10 ವರ್ಷ ಜೈಲು ಶಿಕ್ಷೆ ಮುಗಿಸಿ ತಿಹಾರ್ ಜೈಲಿನಿಂದ ಹೊರಬಂದ ಮಾಜಿ ಸಿಎಂಗೆ ಭರ್ಜರಿ ಸ್ವಾಗತ

10 ವರ್ಷ ಜೈಲು ಶಿಕ್ಷೆ ಮುಗಿಸಿ ತಿಹಾರ್ ಜೈಲಿನಿಂದ ಹೊರಬಂದ ಮಾಜಿ ಸಿಎಂಗೆ ಭರ್ಜರಿ ಸ್ವಾಗತ

ಶಿಕ್ಷಕರ ನೇಮಕಾತಿ ಹಗರಣದಲ್ಲಿ 10 ವರ್ಷ ಶಿಕ್ಷೆಗೆ ಗುರಿಯಾಗಿ ಜೈಲು ಸೇರಿದ್ದ ಹರಿಯಾಣ ಮಾಜಿ ಸಿಎಂ ಓಂ ಪ್ರಕಾಶ್ ಚೌತಲಾ ಶಿಕ್ಷೆಯನ್ನು ಪೂರ್ಣಗೊಳಿಸಿ ತಿಹಾರ್ ಜೈಲಿನಿಂದ ಬಿಡುಗಡೆಯಾಗಿದ್ದಾರೆ.

86 ವರ್ಷದ ಓಂ ಪ್ರಕಾಶ್​ ಚೌತಲಾ ಅವರು ಸದ್ಯ ಪೆರೋಲ್​​​ ಮೇರೆಗೆ ಜೈಲಿನಿಂದ ಹೊರಗೆ ಇದ್ದರು. ಈಗಾಗಲೇ ಅವರು ಶಿಕ್ಷೆಯ ಪ್ರಮಾಣಲ್ಲಿ 9 ವರ್ಷ 9 ತಿಂಗಳು ಜೈಲಿನಲ್ಲಿ ಶಿಕ್ಷೆ ಅನುಭವಿಸಿದ್ದು, ಸದ್ಯ ಅವರು ಬಿಡುಗಡೆಯಾಗಲು ಅರ್ಹರಾಗಿದ್ದರು. ಈ ಹಿನ್ನೆಲೆಯಲ್ಲಿ ಅಗತ್ಯ ಕಾನೂನು ಕ್ರಮಗಳನ್ನು ಪೂರ್ಣಗೊಳಿಸಿ ಅವರು ಬಿಡುಗಡೆಯಾಗಿದ್ದಾರೆ ಎಂಬ ಮಾಹಿತಿ ಲಭ್ಯವಾಗಿದೆ.

blank

2013ರಲ್ಲಿ ಅವರು ಶಿಕ್ಷಕರ ನೇಮಕಾತಿ ಹಗರಣದಲ್ಲಿ ಜೈಲು ಸೇರಿದ್ದರು. ಇಂದು ಬೆಳಗ್ಗೆ ತಿಹಾರ್ ಜೈಲಿಗೆ ಆಗಮಿಸಿ ಕಾನೂನು ಪ್ರಕ್ರಿಯೆಯನ್ನು ಪೂರ್ಣಗೊಳಿಸಿದ್ದಾರೆ. ಇಂಡಿಯನ್​ ನ್ಯಾಷನಲ್​​ ಲೋಕ್​​ ದಳ ಪಕ್ಷ ನಾಯಕರಾಗಿರುವ ಓಂ ಪ್ರಕಾಶ್ ಚೌತಲಾ ಅವರನ್ನು ಬಿಡುಗಡೆ ಮಾಡಲಾಗಿದೆ ಎಂದು ದೆಹಲಿ ಕಾರಾಗೃಹ ಡಿ.ಜಿ ಮಾಹಿತಿ ನೀಡಿದ್ದಾರೆ.

ಜೈಲಿನಿಂದ ಬಿಡುಗಡೆಯಾಗಿ ಗುರುಗ್ರಾಮದಲ್ಲಿರುವ ತಮ್ಮ ನಿವಾಸಕ್ಕೆ ವಾಪಸ್​ ಆಗಿದ್ದ ಓಂ ಪ್ರಕಾಶ್​ ಚೌತಲಾ ಅವರಿಗೆ ಮೊಮ್ಮಗ ಕರಣ್​ ಚೌತಲಾ ಸೇರಿದಂತೆ ಪಕ್ಷದ ಕಾರ್ಯಕರ್ತರು ದೆಹಲಿ ಗಡಿಯಲ್ಲೇ ಹೂ ಮಳೆ ಸುರಿಸಿ ಸ್ವಾಗತ ಕೋರಿದ್ದಾರೆ. 2000 ಇಸವಿಯಲ್ಲಿ ಹರಿಯಾಣದ 3,206 ಹಿರಿಯ ಶಿಕ್ಷಕರ ನೇಮಕಾತಿಯಲ್ಲಿ ಭ್ರಷ್ಟಾಚಾರ ನಡೆಸಿದ್ದು, ತನಿಖೆಯಲ್ಲಿ ಸಾಬೀತಾಗಿತ್ತು. ಪ್ರಕರಣದಲ್ಲಿ ಓಂ ಪ್ರಕಾಶ್​ ಚೌತಲಾ, ಅವರ ಮಗ ಅಜಯ್​​ ಚೌತಲಾ ಸೇರಿದಂತೆ 53 ಮಂದಿಗೆ ಶಿಕ್ಷೆಯಾಗಿತ್ತು. 2013ರ ಜನವರಿಯಲ್ಲಿ ಸಿಬಿಐ ವಿಶೇಷ ನ್ಯಾಯಾಲಯ 55 ಮಂದಿಗೆ ಪ್ರಕರಣದಲ್ಲಿ ಶಿಕ್ಷೆ ಪ್ರಕಟಿಸಿತ್ತು. ಅಂದಹಾಗೇ, ಓಂ ಪ್ರಕಾಶ್​ ಚೌತಲಾ ಅವರು ಜೈಲಿನಲ್ಲಿದ್ದರೂ ಇಂಡಿಯನ್​ ನ್ಯಾಷನಲ್​​ ಲೋಕ್​​ ದಳ ಪಕ್ಷದ ಮುಖ್ಯಸ್ಥರಾಗಿ ಮುಂದುವರಿದಿದ್ದರು.

The post 10 ವರ್ಷ ಜೈಲು ಶಿಕ್ಷೆ ಮುಗಿಸಿ ತಿಹಾರ್ ಜೈಲಿನಿಂದ ಹೊರಬಂದ ಮಾಜಿ ಸಿಎಂಗೆ ಭರ್ಜರಿ ಸ್ವಾಗತ appeared first on News First Kannada.

Source: newsfirstlive.com

Source link