KSRTC ಮ್ಯಾನೇಜರ್ಸ್​​ಗೆ ಶಿಸ್ತುಬದ್ಧ ಸೂಚನೆ ಕೊಟ್ಟ ಸಾರಿಗೆ ಸಂಸ್ಥೆ


ಬೆಂಗಳೂರು: KSRTC ಬಸ್ಸುಗಳಲ್ಲಿ ಪ್ರಯಾಣಿಸುವ ಪ್ರಯಾಣಿಕರ ಲಗೇಜ್​ಗಳಿಗೆ ಸಾಮಾನ್ಯವಾಗಿ ಅವರೇ ಜವಾಬ್ದಾರರು. ಆದರೇ ಇದೀಗ ಲಗೇಜ್​ಗಳು ಮಾಯವಾಗುತ್ತಿರುವ ದೂರುಗಳ ಸಂಖ್ಯೆ ಹೆಚ್ಚಾಗುತ್ತಿರುವ ಹಿನ್ನೆಲೆಯಲ್ಲಿ KSRTC ತಮ್ಮ ನಿರ್ವಾಹಕರಿಗೆ ವಿಶೇಷ ಸೂಚನೆಗಳನ್ನು ನೀಡಿದೆ.

KSRTCನಲ್ಲಿ ಸಾಮಾನ್ಯವಾಗಿ ಲಾಂಗ್​ ಜರ್ನಿ ಇದ್ದರೇ ಪುನಃ ಪುನಃ ಟಿಕೇಟ್​ ನೀಡುವ ಅವಶ್ಯಕತೆ ಇರುವುದಿಲ್ಲ. ಇಂತಹ ಸಂದರ್ಭದಲ್ಲಿ ಪ್ರಯಾಣಿಕರ ಲಗೇಜ್​ಗಳು ಮಂಗ ಮಾಯವಾಗುತ್ತಿವೆ. ರಾತ್ರಿ ವೇಳೆ ಪ್ರಯಾಣ ನಡೆಸುವ ಪ್ರಯಾಣಿಕರ ಲಗೇಜ್​ಗಳ್ಳತನದ ದೂರು ಇತ್ತೀಚಿನ ದಿನಗಳಲ್ಲಿ ಹೆಚ್ಚಾಗುತ್ತಿರುವ ಹಿನ್ನೆಲೆಯಲ್ಲಿ ಸಂಸ್ಥೆಯು ನಿರ್ವಾಹಕರಿಗೆ ಒಂದಷ್ಟು ನಿಯಮಗಳನ್ನು ರೂಪಿಸುವ ಮೂಲಕ ಲಗೇಜ್​ ಕಳ್ಳತನವನ್ನು ನಿಯಂತ್ರಿಸುವ ಯೋಜನೆ ರೂಪಿಸಿದೆ.

KSRTC ಸಂಸ್ಥೆ ನಿರ್ವಾಹಕರಿಗೆ ನೀಡಿರುವ ಸೂಚನೆಗಳೇನು..?

  • ನಿರ್ವಾಹಕರು ಟಿಕೆಟ್ ವಿತರಣೆ ಜೊತೆಗೆ ಪ್ರಯಾಣಿಕರ ಲಗೇಜ್ ಬಗ್ಗೆಯೂ ಕಾಳಜಿ ವಹಿಸಬೇಕು.
  • ರಾತ್ರಿ ವೇಳೆ ಪ್ರಯಾಣಿಕರು ತಮ್ಮ ಬೆಲೆ ಬಾಳುವ ಲಗೇಜ್​ಗಳ ಬಗ್ಗೆ ಗಮನ ಹರಿಸುವಂತೆ ಅನೌನ್ಸ್ ಮಾಡಬೇಕು.
  • ದೂರದ ಮಾರ್ಗಗಳಿಗೆ ತೆರಳುವ ಬಸ್​ ನಿರ್ವಾಹಕರು ಟಿಕೆಟ್ ವಿತರಣೆ ಬಳಿಕ ಲಗೇಜ್​ಗಳ ಮೇಲೆ ಹೆಚ್ಚಿನ ನಿಗಾವಹಿಸಬೇಕು.
  • ನಿರ್ದಿಷ್ಟ ಬಸ್ ನಿಲ್ದಾಣಕ್ಕಿಂತ ಮುಂಚಿನ ಸ್ಟಾಪ್​​ಗಳಲ್ಲಿಯೇ ಇಳಿದು ಹೋಗುವ ಪ್ರಯಾಣಿಕರು ಕೊಂಡೊಯ್ಯುವ ಲಗೇಜ್​ಗಳ ಬಗ್ಗೆ ನಿಗಾವಹಿಸಬೇಕು.

ಈ ರೀತಿಯಲ್ಲಿ ನಿರ್ವಾಹಕರಿಗೆ ಸೂಚನೆಗಳನ್ನು ನೀಡುವ ಮೂಲಕ ಸಂಸ್ಥೆಯು ಲಗೇಜ್​ ಕಳ್ಳತನವನ್ನು ನಿಗ್ರಹಿಸುವ ಕುರಿತು ಕಾರ್ಯಪ್ರವೃತ್ತವಾಗಿದೆ.

News First Live Kannada


Leave a Reply

Your email address will not be published. Required fields are marked *