ದೇಶದ ಅತಿ ದೊಡ್ಡ ಬ್ಯಾಂಕ್​ ಆದ ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ (State Bank Of India) ರಿಯಲ್ ಟೈಮ್ ಎಕ್ಸ್​ಪ್ರೆಸ್ ಕ್ರೆಡಿಟ್ (RTXC) ಅನ್ನು ಯೋನೋದಲ್ಲಿ ಪರಿಚಯಿಸಿದೆ. ವೇತನದಾರ ಗ್ರಾಹಕರಿಗಾಗಿ ಪರಿಚಯಿಸಿದಂಥ ವೈಯಕ್ತಿಕ ಸಾಲದ ಉತ್ಪನ್ನ ಇದು. ಇದು ಡಿಜಿಟಲಿ ಲಭ್ಯವಿದೆ. ಎಸ್​ಬಿಐ ಹೇಳಿದ ಪ್ರಕಾರ, ಅರ್ಹ ಗ್ರಾಹಕರು ಯಾವುದೇ ಕಾಗದ- ಪತ್ರಗಳ ವ್ಯವಹಾರ ಇಲ್ಲದೆ ಯೋನೋ ಮೂಲಕ 35 ಲಕ್ಷ ರೂಪಾಯಿ ತನಕ ಸಾಲವನ್ನು ಪಡೆಯಬಹುದು.

“ರಿಯಲ್​ ಟೈಮ್​ ಎಕ್ಸ್​ಪ್ರೆಸ್ ಕ್ರೆಡಿಟ್ ಅಡಿಯಲ್ಲಿ ಕೇಂದ್ರ/ರಾಜ್ಯ ಸರ್ಕಾರ ಮತ್ತು ರಕ್ಷಣಾ ವೇತನದಾರ ಗ್ರಾಹಕರು ಬ್ಯಾಂಕ್​ ಶಾಖೆಗೆ ಭೇಟಿ ನೀಡುವ ಅಗತ್ಯ ಇಲ್ಲದೆ ಸಾಲವನ್ನು ಪಡೆಯಬಹುದು,” ಎಂದು ಬ್ಯಾಂಕ್ ಹೇಳಿದೆ. ಸಾಲದ ಪರಿಶೀಲನೆ, ಅರ್ಹತೆ, ಮಂಜೂರಾತಿ ಮತ್ತು ದಾಖಲಾತಿಗಳು ಇವೆಲ್ಲ ಇನ್ನು ರಿಯಲ್​ಟೈಮ್​ನಲ್ಲಿ ಡಿಜಿಟಲಿ ಆಗುತ್ತದೆ ಎಂದು ಹೇಳಲಾಗಿದೆ.

ಎಸ್​ಬಿಐ ಅಧ್ಯಕ್ಷರಾದ ದಿನೇಶ್ ಕುಮಾರ್ ಖರ ಗಮನಿಸಿದಂತೆ, ಗ್ರಾಹಕರಿಗೆ ಡಿಜಿಟಲ್, ತಡೆರಹಿತ ಮತ್ತು ಕಾಗದರಹಿತ ಸಾಲಪ್ರಕ್ರಿಯೆ ಅನುಭವ ಪಡೆಯಲು ಎಕ್ಸ್​ಪ್ರೆಸ್ ಕ್ರೆಡಿಟ್ ಉತ್ಪನ್ನ ಸಕ್ರಿಯಗೊಳಿಸಲಾಗಿದೆ.

ಇನ್ನಷ್ಟು ವಾಣಿಜ್ಯ ಸುದ್ದಿಗೆ ಇಲ್ಲಿ ಕ್ಲಿಕ್ ಮಾಡಿ, ಪ್ರಮುಖ ಸುದ್ದಿಗೆ ಇಲ್ಲಿ ಕ್ಲಿಕ್ ಮಾಡಿ