ಇದು ನನ್ನ ಅತ್ಯಂತ ಬೆಸ್ಟ್ ವರ್ಸ್ಟ್ ಲುಕ್: ಜಗಪತಿ ಬಾಬು

ಬೆಂಗಳೂರು: ಟಾಲಿವುಡ್ ಅಂಗಳದ ಬಹುನಿರೀಕ್ಷಿತ ಸಲಾರ್ ಸಿನಿಮಾದಲ್ಲಿ ನಟ ಜಗಪತಿ ಬಾಬು ಅವರ ಖಡಕ್ ಫಸ್ಟ್ ಲುಕ್ ರಿವೀಲ್ ಆಗಿದೆ. ಈ ಕುರಿತಾಗಿ ಜಗಪತಿ ಬಾಬು ವಿಶೇಷವಾಗಿ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

ಸಲಾರ್ ಚಿತ್ರತಂಡ ಸಿನಿಮಾದ ಪ್ರಮುಖ ಅಪ್‍ಡೇಟ್‍ವೊಂದನ್ನು ಪ್ರೇಕ್ಷಕರ ಮುಂದಿಟ್ಟಿದ್ದು, ಬಹು ಭಾಷಾ ನಟ ಜಗಪತಿ ಬಾಬು ಅವರ ಫಸ್ಟ್‌ಲುಕ್‌ ರಿವೀಲ್ ಮಾಡಿದೆ. ಸಿನಿಮಾದಲ್ಲಿ ರಾಜಮನಾರ್ ಪಾತ್ರದಲ್ಲಿ ಜಗಪತಿ ಬಾಬು ಕಾಣಿಸಿಕೊಳ್ಳುತ್ತಿದ್ದು, ಪೋಸ್ಟರ್‌ನಲ್ಲಿ ಮೂಗಿಗೆ ರಿಂಗ್ ಹಾಕಿ ಕೋಪದಿಂದ ಖಡಕ್ ಆಗಿರುವ ನೋಟದೊಂದಿಗೆ ಭಯಂಕರವಾಗಿ ಕಾಣಿಸಿಕೊಂಡಿದ್ದಾರೆ. ಇದನ್ನೂ ಓದಿ:  ಸಲಾರ್ ಸಿನಿಮಾದಲ್ಲಿ ಜಗಪತಿ ಬಾಬು ಖಡಕ್ ಲುಕ್ ಧಗ ಧಗ!

ಟ್ವೀಟ್‍ನಲ್ಲಿ ಏನಿದೆ?
ಇದು ನನ್ನ ಅತ್ಯಂತ ಬೆಸ್ಟ್ ವರ್ಸ್ಟ್ ಲುಕ್, ಪ್ರಶಾಂತ್ ನೀಲ್ ನೆರವಿನಿಂದ ಮತ್ತು ಅತ್ಯುತ್ತಮ ನಟನೆಯಿಂದ ಉತ್ಸುಕನಾಗಿದ್ದೇನೆ. ನನ್ನ ಜೀವನದೊಂದಿಗೆ ನಾನು ಪ್ರೀತಿಗೆ ಬಿದ್ದಿದ್ದೇನೆ. ಪ್ರಭಾಸ್, ಹೊಂಬಾಳೆ ಸಂಸ್ಥೆ, ನಿರ್ದೇಶಕ ಪ್ರಶಾಂತ್ ನೀಲ್ ಅವರಿಗೆ ಧನ್ಯವಾದ ಎಂದು ಬರೆದುಕೊಂಡು  ಜಗಪತಿ ಬಾಬು ಟ್ವೀಟ್ ಮಾಡಿದ್ದಾರೆ.

ಬಾಹುಬಲಿ ಪ್ರಭಾಸ್ ನಟನೆಯ ಹಾಗೂ ಕೆಜಿಎಫ್ ಸೂತ್ರದಾರ ಪ್ರಶಾಂತ್ ನೀಲ್ ನಿರ್ದೇಶನದ ಸಲಾರ್ ಸಿನಿಮಾ ಬಗ್ಗೆ ಪ್ರೇಕ್ಷಕರಿಗೆ ದೊಡ್ಡಮಟ್ಟದ ನಿರೀಕ್ಷೆ ಇದೆ. ಈ ಸಿನಿಮಾ ಕುರಿತಾಗಿ ನಿರ್ದೇಶಕರು ಮತ್ತಷ್ಟು ಕ್ಯೂರಾಟಿಸಿ ಹುಟ್ಟಿಸುವ ವಿಚಾರವನ್ನು ಅಭಿಮಾನಿಗಳಿಗೆ ತಿಳಿಸಿದ್ದಾರೆ. ಬಿಗ್ ಬಜೆಟ್‍ನಲ್ಲಿ ನಿರ್ಮಾಣ ಆಗುತ್ತಿರುವ ಸಲಾರ್ ಮೇಲೆ ಪ್ರಭಾಸ್ ಅಭಿಮಾನಿಗಳು ಭಾರಿ ನಿರೀಕ್ಷೆ ಇಟ್ಟುಕೊಂಡಿದ್ದಾರೆ.

Source: publictv.in Source link