Rakhi Sawant: ರಾಖಿ ಸಾವಂತ್​ ಜೀವನ ಹಾಳು ಮಾಡಲು ಮಾಜಿ ಗಂಡನ ಪ್ಲ್ಯಾನ್​; ಪೊಲೀಸ್​ ಠಾಣೆ ಎದುರು ಬಿಕ್ಕಿ ಬಿಕ್ಕಿ ಅತ್ತ ನಟಿ | Rakhi Sawant files complaint against ex husband Ritesh for hacking her social media accounts


Rakhi Sawant: ರಾಖಿ ಸಾವಂತ್​ ಜೀವನ ಹಾಳು ಮಾಡಲು ಮಾಜಿ ಗಂಡನ ಪ್ಲ್ಯಾನ್​; ಪೊಲೀಸ್​ ಠಾಣೆ ಎದುರು ಬಿಕ್ಕಿ ಬಿಕ್ಕಿ ಅತ್ತ ನಟಿ

ರಾಖಿ ಸಾವಂತ್​, ಆದಿಲ್​ ಖಾನ್​

Rakhi Sawant Social Media Hack: ಮಾಜಿ ಗಂಡನ ಕಾಟ ತಾಳಲಾರದೇ ಪೊಲೀಸ್​ ಠಾಣೆಯ ಎದುರು ರಾಖಿ ಸಾವಂತ್​ ಬಿಕ್ಕಿ ಬಿಕ್ಕಿ ಅತ್ತಿದ್ದಾರೆ. ಈ ವಿಡಿಯೋ ವೈರಲ್​ ಆಗಿದೆ.

ನಟಿ ರಾಖಿ ಸಾವಂತ್​ (Rakhi Sawant) ಅವರದ್ದು ವಿಚಿತ್ರ ವ್ಯಕ್ತಿತ್ವ. ಸೋಶಿಯಲ್​ ಮೀಡಿಯಾದಲ್ಲಿ ಅವರ ವಿಡಿಯೋಗಳು ಆಗಾಗ ವೈರಲ್​ ಆಗುತ್ತಲೇ ಇರುತ್ತವೆ. ಬಿಗ್​ ಬಾಸ್​ (Bigg Boss) ರಿಯಾಲಿಟಿ ಶೋನಲ್ಲಿ ಸ್ಪರ್ಧಿಸಿದ ಬಳಿಕ ಅವರ ಖ್ಯಾತಿ ಹೆಚ್ಚಿತು. ಸಲ್ಮಾನ್​ ಖಾನ್​ ಅವರ ಜೊತೆಯಲ್ಲಿ ಅವರಿಗೆ ಒಡನಾಟ ಬೆಳೆಯಿತು. ಪಾಪರಾಜಿಗಳು ಅವರ ಹಿಂದೆ ಬೀಳುವುದು ಕೂಡ ಹೆಚ್ಚಾಯಿತು. ರಾಖಿ ಸಾವಂತ್​ ಅವರ ಖಾಸಗಿ ಜೀವನ ಅಷ್ಟೇನೂ ಖುಷಿಯಾಗಿ ಉಳಿದುಕೊಂಡಿಲ್ಲ. ರಿತೇಶ್​ ಎಂಬ ವ್ಯಕ್ತಿಯ ಜೊತೆ ಅವರು ಮದುವೆ ಮಾಡಿಕೊಂಡಿದ್ದರು. ಆದರೆ ಆ ಮದುವೆ ಕೆಲವೇ ದಿನಗಳಲ್ಲೇ ಮುರಿದು ಬಿತ್ತು. ಈಗ ರಿತೇಶ್​ನಿಂದಾಗಿ ರಾಖಿ ಸಾವಂತ್​ ಸಿಕ್ಕಾಪಟ್ಟೆ ಕಷ್ಟ ಅನುಭವಿಸುತ್ತಿದ್ದಾರೆ. ಮಾಜಿ ಗಂಡನ ಕಿರುಕುಳ ತಾಳಲಾರದೇ ಅವರೀಗ ಪೊಲೀಸ್​ ಠಾಣೆಯ ಮೆಟ್ಟಿಲು ಏರಿದ್ದಾರೆ. ರಾಖಿ ಸಾವಂತ್​ ಅವರ ಸೋಶಿಯಲ್​ ಮೀಡಿಯಾ ಖಾತೆಗಳನ್ನು ಹ್ಯಾಕ್​ (Hacking) ಮಾಡಲಾಗಿದೆ. ಇದು ಮಾಜಿ ಗಂಡನ ಕೆಲಸ ಎಂದು ಅವರು ಆರೋಪಿಸಿದ್ದಾರೆ.

ಸೆಲೆಬ್ರಿಟಿಗಳಿಗೆ ಸೋಶಿಯಲ್​ ಮೀಡಿಯಾ ತುಂಬ ಮುಖ್ಯ. ಆ ಮೂಲಕ ಅವರು ಹಣ ಸಂಪಾದಿಸುತ್ತಾರೆ. ಪ್ರಚಾರಕ್ಕಾಗಿ, ಅಭಿಮಾನಿಗಳ ಜೊತೆ ಸಂಪರ್ಕಕ್ಕಾಗಿ ಇನ್​ಸ್ಟಾಗ್ರಾಮ್​, ಫೇಸ್​ಬುಕ್​, ಟ್ವಿಟರ್​ ಮುಂತಾದ ಖಾತೆಗಳಲ್ಲಿ ಸಕ್ರಿಯವಾಗಿ ಇರುತ್ತಾರೆ. ರಾಖಿ ಸಾವಂತ್​ ಅವರ ಎಲ್ಲ ಸೋಶಿಯಲ್​ ಮೀಡಿಯಾ ಖಾತೆಗಳು ಹಾಗೂ ಜಿ-ಮೇಲ್​ ಖಾತೆಯನ್ನು ಹ್ಯಾಕ್​ ಮಾಡಲಾಗಿದೆ.

ರಿತೇಶ್​ ಮತ್ತು ರಾಖಿ ಸಾವಂತ್​ ಬೇರೆಬೇರೆ ಆಗಿದ್ದಾರೆ. ಹೊಸ ಬಾಯ್​ ಫ್ರೆಂಡ್​ ಆದಿಲ್​ ಖಾನ್​ ಜೊತೆ ರಾಖಿ ಸುತ್ತಾಡುತ್ತಿದ್ದಾರೆ. ಆದಿಲ್​ ಮತ್ತು ರಾಖಿ ಜೊತೆಯಾಗಿ ಬಂದು ಪೊಲೀಸ್​ ಠಾಣೆಯಲ್ಲಿ ದೂರು ನೀಡಿದ್ದಾರೆ. ‘ನನ್ನ ಜೀವನವನ್ನು ಹಾಳು ಮಾಡಲು ಮಾಜಿ ಗಂಡ ರಿತೇಶ್​ ಈ ರೀತಿ ಮಾಡಿದ್ದಾನೆ. ನಾನು ಆದಿ ಜೊತೆ ಇರುವುದನ್ನು ಅವನು ಸಹಿಸುತ್ತಿಲ್ಲ’ ಎಂದು ರಾಖಿ ಆರೋಪಿಸಿದ್ದಾರೆ.

‘ಮೊದಲಿಗೆ ನನ್ನ ಸೋಶಿಯಲ್​ ಮೀಡಿಯಾ ಖಾತೆಗಳನ್ನು ರಿತೇಶ್​ ಹ್ಯಾಂಡಲ್​ ಮಾಡುತ್ತಿದ್ದ. ಈಗ ಅವುಗಳನ್ನು ಹ್ಯಾಕ್​ ಮಾಡಿದ್ದಾನೆ. ಖಾಸಗಿ ಚಾನೆಲ್​ ವಿರುದ್ಧ ಕೆಟ್ಟದಾಗಿ ಪೋಸ್ಟ್​ ಮಾಡುತ್ತಿದ್ದಾನೆ. ಇದರಿಂದ ನನ್ನ ಜೀವನಕ್ಕೆ ತುಂಬ ತೊಂದರೆ ಆಗುತ್ತಿದೆ. ಆತ ನನ್ನ ಕರೆಯನ್ನೂ ಸ್ವೀಕರಿಸುತ್ತಿಲ್ಲ’ ಎಂದು ಪೊಲೀಸ್​ ಠಾಣೆಯ ಎದುರು ರಾಖಿ ಸಾವಂತ್​ ಬಿಕ್ಕಿ ಬಿಕ್ಕಿ ಅತ್ತಿದ್ದಾರೆ. ಈ ವಿಡಿಯೋ ವೈರಲ್​ ಆಗಿದೆ.

ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್​ ಮಾಡಿ.

TV9 Kannada


Leave a Reply

Your email address will not be published.