SBI Customer Alert: ಎಸ್​ಬಿಐ ಗ್ರಾಹಕರೇ ಎಚ್ಚರ, ಇಂಥ ನಕಲಿ ಸಂದೇಶಗಳಿಗೆ ಸ್ಪಂದಿಸದಿರಿ | SBI Customer Alert About Fraud Don’t Respond To Fraudulent Messages


SBI Customer Alert: ಎಸ್​ಬಿಐ ಗ್ರಾಹಕರೇ ಎಚ್ಚರ, ಇಂಥ ನಕಲಿ ಸಂದೇಶಗಳಿಗೆ ಸ್ಪಂದಿಸದಿರಿ

ಸಾಂದರ್ಭಿಕ ಚಿತ್ರ

ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ ಗ್ರಾಹಕರು ವಂಚನೆಯ ಸಂದೇಶಗಳ ಬಗ್ಗೆ ಎಚ್ಚರಿಕೆಯಿಂದ ಇರಬೇಕು ಎಂದು ತಿಳಿಸಲಾಗಿದೆ. ಆ ಬಗ್ಗೆ ವಿವರ ಇಲ್ಲಿದೆ.

ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ (State Bank Of India) ಬಗ್ಗೆ ಹರಿದಾಡುತ್ತಿರುವ ನಕಲಿ ಎಸ್ಸೆಮ್ಮೆಸ್ ಬಗ್ಗೆ ಪ್ರೆಸ್ ಇನ್​ಫರ್ಮೇಷನ್ ಬ್ಯುರೋದಿಂದ ಎಚ್ಚರಿಕೆ ನೀಡಿದೆ. “ನಿಮ್ಮ ಖಾತೆ ಸ್ಥಗಿತವಾಗಿದೆ” ಎಂಬ ನಕಲಿ ಸಂದೇಶಗಳು ಬರುತ್ತಿರುವುದಾಗಿ ಮತ್ತು ಅಂಥ ಎಸ್ಸೆಮ್ಮೆಸ್​ಗಳಿಗೆ ಪ್ರತಿಕ್ರಿಯೆ ನೀಡದಂತೆ ಎಚ್ಚರಿಕೆ ನೀಡಿದೆ. ಅಷ್ಟೇ ಅಲ್ಲ, ಆ ರೀತಿಯ ಇಮೇಲ್​ಗಳಿಗೂ ಸ್ಪಂದಿಸದಂತೆ, ವೈಯಕ್ತಿಕ ಮಾಹಿತಿಯನ್ನೋ ಅಐವಾ ಬ್ಯಾಂಕ್​ ವಿವರಗಳನ್ನೋ ಹಂಚಿಕೊಳ್ಳದಂತೆ ಸೂಚಿಸಿದ್ದು, ಆ ಮೂಲಕ ವಂಚನೆಯ ಚಟುವಟಿಕೆಗಳನ್ನು ನಿಯಂತ್ರಿಸಬಹುದು ಎಂದು ಹೇಳಲಾಗಿದೆ. “ಒಂದು ಸಂದೇಶ ಹರಿದಾಡುತ್ತಿದೆ, ಅದರಲ್ಲಿ ನಿಮ್ಮ @TheOfficialSBI ಖಾತೆ ಬ್ಲಾಕ್ ಮಾಡಲಾಗಿದೆ ಎಂದಿರುವುದು #FAKE.” ಈ ವಂಚಕರ ಚಟುವಟಿಕೆಯನ್ನು ನಿಯಂತ್ರಿಸಲು ಪಿಐಬಿ ಈಚೆಗೆ ಟ್ವೀಟ್ ಮಾಡಿ, “ನಿಮ್ಮ ವೈಯಕ್ತಿಕ ಅಥವಾ ಬ್ಯಾಂಕಿಂಗ್ ಮಾಹಿತಿ ಕೋರಿದರೆ ಇಮೇಲ್/ಎಸ್ಸೆಮ್ಮೆಸ್ ಮೂಲಕ ಹಂಚಿಕೊಳ್ಳಬೇಡಿ. ಅಂಥ ಸಂದೇಶಗಳು ಬಂದಲ್ಲಿ ತಕ್ಷಣವೇ [email protected]ಗೆ ವರದಿ ಮಾಡಿ,” ಎನ್ನಲಾಗಿದೆ.

ಭಾರತೀಯ ರಿಸರ್ವ್ ಬ್ಯಾಂಕ್ ಸಹ ನಕಲಿ ಎಸ್ಸೆಮ್ಮೆಸ್ ಮತ್ತು ಇಮೇಲ್ ವಿರುದ್ಧ ನಿರಂತರವಾಗಿ ಎಚ್ಚರಿಸುತ್ತಲೇ ಇದೆ. “ಯಾರಾದರೂ ಮೋಸ ಮಾಡಿ ನಿಮ್ಮ ಬ್ಯಾಂಕ್ ಖಾತೆಯಿಂದ ಹಣ ವಿಥ್​ಡ್ರಾ ಮಾಡಿದಲ್ಲಿ ಬ್ಯಾಂಕ್ ಗಮನಕ್ಕೆ ತಕ್ಷಣ ತನ್ನಿ,” ಎಂದು ಆರ್​ಬಿಐ ಸಲಹೆ ನೀಡಿದೆ. ಮಾರ್ಚ್​ನಲ್ಲಿ ರಿಸರ್ವ್​ ಬ್ಯಾಂಕ್ ಜಾಗೃತಿ ಬುಕ್​ಲೆಟ್ ಹಂಚಿತ್ತು. ಹೇಗೆ ವಂಚನೆ ನಡೆಯುತ್ತದೆ, ಅವುಗಳನ್ನು ನಿಯಂತ್ರಿಸಲು ಗ್ರಾಹಕರು ಏನು ಮಾಡಬೇಕು ಎಂಬುದನ್ನು ವಿವರಿಸಲಾಗಿತ್ತು. “ಅನುಮಾನಾಸ್ಪದ ಅಥವಾ ವಂಚನೆಯ ಲಿಂಕ್​ಗಳು ಅಜ್ಞಾತ ಮೂಲಗಳಿಂದ ಬಂದಲ್ಲಿ ಅಂಥ ಇಮೇಲ್​ಗಳನ್ನು ಎಂದಿಗೂ ತೆರೆಯಬೇಡಿ, ಪ್ರತಿಕ್ರಿಯಿಸಬೇಡಿ,” ಎಂದು ಒಂದಂಶದಲ್ಲಿ ವಿವರಣೆ ನೀಡಲಾಗಿದೆ.

ಎಸ್​ಬಿಐನಿಂದ ಗ್ರಾಹಕರಿಗೆ ನಕಲಿ ಎಸ್ಸೆಮ್ಮೆಸ್/ಇಮೇಲ್​ಗಳ ಬಗ್ಗೆ ಎಚ್ಚರಿಕೆ

“ಸರ್ಚ್​ ಎಂಜಿನ್​ಗಳಲ್ಲಿ ಲಿಸ್ಟ್ ಆದ ನಕಲಿ ವಂಚಕ ಗ್ರಾಹಕ ಸೇವಾ ಸಂಖ್ಯೆಗಳ ಬಗ್ಗೆ ಎಚ್ಚರಿಕೆಯಿಂದ ಇರಿ. ಸರಿಯಾದ ಸಂಪರ್ಕ ಮಾಹಿತಿ ಯಾವಾಗಲೂ ಎಸ್​ಬಿಐನ ಅಧಿಕೃತ ವೆಬ್​ಸೈಟ್​ಗೆ ಭೇಟಿ ನೀಡಿ,” ಎಂದು ಶನಿವಾರದಂದು ಗ್ರಾಹಕರಿಗೆ ಎಸ್​ಬಿಐ ಇನ್​ಫೋಸೆಕ್ ತಂಡವು ತಿಳಿಸಿದೆ. ಎಸ್​ಬಿಐ ಹೆಸರಲ್ಲಿ ಬರುತ್ತಿರುವ ನಕಲಿ ಸಂದೇಶಗಳ ಬಗ್ಗೆ ಕೂಡ ಕಳೆದ ತಿಂಗಳು ಸಾರ್ವಜನಿಕ ಬ್ಯಾಂಕ್ ಅಧಿಸೂಚನೆ ಹೊರಡಿಸಿದೆ. “ಅಂಥ ಎಸ್ಸೆಮ್ಮೆಸ್​ಗಳು ವಂಚನೆಗೆ ಎಡೆ ಮಾಡಿಕೊಡಬಹುದು, ಇದರಿಂದ ನಿಮ್ಮ ಉಳಿತಾಯ ಕಳೆದುಕೊಳ್ಳಬಹುದು. ಎಂಬೆಡ್ ಆದ ಲಿಂಕ್ ಕ್ಲಿಕ್ ಮಾಡಬೇಡಿ. ನಿಮಗೆ ಎಸ್ಸೆಮ್ಮೆಸ್ ಬಂದಾಗ ಸರಿಯಾದ ಎಸ್​ಬಿಐ ಶಾರ್ಟ್​ ಕೋಡ್​ಗಾಗಿ ನೋಡಿ. ಎಚ್ಚರಿಕೆಯಿಂದ ಇರಿ ಹಾಗೂ #SafeWithSBI,” ಎಂದು ಟ್ವೀಟ್​ನಲ್ಲಿ ಹೇಳಲಾಗಿದೆ.

“ಗ್ರಾಹಕರ ಮಾಹಿತಿ ಪಡೆಯುವುದಕ್ಕೆ ಎಸ್​ಬಿಐ ಎಂದಿಗೂ ಇಮೇಲ್ ಕಳುಹಿಸುವುದಿಲ್ಲ. ನಿಮ್ಮ ಯೂಸರ್ ನೇಮ್ ಅಥವಾ ಪಾಸ್​ವರ್ಡ್ ಅಥವಾ ಬೇರೆ ಯಾವುದೇ ಮಾಹಿತಿಯನ್ನು ಎಸ್​ಬಿಐ ಕೇಳುವುದಕ್ಕೆ ಇಮೇಲ್ ಕಳುಹಿಸುವುದಿಲ್ಲ. ಒಂದು ವೇಳೆ ಅಂಥ ಮೇಲ್ ಬಂದಲ್ಲಿ ವಂಚಕ ಮೇಲ್ ಆಗಿರುತ್ತದೆ,” ಎಂದು ಎಚ್ಚರಿಸಲಾಗಿದೆ. “ಸ್ಟೇಟ್ ಬ್ಯಾಂಕ್ ಅಥವಾ ಅದರ ಪ್ರತಿನಿಧಿಗಳು ಎಂದಿಗೂ ನಿಮ್ಮ ವೈಯಕ್ತಿಕ ಮಾಹಿತಿ, ಪಾಸ್​ವರ್ಡ್​ ಅಥವಾ ಒನ್​ಟೈಮ್​ ಎಸ್ಸೆಮ್ಮೆಸ್​ ಪಾಸ್​ವರ್ಡ್​ಗಾಗಿ ಇಮೇಲ್/ಎಸ್ಸೆಮ್ಮೆಸ್​ಗಳು ಅಥವಾ ಫೋನ್ ಕರೆ ಮಾಡುವುದಿಲ್ಲ.”

ಅಂಥ ಇ-ಮೇಲ್, ಎಸ್ಸೆಮ್ಮೆಸ್ ಅಥವಾ ಫೋನ್​ ಕರೆ ಮೂಲಕ ನಿಮ್ಮ ಇಂಟರ್​ನೆಟ್ ಬ್ಯಾಂಕಿಂಗ್ ಖಾತೆಯಲ್ಲಿ ಹಣವನ್ನು ವಂಚಕ ದಾರಿಯಲ್ಲಿ ವಿಥ್​ಡ್ರಾ ಮಾಡಬಹುದು. ಇಂಥ ಇಮೇಲ್, ಟೆಕ್ಸ್ಟ್ ಸಂದೇಶ, ಅಥವಾ ಫೋನ್ ಕರೆಗೆ ಎಂದಿಗೂ ಸ್ಪಂದಿಸಬೇಡಿ. ಆ ಕೂಡಲೇ ಅದರ ಬಗ್ಗೆ ವರದಿ ಮಾಡಿ. ಅಂಥ ಇಮೇಲ್, ಎಸ್ಸೆಮ್ಮೆಸ್, ಇಮೇಲ್ ಅಥವಾ ಫೋನ್ ಕರೆ ಬಂದಲ್ಲಿ ಕೂಡಲೇ [email protected] ಸಂಪರ್ಕಿಸಿ. ಅಪ್ಪಿತಪ್ಪಿ ನಿಮ್ಮ ಕ್ರೆಡೆನ್ಷಿಯಲ್ಸ್ ತಿಳಿಸಿದ್ದಲ್ಲಿ ಕೂಡಲೇ ನಿಮ್ಮ ಪಾಸ್​ವರ್ಡ್​ ಬದಲಾಯಿಸಿ,” ಎಂದು ಎಸ್​ಬಿಐ ವೆಬ್​ಸೈಟ್​ನಲ್ಲಿ ತಿಳಿಸಲಾಗಿದೆ.

ಇನ್ನಷ್ಟು ವಾಣಿಜ್ಯ ಸುದ್ದಿಗೆ ಇಲ್ಲಿ ಕ್ಲಿಕ್ ಮಾಡಿ, ಪ್ರಮುಖ ಸುದ್ದಿಗೆ ಇಲ್ಲಿ ಕ್ಲಿಕ್ ಮಾಡಿ

TV9 Kannada


Leave a Reply

Your email address will not be published. Required fields are marked *