ನೀರಜ್ ಚೋಪ್ರಾರಂತೆ ಜಾವೆಲಿನ್ ಎಸೆದ ರಾಖಿ ಸಾವಂತ್- ವೀಡಿಯೋ ವೈರಲ್

ಮುಂಬೈ: ಬಾಲಿವುಡ್ ನಟಿ ರಾಖಿ ಸಾವಂತ್ ನೀರಜ್ ಚೋಪ್ರಾರಂತೆ ಜಾವೆಲಿನ್ ಎಸೆಯಲು ಪ್ರಯತ್ನಿಸಿರುವ ವೀಡೀಯೋ ಸಖತ್ ವೈರಲ್ ಆಗುತ್ತಿದೆ.

ಜಾವೆಲಿನ್ ಎಸೆತಗಾರ ನೀರಜ್ ಚೋಪ್ರಾ ಟೋಕಿಯೊ ಒಲಿಂಪಿಕ್ಸ್ ನಲ್ಲಿ ಭಾರತದಪರ ಅಥ್ಲೆಟಿಕ್ಸ್​ನಲ್ಲಿ ಚಿನ್ನದ ಪದಕ ಗೆಲ್ಲುವ ಮೂಲಕ ಇತಿಹಾಸ ಸೃಷ್ಟಿಸಿದ್ದಾರೆ. ರಾಖಿ ಸಾವಂತ ಡಿಫರೆಂಟ್ ಎಂದು ಎಲ್ಲರಿಗೂ ಗೊತ್ತು. ಏನೇ ಮಾಡಿದ್ರೂ ಅದ್ರಕ್ಕೊಂದು ಇಮಿಟೇಷನ್ ಇದ್ದೇ ಇರುತ್ತದೆ. ಇದೀಗ ನೀರಜ್ ಚೋಪ್ರಾ ನಂತೆ ಜಾವೆಲಿನ್ ಎಸೆಯುವಂತೆ ಇಮಿಟೇಷನ್ ಮಾಡುವ ಮೂಲಕವಾಗಿ ಸುದ್ದಿಯಲ್ಲಿದ್ದಾರೆ. ಇದನ್ನೂ ಓದಿ: ಮೂರು ವರ್ಷದ ಹಿಂದೆ ನಡೆದ ಕೊಲೆಗೆ ಮತ್ತೊಬ್ಬ ಬಲಿ

 

View this post on Instagram

 

A post shared by Viral Bhayani (@viralbhayani)

ನೀರಜ್ ಚೋಪ್ರಾ ಜಯವನ್ನು ತಮ್ಮದೇ ಆದ ಶೈಲಿಯಲ್ಲಿ ಸಂಭ್ರಮಿಸಿರುವ ರಾಖಿ ಸಾವಂತ್, ಮರದ ಕೋಲೊಂದನ್ನು ತೆಗೆದುಕೊಂಡು ನೀರಜ್ ಅವರನ್ನು ಅನುಕರಿಸಿದ್ದಾರೆ. ಈ ವೀಡಿಯೋ ಈಗ ವೈರಲ್ ಆಗಿದ್ದು, ನೆಟ್ಟಿಗರು ನಾನಾವಿಧವಾಗಿ ಕಾಮೆಂಟ್ ಮಾಡಿದ್ದಾರೆ.

 

View this post on Instagram

 

A post shared by Rakhi Sawant (@rakhisawant2511)

ರಾಖಿ ಸಾವಂತ್ ಈ ಮೊದಲೂ ಕೂಡಾ ಅಂಗಡಿಗಳ ಎದುರು, ಜಿಮ್‍ನ ಹೊರಗೆ ಛಾಯಾಚಿತ್ರಕಾರರಿಗೆ ಸಿಕ್ಕಾಗ ತಮಾಷೆಯ ವೀಡಿಯೋಗಳನ್ನು ಮಾಡಿದ್ದರು. ಈ ಬಾರಿ ಜಿಮ್‍ನಲ್ಲಿ ಕಸರತ್ತು ಮುಗಿಸಿ ಹೊರಬರುವಾಗ ಜಾವೆಲಿನ್ ಎಸೆತದ ಅನುಕರಣೆ ಮಾಡಿದ್ದಾರೆ. ಕೋಲನ್ನು ಎಸೆದು, ಹೇಗಿತ್ತು ತನ್ನ ಎಸೆತ ಎಂದು ಅವರು ವೀಡಿಯೋ ಸೆರೆಹಿಡಿಯುವವರಲ್ಲಿ ಕೇಳಿದ್ದಾರೆ. ಕೊನೆಯಲ್ಲಿ ನೀರಜ್ ಸಾಧನೆಗೆ ಸಲಾಮ್ ಹೇಳುವಂತೆ, ಜೈ ಹೊ, ಜೈ ಹಿಂದ್ ಎಂದು ಹೇಳುತ್ತಾ ತಮ್ಮ ಕಾರನ್ನೇರಿ ಹೊರಟಿದ್ದಾರೆ. ಈ ವೀಡಿಯೋವನ್ನು ಇನ್‍ಸ್ಟಾಗ್ರಾಮ್‍ನಲ್ಲಿ ಹಾಕಿಕೊಂಡು ಮೆಡಲ್ ಕೋಡಬೇಕು ಎಂದು ಪೋಸ್ಟ್ ಮಾಡಿದ್ದಾರೆ.

Source: publictv.in Source link