ಕಳೆದ ಇಂಡಿಯನ್​​ ಪ್ರೀಮಿಯರ್​​ ಲೀಗ್​​ ಸೀಸನ್​​ 15 ಟೂರ್ನಿಯಲ್ಲಿ ಕೋಟಿಗಟ್ಟಲೇ ಹಣ ತೆಗೆದುಕೊಂಡರೂ ಅದಕ್ಕೆ ತಕ್ಕಂತೆ ಪ್ರದರ್ಶನ ತೋರಲಿಲ್ಲ ಸ್ಟಾರ್​​ ಆಟಗಾರರು. ಹೀಗಾಗಿ ಕೆಲವು ಆಟಗಾರರನ್ನು ತಂಡಗಳು 2022ರ ಆವೃತ್ತಿಯಲ್ಲಿ ತಂಡದಿಂದ ಕೈಬಿಟ್ಟಿವೆ.

ಕೇವಲ 4 ಆಟಗಾರರನ್ನು ರಿಟೈನ್ ಮಾಡಿಕೊಳ್ಳಲು ಮಾತ್ರ ಅವಕಾಶ ಇರುವುದರಿಂದ ಹಣ ಉಳಿಸಲು ದುಬಾರಿ ಆಟಗಾರರಿಗೆ ಗೇಟ್​ ಪಾಸ್ ನೀಡಿವೆ. ಕಳೆದ ಹರಾಜಿನಲ್ಲಿ ಬರೋಬ್ಬರಿ 16.25 ಕೋಟಿಗೆ ಸೇಲ್ ಆಗಿದ್ದ ದಕ್ಷಿಣ ಆಫ್ರಿಕಾದ ಕ್ರಿಸ್​ ಮೋರಿಸ್​, 15.5 ಕೋಟಿ ರೂ. ಪಡೆದಿದ್ದ ಆಸ್ಟ್ರೇಲಿಯಾದ ವೇಗದ ಬೌಲರ್​ ಪ್ಯಾಟ್ ಕಮಿನ್ಸ್​ಗೆ ಗೇಟ್​​ ಪಾಸ್​ ನೀಡಲಾಗಿದೆ.

15 ಕೋಟಿ ರೂ. ಪಡೆದಿದ್ದ ನ್ಯೂಜಿಲೆಂಡ್​​ನ ಕೈಲ್ ಜೇಮಿಸನ್, 14 ಕೋಟಿ ಪಡೆದಿದ್ದ ಜೇ ರಿಚರ್ಡ್ಸನ್​, 12.5 ಕೋಟಿ ಬೆನ್ ಸ್ಟೋಕ್ಸ್​ ಜೊತೆಗೆ ಕರ್ನಾಟಕದ ಆಲ್​ರೌಂಡರ್​ ಕೃಷ್ಣಪ್ಪ ಗೌತಮ್ ಆಯಾ ತಂಡಗಳಿಂದ ಔಟ್​ ಆಗಿದ್ದಾರೆ.