S.R.ವಿಶ್ವನಾಥ್​ ಹತ್ಯೆಗೆ ಸ್ಕೆಚ್​​ ಆರೋಪ; ಕುಳ್ಳ ದೇ​​ವರಾಜ್ ವಿರುದ್ಧ ಕೇಳಿಬಂದಿರುವ ಆರೋಪವೇನು..?


ಬೆಂಗಳೂರು: ಬಿಜೆಪಿ ಪ್ರಭಾವಿ ಶಾಸಕ ಹಾಗೂ ಬಿಡಿಎ ಅಧ್ಯಕ್ಷ ಎಸ್​​.ಆರ್​.ವಿಶ್ವನಾಥ್​ ಹತ್ಯೆಗೆ ಸ್ಕೆಚ್ ಹಾಕಿದ ಆರೋಪದ ಮೇಲೆ ಕಾಂಗ್ರೆಸ್​ ಮುಖಂಡ ಗೋಪಾಲಕೃಷ್ಣನನ್ನ ಸಿಸಿಬಿ ಅಧಿಕಾರಿಗಳು ವಶಕ್ಕೆ ಪಡೆದುಕೊಂಡು ವಿಚಾರಣೆ ನಡೆಸಿದ್ದಾರೆ ಅನ್ನೋ ಮಾಹಿತಿ ಲಭ್ಯವಾಗಿದೆ. ಅಲ್ಲದೇ ಇದೇ ಪ್ರಕರಣದಲ್ಲಿ ದೇವರಾಜ್ ಅಲಿಯಾಸ್ ಕುಳ್ಳ ಎಂಬಾತನನ್ನೂ ವಶಕ್ಕೆ ಪಡೆಯಲಾಗಿದೆ.

ಯಾರು ಈ ಕುಳ್ಳ ದೇವರಾಜ್..?
ದೇವರಾಜ್ ಅಲಿಯಾಸ್ ಕುಳ್ಳದೇವರಾಜ್ ಎಸ್​.ಆರ್​.ವಿಶ್ವನಾಥ್​ ಅವರ ಕಟ್ಟಾ ಬೆಂಬಲಿಗ. ವಿಶ್ವನಾಥ್​​ ಕೊಲೆಗೆ ಸ್ಕೆಚ್ ಹಾಕುವ ಸಂಬಂಧ ಗೋಪಾಲಕೃಷ್ಣ ಮಾತನಾಡಿದ್ದನ್ನ ವಿಡಿಯೋ ಮಾಡಿರುವ ಆರೋಪ ದೇವರಾಜ್ ಮೇಲೆ ಇದೆ. ವಿಶ್ವನಾಥ್​ಗೆ ಹತ್ತಿರವಾಗಲು ಗೋಪಾಲಕೃಷ್ಣ ಬಳಿ ಹೋಗಿ ಬಿಡಿಎ ಅಧ್ಯಕ್ಷರನ್ನ ಮುಗಿಸುವ ಪ್ಲಾನ್ ಅನ್ನ ದೇವರಾಜ್ ಕೊಟ್ಟಿದ್ದ ಎಂದು ಹೇಳಲಾಗಿದೆ.

ಇದೀಗ ಗೋಪಾಲಕೃಷ್ಣ ತಾನೇ ತೋಡಿದ್ದ ಹಳ್ಳಕ್ಕೆ ಬೀಳುವ ಆತಂಕ ಎದುರಾಗಿದೆ. ಸದ್ಯ ಸಿಸಿಬಿ ಅಧಿಕಾರಿಗಳು ದೇವರಾಜ್​​ನನ್ನೂ ವಶಕ್ಕೆ ಪಡೆದುಕೊಂಡಿದ್ದಾರೆ. ಸಿಸಿಬಿ ತನಿಖೆಯಲ್ಲಿ ಕುಳ್ಳ ದೇವರಾಜ್, ಗೋಪಾಲಕೃಷ್ಣರನ್ನ ಪ್ರಚೋಧಿಸಿ ವಿಡಿಯೋ ಮಾಡಿರೋದು ಬೆಳಕಿಗೆ ಬಂದಿದ್ಯಂತೆ. ಇದೇ ಕಾರಣಕ್ಕೆ ಕುಳ್ಳ ದೇವರಾಜ್​ನನ್ನ ವಶಕ್ಕೆ ಪಡೆದು ಗೋಪಾಲಕೃಷ್ಣ ಅವರನ್ನ ಸಿಸಿಬಿ ಅಧಿಕಾರಿಗಳು ಬಿಟ್ಟಿದ್ದಾರೆ ಎನ್ನಲಾಗಿದೆ.

News First Live Kannada


Leave a Reply

Your email address will not be published. Required fields are marked *