ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ಹೆಚ್ಚಿಸುತ್ತದೆ ಮತ್ತು ಟೈಪ್ 2 ಮಧುಮೇಹದ ಅಪಾಯವನ್ನು ಹೆಚ್ಚಿಸುತ್ತದೆ.

ಮತ್ತಷ್ಟು ಜೀವನಶೈಲಿ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ

ತಾಜಾ ಸುದ್ದಿ

TV9 Kannada


Leave a Reply

Your email address will not be published.