Mental Worries: ಈ ಚಿಂತೆಗಳು ನಿಮ್ಮನ್ನು ಸುಡುವ ಮುನ್ನ, ನೀವೇ ಚಿಂತೆಗೆ ಅಂತ್ಯಹಾಡಿ, ಸಕಾರಾತ್ಮಕ ಆಲೋಚನೆಗಳನ್ನು ನಿಮ್ಮದಾಗಿರಲಿ | mental worries you should burn before you feel a burnout


ಚಿಂತೆಗಳೆಂದರೆ ಹಾಗೆ ಮೊದ ಮೊದಲು ಕೇವಲ ವಿಷಯವಾಗಿ ಕಾಡುತ್ತದೆ, ಕ್ರಮೇಣ ತೊಂದರೆಯಾಗಿ ಅಂತ್ಯದಲ್ಲಿ ಚಿಂತೆಯಾಗಿ ದೀರ್ಘಕಾಲ ಉಳಿದೇ ಬಿಡುತ್ತದೆ. ರೋಗವನ್ನಾದರೂ ಸಹಿಸಿಕೊಳ್ಳಬಹುದು ಆದರೆ ಚಿಂತೆ ಎಂಬ ಸೈಲೆಂಟ್ ಕಿಲ್ಲರ್​ನ ಮುಷ್ಟಿಯಿಂದ ಬಿಡಿಸಿಕೊಳ್ಳುವುದು ಅಷ್ಟು ಸುಲಭದ ಮಾತಲ್ಲ.

Mental Worries: ಈ ಚಿಂತೆಗಳು ನಿಮ್ಮನ್ನು ಸುಡುವ ಮುನ್ನ, ನೀವೇ ಚಿಂತೆಗೆ ಅಂತ್ಯಹಾಡಿ,  ಸಕಾರಾತ್ಮಕ ಆಲೋಚನೆಗಳನ್ನು ನಿಮ್ಮದಾಗಿರಲಿ

Mental Health

Image Credit source: Healthshots.com

ಚಿಂತೆಗಳೆಂದರೆ ಹಾಗೆ ಮೊದ ಮೊದಲು ಕೇವಲ ವಿಷಯವಾಗಿ ಕಾಡುತ್ತದೆ, ಕ್ರಮೇಣ ತೊಂದರೆಯಾಗಿ ಅಂತ್ಯದಲ್ಲಿ ಚಿಂತೆಯಾಗಿ ದೀರ್ಘಕಾಲ ಉಳಿದೇ ಬಿಡುತ್ತದೆ. ರೋಗವನ್ನಾದರೂ ಸಹಿಸಿಕೊಳ್ಳಬಹುದು ಆದರೆ ಚಿಂತೆ ಎಂಬ ಸೈಲೆಂಟ್ ಕಿಲ್ಲರ್​ನ ಮುಷ್ಟಿಯಿಂದ ಬಿಡಿಸಿಕೊಳ್ಳುವುದು ಅಷ್ಟು ಸುಲಭದ ಮಾತಲ್ಲ.

ಜೀವನವೆಂದ ಮೇಲೆ ಒತ್ತಡ, ಚಿಂತೆ, ಅನಾರೋಗ್ಯ ಎಲ್ಲವೂ ಸಾಮಾನ್ಯ, ಆದರೆ ಅದನ್ನೇ ಮನಸಿನ್ನಲ್ಲಿಟ್ಟು ಕೊರಗುವುದರಿಂದ ಯಾವುದೇ ಪ್ರಯೋಜನವಿಲ್ಲ. ಈ ವಿಜಯದಶಮಿಯನ್ನು ನಕಾರಾತ್ಮಕ ಆಲೋಚನೆಗಳನ್ನು ಹೊಡೆದೋಡಿಸಿ ಸಕಾರಾತ್ಮಕ ಆಲೋಚನೆಗಳನ್ನು ಅಳವಡಿಸಿಕೊಳ್ಳುವುದಾಗಿ ಪಣತೊಡಿ.

ಈ ಹಬ್ಬವು ರಾವಣನ ಮೇಲೆ ಶ್ರೀರಾಮನ ವಿಜಯವನ್ನು ನೆನಪಿಸುತ್ತದೆ. ಸಕಾರಾತ್ಮಕ ಆಲೋಚನೆಗಳನ್ನು ಪ್ರೋತ್ಸಾಹಿಸಲು ಈ ದಸರಾದಲ್ಲಿ ನಮ್ಮ ಎಲ್ಲಾ ಮಾನಸಿಕ ಚಿಂತೆಗಳನ್ನು ಕಿತ್ತುಹಾಕುವುದು ನಮಗೆ ಸೂಕ್ತವಾಗಿದೆ. ಮಾನಸಿಕ ಆರೋಗ್ಯವನ್ನು ಸುಧಾರಿಸಲು ಏನು ಮಾಡಬೇಕು

ಸಾಧನೆಯ ಭಯ ಬಿಡಿ
ಮಾನಸಿಕ ಆರೋಗ್ಯ ಸಮಸ್ಯೆಗಳಿಗೆ ಪರಿಹಾರಗಳು ನಮ್ಮಲ್ಲಿಯೇ ಇರುತ್ತದೆ. ನಾವೆಲ್ಲರೂ ನಮ್ಮ ಬೆಳವಣಿಗೆಗೆ ನಾವು ಹಾಕಿರುವ ಗುರಿ ಮತ್ತು ಉದ್ದೇಶಗಳ ಹಿಂದೆ ಬೀಳುತ್ತೇವೆ. ಆದರೆ, ಕೆಲವೊಮ್ಮೆ ಸ್ವಯಂ-ಸೀಮಿತಗೊಳಿಸುವ ಆಲೋಚನೆಗಳು ಸ್ವಯಂ-ಅನುಮಾನಕ್ಕೆ ಒಳಗಾಗುವಂತೆ ನಮ್ಮನ್ನು ಪ್ರಚೋದಿಸುತ್ತದೆ, ಅದು ಮುಂದೆ ಭಯಕ್ಕೆ ಕಾರಣವಾಗುತ್ತದೆ. ಕನಸುಗಳಿರಲಿ, ಗುರಿ ಇರಲಿ, ಸಾಧನೆ ಮಾಡುವ ಛಲವಿರಲಿ ಆದರೆ ಅದರ ಹಿಂದೆ ಬಿದ್ದು ನಿಮ್ಮ ಮಾನಸಿಕ ಆರೋಗ್ಯವನ್ನು ಹಾಳುಮಾಡಿಕೊಳ್ಳಬೇಡಿ.

ಯಾರೂ ನನ್ನ ಬಗ್ಗೆ ಕಾಳಜಿ ತೋರಿಸುತ್ತಿಲ್ಲ
ಯಾರೂ ನನ್ನ ಬಗ್ಗೆ ಕಾಳಜಿ ತೋರಿಸುತ್ತಿಲ್ಲ ಎನ್ನುವ ಕೊರಗನ್ನು ಬಿಟ್ಟುಬಿಡಿ, ಯಾರ್ಯಾಕೆ ನಿಮಗೆ ಕಾಳಜಿ ತೋರಿಸಬೇಕು, ನಿಮ್ಮ ಕಾಳಜಿಯನ್ನು ನೀವು ಖುದ್ದಾಗಿ ತೆಗೆದುಕೊಳ್ಳಿ.

ನಿಮಗೆ ಆನಂದ ಸಿಗುವವರೆಗೆ ಕೆಲಸ ಮಾಡಿ
ಯಾವುದೇ ಕೆಲಸವನ್ನಾದರೂ ನಿಮಗೆ ಖುಷಿ ಸಿಗುವವರೆಗೆ ಮಾಡಿ, ನಾವೆಲ್ಲರೂ ಶ್ರದ್ಧೆಯಿಂದ ಕೆಲಸ ಮಾಡಬೇಕು. ವಯಸ್ಸಾಗುವವರೆಗೆ ಕೆಲಸ ಮಾಡಬೇಕು ಎಂಬುದಕ್ಕಿಂತ ಪ್ರೀತಿ ಎಲ್ಲಿಯವರೆಗೆ ಆ ಕೆಲಸ ಮೇಲೆ ಇರುತ್ತದೆಯೋ ಅಲ್ಲಿವರೆಗೆ ಕೆಲಸ ಮಾಡಿ.

ಜವಾಬ್ದಾರಿಗಳ ಭಯ
ಹೆಚ್ಚಿನ ಜನರು ತಮ್ಮ ಜವಾಬ್ದಾರಿಗಳನ್ನು ತೆಗೆದುಕೊಳ್ಳಲು ಭಯಪಡುತ್ತಾರೆ, ಅದು ಅವರಿಗೆ ಹೊರೆ ಮತ್ತು ಒತ್ತಡವನ್ನುಂಟು ಮಾಡುತ್ತದೆ ಎಂದು ಭಾವಿಸುತ್ತಾರೆ.
ಆದ್ದರಿಂದ, ಅವರು ತಮ್ಮ ಹೊರೆಯ ಪಾಲನ್ನು ಹೊರುವುದರಿಂದ ದೂರವಿರುತ್ತಾರೆ. ಒಳ್ಳೆಯದು, ಒಬ್ಬನು ತನ್ನ ಜವಾಬ್ದಾರಿಗಳಿಂದ ಎಂದಿಗೂ ಓಡಿಹೋಗಬಾರದು ಮತ್ತು ಬದಲಿಗೆ ಧೈರ್ಯ ಮತ್ತು ಸಕಾರಾತ್ಮಕ ಆಲೋಚನೆಗಳೊಂದಿಗೆ ಅವುಗಳನ್ನು ಸ್ವೀಕರಿಸಲು ಪ್ರಾರಂಭಿಸಿ.

ಶಾಂತವಾಗಿರಿ
ಮಾನಸಿಕ ಆರೋಗ್ಯವನ್ನು ಸುಧಾರಿಸಲು ಒತ್ತಡಕ್ಕೆ ಒಳಗಾಗುವ ಬದಲು ಶಾಂತವಾಗಿರಿ.

ಅನುಮಾನದ ಭಾವನೆಗಳು
ನಮ್ಮ ಜೀವನದಲ್ಲಿ ನಡೆಯುತ್ತಿರುವ ಅನೇಕ ಘಟನೆಗಳಿಂದಾಗಿ ನಾವು ನಮ್ಮ ನಿಭಾಯಿಸುವ ಕಾರ್ಯವಿಧಾನಗಳನ್ನು ಅನುಮಾನಿಸಲು ಪ್ರಾರಂಭಿಸುತ್ತೇವೆ. ಸ್ವಯಂ-ಅನುಮಾನವು ಸೈಲೆಂಟ್ ಕಿಲ್ಲರ್ ಆಗಬಹುದು.

 ಮೌಲ್ಯದ ಕೊರತೆ
ನನ್ನ ಸುತ್ತಮುತ್ತಲಿನ ಇತರರು ತಮ್ಮ ಮತ್ತು ಅವರ ಸುತ್ತಮುತ್ತಲಿನವರಿಗೆ ವಿಷಯಗಳನ್ನು ನಿರ್ವಹಿಸುವಲ್ಲಿ ಹೆಚ್ಚು ಉತ್ತಮವಾಗಿರುತ್ತಾರೆ ಎಂದು ನಾವು ಆಗಾಗ ಹೇಳುತ್ತೇವೆ. ನಾವು ಎಂದಿಗೂ ನಮ್ಮನ್ನು ಹೋಲಿಸಿಕೊಳ್ಳಬಾರದು ಮತ್ತು ಯಾವಾಗಲೂ ನಮ್ಮ ಸ್ವ-ಮೌಲ್ಯದ ಬಗ್ಗೆ ತಿಳಿದಿರಲಿ.

ಹೋಲಿಕೆ
ಅಸೂಯೆ ಮತ್ತು ಹೋಲಿಕೆಯ ಭಾವನೆಗಳು ನಮಗೆ ಒಳ್ಳೆಯದಕ್ಕಿಂತ ಹೆಚ್ಚು ಹಾನಿ ಮಾಡುತ್ತದೆ. ನಮಗೆ ದೊರೆತಿರುವ ಜೀವನದಲ್ಲಿ ನಾವು ಖುಷಿಯನ್ನು ಕಾಣಬೇಕು, ಯಾವಾಗಲೂ ಕೆಟ್ಟದ್ದನ್ನು ಯೋಚಿಸುವುದು ನಿಮ್ಮ ಮಾನಸಿಕ ಆರೋಗ್ಯವನ್ನು ಇನ್ನಷ್ಟು ಹದಗೆಡಿಸಬಹುದು.

ನಷ್ಟದ ಭಯ
ನಾವೆಲ್ಲರೂ ನಮ್ಮನ್ನು ಅಥವಾ ಪ್ರೀತಿಪಾತ್ರರನ್ನು ಕೆಟ್ಟ ಆರೋಗ್ಯ ಅಥವಾ ಅನಾರೋಗ್ಯದಿಂದ ಕಳೆದುಕೊಳ್ಳುತ್ತೇವೆ ಎಂದು ಭಯಪಡುತ್ತೇವೆ. ಪ್ರೀತಿಪಾತ್ರರ ನಷ್ಟವನ್ನು ಹೇಗೆ ನಿಭಾಯಿಸುವುದು ಎಂದು ನಮಗೆ ತಿಳಿದಿಲ್ಲ. ಆದಾಗ್ಯೂ, ನಾವೆಲ್ಲರೂ ಕಠಿಣ ಪರಿಸ್ಥಿತಿಗಳಿಂದಲೂ ಮೇಲೇರಬಹುದು. ಆದ್ದರಿಂದ, ಜೀವನವು ನಮ್ಮ ಮೇಲೆ ಏನಾದರೂ ಕೆಟ್ಟದ್ದನ್ನು ಮಾಡಿದರೂ, ನಾವು ಮತ್ತೆ ಸಂತೋಷದ ಕ್ಷಣಗಳಿಗೆ ಹಿಂದಿರುಗಬಹುದು ಎಂಬುದನ್ನು ನೆನಪಿನಲ್ಲಿಟ್ಟುಕೊಳ್ಳಿ.

ವಿಶ್ರಾಂತಿ ಮತ್ತು ಜೀವನ ಆನಂದಿಸಲು ಸಮಯವಿಲ್ಲ ಎಂಬ ಭಾವನೆ
ಯಾರು ಜೀವನವನ್ನು ನಿತ್ಯ ಒತ್ತಡದಿಂದ ಜೀವಿಸುತ್ತಿರುತ್ತಾರೋ ಅವರು ತಮಗೆ ವಿಶ್ರಾಂತಿ ಮಾಡಲು, ಜೀವನವನ್ನು ಆಸ್ವಾಧಿಸಲು ಸಮಯವಿಲ್ಲ ಎಂದುಕೊಂಡಿರುತ್ತಾರೆ. ಆದರೆ ನಾವು ಸಣ್ಣ ಸಣ್ಣ ಸಂತೋಷದ ಕ್ಷಣಗಳನ್ನು ಸ್ವೀಕರಿಸಲು ಪ್ರಾರಂಭಿಸಬೇಕು. ಆಗ ಮಾತ್ರ ನಾವು ಜೀವನದಲ್ಲಿ ದೊಡ್ಡ ವಿಷಯಗಳನ್ನು ಪ್ರಶಂಸಿಸಲು ಕಲಿಯುತ್ತೇವೆ.

ಜೀವನಶೈಲಿಗೆ ಸಂಬಂಧಿಸಿದ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ

ತಾಜಾ ಸುದ್ದಿ

TV9 Kannada


Leave a Reply

Your email address will not be published.