HP Layoffs: ಸಂಕಷ್ಟದಲ್ಲಿ ಎಚ್​ಪಿ ಉದ್ಯೋಗಿಗಳು; 6000 ಮಂದಿಯ ವಜಾಗೊಳಿಸಲಿದೆ ಟೆಕ್ ಕಂಪನಿ – American tech giant Hewlett Packard Enterprise or HP Announces Mass Layoffs said reduce 6000 Employees In 3 Years latest business news in Kannada


ಜಾಗತಿಕವಾಗಿ ಮುಂದಿನ ಮೂರು ವರ್ಷಗಳಲ್ಲಿ 4,000ದಿಂದ 6,000 ಉದ್ಯೋಗಿಗಳನ್ನು ವಜಾಗೊಳಿಸಲಾಗುವುದು ಎಂದು ಎಚ್​ಪಿ ಹೇಳಿದೆ. ತ್ರೈಮಾಸಿಕ ಫಲಿತಾಂಶ ನೀರಸವಾಗಿ ಕಂಡುಬಂದ ಬೆನ್ನಲ್ಲೇ ಎಚ್​ಪಿ ಈ ನಿರ್ಧಾರ ಪ್ರಕಟಿಸಿದೆ.

HP Layoffs: ಸಂಕಷ್ಟದಲ್ಲಿ ಎಚ್​ಪಿ ಉದ್ಯೋಗಿಗಳು; 6000 ಮಂದಿಯ ವಜಾಗೊಳಿಸಲಿದೆ ಟೆಕ್ ಕಂಪನಿ

ಎಚ್​ಪಿ

Image Credit source: Reuters

ನವದೆಹಲಿ: ಉದ್ಯೋಗ ಕಡಿತಗೊಳಿಸುತ್ತಿರುವ (Layoffs)ಕಂಪನಿಗಳ ಸಾಲಿಗೆ ಇದೀಗ ಅಮೆರಿಕದ ತಂತ್ರಜ್ಞಾನ ಕಂಪನಿ, ಎಚ್​ಪಿ ಎಂದೇ ಪ್ರಸಿದ್ಧಿಪಡೆದಿರುವ ಹೆವ್ಲೆಟ್ ಪ್ಯಾಕರ್ಡ್ ಎಂಟರ್‌ಪ್ರೈಸ್ (Hewlett Packard Enterprise) ಕೂಡ ಸೇರಿಕೊಂಡಿದೆ. ಮುಂದಿನ ಮೂರು ವರ್ಷಗಳಲ್ಲಿ ಸಾವಿರಾರು ಉದ್ಯೋಗಿಗಳನ್ನು ಕೆಲಸದಿಂದ ವಜಾಗೊಳಿಸುವುದಾಗಿ ಕಂಪನಿ ತಿಳಿಸಿದೆ. ತ್ರೈಮಾಸಿಕ ಫಲಿತಾಂಶ ನೀರಸವಾಗಿ ಕಂಡುಬಂದ ಬೆನ್ನಲ್ಲೇ ಎಚ್​ಪಿ ಉದ್ಯೋಗ ಕಡಿತದ ನಿರ್ಧಾರ ಪ್ರಕಟಿಸಿದೆ. ಆರ್ಥಿಕ ಅನಿಶ್ಚಿತತೆಯ ಕಾರಣ ಕಂಪನಿ ಈ ಕ್ರಮಕ್ಕೆ ಮುಂದಾಗಿದೆ ಎನ್ನಲಾಗಿದೆ.

ಕಳೆದ ವರ್ಷದ ಇದೇ ತ್ರೈಮಾಸಿಕ ಅವಧಿಗೆ ಹೋಲಿಸಿದರೆ ಈ ವರ್ಷ ಮಾರಾಟದ ಪ್ರಮಾಣದಲ್ಲಿ ಶೇಕಡಾ 11ರಷ್ಟು ಕುಸಿತವಾಗಿದೆ ಎಂದು ಎಚ್​ಪಿ ಹೇಳಿದೆ. ಜಾಗತಿಕವಾಗಿ ಮುಂದಿನ ಮೂರು ವರ್ಷಗಳಲ್ಲಿ 4,000ದಿಂದ 6,000 ಉದ್ಯೋಗಿಗಳನ್ನು ವಜಾಗೊಳಿಸಲಾಗುವುದು ಎಂದು ಕಂಪನಿ ಮಾಹಿತಿ ನೀಡಿದೆ. 2025ನೇ ಹಣಕಾಸು ವರ್ಷದ ವೇಳೆಗೆ ವಜಾ ಪ್ರಕ್ರಿಯೆ ಮುಕ್ತಾಯಗೊಳ್ಳಬಹುದು ಎಂದು ನಿರೀಕ್ಷಿಸಲಾಗಿದೆ. ಎಚ್​ಪಿ ವಿಶ್ವದಾದ್ಯಂತ ಸುಮಾರು 51,000 ಉದ್ಯೋಗಿಗಳನ್ನು ಹೊಂದಿದೆ ಎಂದು ಈ ಹಿಂದೆ ವರದಿಯಾಗಿತ್ತು.

TV9 Kannada


Leave a Reply

Your email address will not be published.