ಮಹಿಳೆಯರ ಅಂತಾರಾಷ್ಟ್ರೀಯ ಏಕದಿನ ವಿಶ್ವಕಪ್ ಕ್ರಿಕೆಟ್ ಟೂರ್ನಿಯಲ್ಲಿ ಭಾರತ ಇಂದು ಪಾಕಿಸ್ತಾನಕ್ಕೆ 245 ರನ್ಗಳ ಬಿಗ್ ಟಾರ್ಗೆಟ್ ನೀಡಿದೆ. ನಿಗದಿತ 50 ಓವರ್ಗಳಲ್ಲಿ 7 ವಿಕೆಟ್ ಕಳೆದುಕೊಂಡ ಭಾರತ 244 ರನ್ಗಳನ್ನ ಕಲೆ ಹಾಕಿ ಬ್ಯಾಟಿಂಗ್ ಮುಗಿಸಿತು.
ಮೌಂಟ್ ಮೌಂಗನುಯಿ ಬೇ ಓವಲ್ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಪಂದ್ಯದಲ್ಲಿ ಮೊದಲು ಟಾಸ್ ಗೆದ್ದ ಭಾರತ ಬ್ಯಾಟಿಂಗ್ ಆಯ್ದುಕೊಂಡಿತು. ಇದರಂತೆ ಬ್ಯಾಟಿಂಗ್ ಆರಂಭಿಸಿದ ಟೀಮ್ ಇಂಡಿಯಾ ಆರಂಭಿಕ ಅಘಾತ ಅನುಭವಿಸಿತು. ಈ ವೇಳೆ ಜವಾಬ್ದಾರಿಯುತ ಬ್ಯಾಟಿಂಗ್ ನಡೆಸಿದ ದೀಪ್ತಿ ಶರ್ಮಾ ಮತ್ತು ಸ್ಮೃತಿ ಮಂದಾನ ತಂಡಕ್ಕೆ ಚೇತರಿಕೆ ನೀಡಿದರು.
ದೀಪ್ತಿ ಶರ್ಮಾ 40 ರನ್ ಗಳಿಸಿದ್ದಾಗ ಔಟ್ ಆದರೆ, ಸ್ಮೃತಿ ಮಂದಾನ 52 ರನ್ ಗಳಿಸಿ ಪೆವಿಲಿಯನ್ ಸೇರಿಕೊಂಡರು. ನಂತರ 4ನೇ ಕ್ರಮಾಂಕದಲ್ಲಿ ಕಣಕ್ಕಿಳಿದ ಮಿಥಾಲಿ 9 ರನ್, ಹರ್ಮನ್ ಪ್ರೀತ್ ಕೌರ್ 5, ರಿಚಾ ಘೋಷ್ 1 ರನ್‌ಗೆ ಒಬ್ಬರ ಹಿಂದೊಂಬರಂತೆ ಪೆವಿಲಿಯನ್ ಹೆಜ್ಜೆಹಾಕಿದರು. ಈ ವೇಳೆ ಜೊತೆಗೂಡಿದ ಸ್ನೇಹ್ ರಾಣಾ ಹಾಗೂ ಪೂಜಾ ವಸ್ತ್ರಾಕರ್ 122 ರನ್ಗಳ ಜೊತೆಯಾಟ ಆಡುವುದರೊಂದಿಗೆ ತಂಡ ಸವಾಲಿನ ಮೊತ್ತ ಪೇರಿಸಲು ನೆರವಾದರು.
48 ಎಸೆತಗಳನ್ನ ಎದುರಿಸಿದ ಸ್ನೇಹ್ ರಾಣಾ, 4 ಬೌಂಡಿ ಒಳಗೊಂಡ ಅಜೇಯ 53 ರನ್ ಗಳಿಸಿದರೆ. 59 ಎಸೆತಗಳನ್ನ ಎದುರಿಸಿದ ಪೂಜಾ ವಸ್ತ್ರಾಕರ್, 8 ಬೌಂಡರಿಗಳನ್ನೊಳಗೊಂಡ 67 ರನ್ ಸಿಡಿಸಿದರು. ಈ ಮೂಲಕ ನಿಗದಿತ 50 ಓವರ್ಗಳಲ್ಲಿ ಭಾರತ 7 ಕಳೆದುಕೊಂಡು 244 ರನ್ ಪೇರಿಸುವಲ್ಲಿ ಯಶಸ್ವಿಯಾಯ್ತು.
The post ODI ವಿಶ್ವಕಪ್: ಪೂಜಾ, ಸ್ಮೃತಿ, ರಾಣಾ ಆಕರ್ಷಕ ಅರ್ಧಶತಕ; ಪಾಕ್ಗೆ ಬಿಗ್ ಟಾರ್ಗೆಟ್ appeared first on News First Kannada.