Relationship: ಮೂರು ಸ್ತಂಭಗಳಲ್ಲಿ ನಿಂತಿರುವ ಪ್ರೀತಿಯಲ್ಲಿದೆ ಎಂಟು ರೀತಿಯ ಸಂಬಂಧಗಳು | Relationship Love stands on three core pillars psychologist Robert Sternberg suggests


ಮನಶ್ಶಾಸ್ತ್ರಜ್ಞ ರಾಬರ್ಟ್ ಸ್ಟರ್ನ್‌ಬರ್ಗ್ ಅವರು ಪ್ರೀತಿಯಲ್ಲಿ ಮೂರು ಸ್ತಂಭಗಳಿವೆ ಎಂದು ಪ್ರತಿಪಾದಿಸಿದ್ದಾರೆ. ಅಷ್ಟೇ ಅಲ್ಲದೆ ಈ ಮೂರು ಸ್ತಂಭಗಳ ಮೇಲೆ ನಿಂತಿರುವ ಪ್ರೀತಿಯಲ್ಲಿ ಎಂಟು ಸಂಬಂಧಗಳಿವೆ ಎಂದು ಹೇಳಿಕೊಂಡಿದ್ದಾರೆ.

Relationship: ಮೂರು ಸ್ತಂಭಗಳಲ್ಲಿ ನಿಂತಿರುವ ಪ್ರೀತಿಯಲ್ಲಿದೆ ಎಂಟು ರೀತಿಯ ಸಂಬಂಧಗಳು

ಸಾಂದರ್ಭಿಕ ಚಿತ್ರ

ಈ ಹಿಂದೆ ಪ್ರೀತಿ ಮಾಡುವಾಗ ಮುಖ್ಯವಾಗಿ ವಯಸ್ಸು ನೋಡುತ್ತಿದ್ದರು. ಆದರೆ ಈ 5G ದುನಿಯಾದಲ್ಲಿ ಯಾವ ವಯಸ್ಸು ಕೂಡ ನೋಡದೆ ಪ್ರೀತಿ ಮಾಡಲಾಗುತ್ತಿದೆ. ಹೀಗಾಗಿ ಪ್ರೀತಿ ಯಾವುದೇ ರೂಪದಲ್ಲಿ ಮೊಳಕೆಯೊಡೆಯಬಹುದು ಎಂಬೂದರಲ್ಲಿ ಸಂಶಯವಿಲ್ಲ. ಅದು ಆಕರ್ಷಣೆ, ಬಣ್ಣ, ಅಂದ-ಚಂದ, ಮನಸ್ಸಿನ ಮೇಲೆ ಅವಲಂಬಿತವಾಗಿರುತ್ತದೆ. ಆದರೆ ಮನಶ್ಶಾಸ್ತ್ರಜ್ಞ ರಾಬರ್ಟ್ ಸ್ಟರ್ನ್‌ಬರ್ಗ್ ಅವರು ಪ್ರೀತಿಯಲ್ಲಿ ಮೂರು ಸ್ತಂಭಗಳಿವೆ ಎಂದು ಪ್ರತಿಪಾದಿಸಿದ್ದಾರೆ. ಅಷ್ಟೇ ಅಲ್ಲದೆ ಈ ಮೂರು ಸ್ತಂಭಗಳ ಮೇಲೆ ನಿಂತಿರುವ ಪ್ರೀತಿಯಲ್ಲಿ ಎಂಟು ಸಂಬಂಧಗಳಿವೆ ಎಂದು ಹೇಳಿಕೊಂಡಿದ್ದಾರೆ. ಹಾಗಿದ್ದರೆ ಆ ಮೂರು ಸ್ತಂಭಗಳು ಯಾವುವು? ಇಲ್ಲಿದೆ ನೋಡಿ:

  • ಅನ್ಯೋನ್ಯತೆ: ಸಂಗಾತಿಯೊಂದಿಗೆ ಹೊಂದಿರುವ ನಿಕಟತೆಯ ಭಾವನೆಯೇ ಅನ್ಯೋನ್ಯತೆಯಾಗಿದೆ. ನೀವು ಸಂಗಾತಿಯೊಂದಿಗೆ ಯಾವ ರೀತಿ ಸಂಪರ್ಕ ಹೊಂದಿರುತ್ತೀರಿ ಎಂಬುದರ ಮೇಲೆ ಅನ್ಯೋನ್ಯತೆ ನಿಂತಿರುತ್ತದೆ. ಇಂತಹ ಅನ್ಯೋನ್ಯತೆಯನ್ನು ಅಭಿವೃದ್ಧಿಪಡಿಸಲು ಮತ್ತು ಕಾಪಾಡಿಕೊಳ್ಳಲು ಉತ್ತಮ ಸಂವಹ ಅವಶ್ಯಕವಾಗಿದೆ.
  • ಉತ್ಸಾಹ: ಭಾವೋದ್ರೇಕವು ನಿಮ್ಮ ಮತ್ತು ಸಂಗಾತಿ ನಡುವಿನ ಲೈಂಗಿಕ ಆಕರ್ಷಣೆಯ ಮಟ್ಟವಾಗಿದೆ. ಭಾವೋದ್ರಿಕ್ತ ದಂಪತಿಗಳು ತಮ್ಮ ಸಂಗಾತಿಯೊಂದಿಗೆ ಇರಲು ಬಯಸುತ್ತಾರೆ. ಅಷ್ಟೇ ಅಲ್ಲದೆ, ಅವರು ತಮ್ಮ ಸಂಗಾತಿಯ ಬಗ್ಗೆ ನಿರಂತರವಾಗಿ ಮತ್ತು ಹೆಚ್ಚಿನ ಪ್ರಚೋದನೆಯ ಮಟ್ಟವನ್ನು ಯೋಚಿಸುತ್ತಾರೆ.
  • ಬದ್ಧತೆ: ಪ್ರೀತಿಯು ಮೂರನೇ ಸ್ತಂಭವಾದ ಬದ್ಧತೆ ಮೇಲೆ ನಿಂತಿದೆ. ಕಡಿಮೆ ಭಾವನಾತ್ಮಕ ಮತ್ತು ಹೆಚ್ಚು ಅರಿವನ್ನು ಈ ಸ್ತಂಭವು ಹೊಂದಿರುತ್ತದೆ. ಪ್ರೀತಿಯಲ್ಲಿ ಬದ್ಧತೆ ಹೊಂದಿರುವವರು ಸಂಬಂಧದ ಮೌಲ್ಯವನ್ನು ನಂಬುತ್ತಾರೆ ಮತ್ತು ಇತರ ಸಂಗಾತಿ ಹುಡುಕುವುದನ್ನು ತಪ್ಪಿಸಲು ಪ್ರಜ್ಞಾಪೂರ್ವಕ ನಿರ್ಧಾರವನ್ನು ಮಾಡುತ್ತಾರೆ.

ಅನ್ಯೋನ್ಯತೆ, ಉತ್ಸಾಹ ಮತ್ತು ಬದ್ಧತೆಯ ಮಟ್ಟಗಳು ಮತ್ತು ಅವುಗಳ ನಡುವಿನ ಪರಸ್ಪರ ಕ್ರಿಯೆಯನ್ನು ಆಧರಿಸಿ ಒಟ್ಟು ಎಂಟು ಸಂಬಂಧಗಳಿವೆ ಎಂದು ಸ್ಟರ್ನ್‌ಬರ್ಗ್ ಹೇಳುತ್ತಾರೆ. ಆ ಎಂಟು ಸಂಬಂಧಗಳು ಯಾವುವು? ಇಲ್ಲಿದೆ ನೋಡಿ:

  1. ಪರಿಪೂರ್ಣ ಪ್ರೀತಿ: ಈ ಸಂಬಂಧದಲ್ಲಿ ಸಂಗಾತಿ ಮೇಲೆ ಹೇಳಿದ ಮೂರೂ ಸ್ತಂಭಗಳನ್ನು ಹಂಚಿಕೊಳ್ಳುತ್ತಾರೆ. ಇಂತಹ ದಂಪತಿಗಳು ನಿಕಟರಾಗಿರುತ್ತಾರೆ, ಒಬ್ಬರಿಗೊಬ್ಬರು ಚೆನ್ನಾಗಿ ಅರ್ಥ ಮಾಡಿಕೊಂಡಿರುತ್ತಾರೆ, ಪರಸ್ಪರ ತಮ್ಮ ಉತ್ಸಾಹವನ್ನು ಉಳಿಸಿಕೊಳ್ಳಲು ಸಮರ್ಥರಾಗಿರುತ್ತಾರೆ.
  2. ರೊಮ್ಯಾಂಟಿಕ್: ಸಂಬಂಧದಲ್ಲಿ ಆತ್ಮೀಯತೆ ಮತ್ತು ಉತ್ಸಾಹದ ಆಧಾರ ಸ್ತಂಭಗಳು ಮಾತ್ರ ಇದ್ದಾಗ ಬದ್ಧತೆಯ ಕೊರತೆಯಿರುತ್ತದೆ. ಅನೇಕ ಸಂಬಂಧಗಳಲ್ಲಿ ಆರಂಭಿಕ ಹಂತಗಳಲ್ಲಿ ಪ್ರಣಯ ಪ್ರೇಮ ಸಾಕಷ್ಟು ಅನ್ಯೋನ್ಯತೆ ಮತ್ತು ಉತ್ಸಾಹವಿರುತ್ತದೆ. ಆದರೆ ಸಂಬಂಧವು ಬದ್ಧತೆಯನ್ನು ಹೊಂದಿರುವುದಿಲ್ಲ.
  3. ನಿಷ್ಪ್ರಯೋಜಕ ಪ್ರೀತಿ: ಈ ಸಂಬಂಧವು ಉತ್ಸಾಹ ಮತ್ತು ಬದ್ಧತೆಯ ಉನ್ನತ ಮಟ್ಟವಾಗಿದೆ, ಆದರೆ ಇಲ್ಲಿ ಅನ್ಯೋನ್ಯತೆಯ ಸ್ತಂಭ ಇರುವುದಿಲ್ಲ. ಇದು ಒಂದು ರೀತಿಯ ಸುಂಟರಗಾಳಿ ಸಂಬಂಧವಾಗಿದೆ, ಅಲ್ಲಿ ದಂಪತಿಗಳು ಒಬ್ಬರಿಗೊಬ್ಬರು ಆಕರ್ಷಿತರಾಗುತ್ತಾರೆ ಮತ್ತು ಅವರು ತ್ವರಿತವಾಗಿ ಬದ್ಧರಾಗಲು ಚಲಿಸುತ್ತಾರೆ. ಆದರೆ ಕಾಲಾನಂತರದಲ್ಲಿ ಅನ್ಯೋನ್ಯತೆಯು ಬೆಳೆಯದಿದ್ದರೆ ಸಂಬಂಧವು ಮುರಿದುಬೀಳಿಬಹುದು.
  4. ವ್ಯಾಮೋಹ: ಈ ಸಂಬಂಧವು ಎಲ್ಲಾ ಭಾವೋದ್ರೇಕದ ಪ್ರೀತಿಯ ಪ್ರಕಾರವಾಗಿದ್ದು, ಅನ್ಯೋನ್ಯತೆ ಅಥವಾ ಬದ್ಧತೆ ಇರುವುದಿಲ್ಲ. ಅದಾಗ್ಯೂ ಇತರರ ಉಪಸ್ಥಿತಿಯಲ್ಲಿ ಹೆಚ್ಚಿನ ಮಟ್ಟದ ಪ್ರಚೋದನೆ ಇರುತ್ತದೆ. ಆದರೆ ಇತರ ಸ್ತಂಭಗಳು ಅಭಿವೃದ್ಧಿಗೊಳ್ಳದ ಹೊರತು ಸಂಪೂರ್ಣವಾಗಿ ಭಾವೋದ್ರಿಕ್ತ ಸಂಬಂಧವನ್ನು ಕಾಪಾಡಿಕೊಳ್ಳುವುದು ಕಷ್ಟ.
  5. ಮೆಚ್ಚುಗೆ ಅಥವಾ ಗೆಳೆತನ: ಪರಸ್ಪರ ಹತ್ತಿರವಿದ್ದಾಗ ಕೆಲವೊಮ್ಮೆ ಉತ್ತಮ ಭಾವನೆಗಳು ಮೊಳೆಯುತ್ತವೆ. ಆದರೆ ಅದರಲ್ಲಿ ಬದ್ಧತೆ ಇರುವುದಿಲ್ಲ, ಇದನ್ನು ನಾವು ಗೆಳೆತನ ಎನ್ನಲಾಗುತ್ತದೆ.
  6. ಒಡನಾಡಿ ಪ್ರೀತಿ: ಅನ್ಯೋನ್ಯತೆ ಮತ್ತು ಬದ್ಧತೆಯ ಆಧಾರ ಸ್ತಂಭಗಳು ಬಲವಾಗಿದ್ದಾಗ ಒಡನಾಡಿ ಪ್ರೀತಿ ಉಂಟಾಗುತ್ತದೆ. ಆದರೆ ಈ ಸಂಬಂಧದಲ್ಲಿ ಉತ್ಸಾಹವಿರುವುದಿಲ್ಲ.
  7. ಖಾಲಿ ಪ್ರೀತಿ: ಈ ಸಂಬಂಧವು ಬದ್ಧತೆಯ ಆಧಾರ ಮೇಲೆ ನಿಂತಿದೆ. ಆದರೆ ಅನ್ಯೋನ್ಯತೆ ಮತ್ತು ಉತ್ಸಾಹದ ಕೊರತೆಯಿರುತ್ತದೆ. ಇದನ್ನು ಅರೇಂಜ್ಡ್ ಮ್ಯಾರೇಜ್​ನಲ್ಲಿ ಅಥವಾ ಒಂದು ರೀತಿಯ ಲೆಕ್ಕಾಚಾರದ ಶೈಲಿಯಲ್ಲಿ ಮದುವೆಯಾದ ದಂಪತಿಗಳಲ್ಲಿ ಕಾಣಬಹುದು.
  8. ಪ್ರೀತಿ ಇಲ್ಲದ ಸಂಬಂಧ: ಅನ್ಯೋನ್ಯತೆ, ಉತ್ಸಾಹ, ಬದ್ಧತೆ ಎಂಬ ಮೂರು ಸ್ತಂಭಗಳಲ್ಲಿ ಯಾವುದೂ ಇಲ್ಲದ ಸಂಬಂಧ ಇದಾಗಿದೆ. ಇವುಗಳು ಭಾವನಾತ್ಮಕ ಆಳವಿಲ್ಲದ ಸಂಕ್ಷಿಪ್ತ, ಸಾಂದರ್ಭಿಕ ವಹಿವಾಟಿನ ಸಂವಹನಗಳಾಗಿವೆ.

ಮತ್ತಷ್ಟು ಜೀವನಶೈಲಿ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ

ತಾಜಾ ಸುದ್ದಿ

TV9 Kannada


Leave a Reply

Your email address will not be published. Required fields are marked *