T20 World Cup 2021: ಬರೋಬ್ಬರಿ 345 ರನ್ಸ್​: ಎದುರಾಳಿಗೆ ಟೀಮ್ ಇಂಡಿಯಾ ಎಚ್ಚರಿಕೆ | T20 World Cup 2021: indian batsmen scored 345 runs in 2 matches

T20 World Cup 2021: ಬರೋಬ್ಬರಿ 345 ರನ್ಸ್​: ಎದುರಾಳಿಗೆ ಟೀಮ್ ಇಂಡಿಯಾ ಎಚ್ಚರಿಕೆ

Team India

T20 World Cup 2021: ಟಿ20 ವಿಶ್ವಕಪ್​​ನ ಅಭ್ಯಾಸ ಪಂದ್ಯದಲ್ಲೇ ಅಬ್ಬರಿಸುವ ಮೂಲಕ ಟೀಮ್​ ಇಂಡಿಯಾ (Team India) ಎದುರಾಳಿಗಳಿಗೆ ಖಡಕ್ ಎಚ್ಚರಿ ರವಾನಿಸಿದ್ದಾರೆ. ಮೊದಲ ಅಭ್ಯಾಸ ಪಂದ್ಯದಲ್ಲಿ ಇಂಗ್ಲೆಂಡ್ (England) ನೀಡಿದ 188 ರನ್​ಗಳ ಬೃಹತ್ ಟಾರ್ಗೆಟ್​ ಅನ್ನು ಬೆನ್ನತ್ತಿದ ಟೀಮ್ ಇಂಡಿಯಾ, 2ನೇ ಪಂದ್ಯದಲ್ಲಿ ಆಸ್ಟ್ರೇಲಿಯಾ (Australia) ವಿರುದ್ದ 9 ವಿಕೆಟ್​ಗಳ ಭರ್ಜರಿ ಜಯ ಸಾಧಿಸಿದೆ. ಈ ಮೂಲಕ ತನ್ನ ಬ್ಯಾಟಿಂಗ್ ಬಲಿಷ್ಠತೆಯನ್ನು ಭಾರತ ತಂಡ ತೆರೆದಿಟ್ಟಿದೆ. ಅದರಲ್ಲೂ ಎರಡೂ ಪಂದ್ಯಗಳನ್ನು ಆರಂಭಿಕ ಆಟಗಾರರೇ ಗೆಲ್ಲಿಸಿರೋದು ವಿಶೇಷ. ಅಂದರೆ ಎರಡು ಪಂದ್ಯಗಳಲ್ಲಿ ಟೀಮ್ ಇಂಡಿಯಾ ಕಳೆದುಕೊಂಡಿದ್ದು ಕೇವಲ 4 ವಿಕೆಟ್ ಮಾತ್ರ ಎಂಬುದು ವಿಶೇಷ.

ಮೊದಲ ಅಭ್ಯಾಸ ಪಂದ್ಯದಲ್ಲಿ ಇಂಗ್ಲೆಂಡ್ 5 ವಿಕೆಟ್ ಗೆ 188 ರನ್ ಗಳ ಬೃಹತ್ ಮೊತ್ತ ಗುರಿ ನೀಡಿತು. ಈ ಗುರಿಯನ್ನು ಬೆನ್ನತ್ತಲು ಆರಂಭಿಕರಾದ ಇಶಾನ್ ಕಿಶನ್ (70) ಮತ್ತು ಕೆಎಲ್ ರಾಹುಲ್ (51) ಉತ್ತಮ ಅಡಿಪಾಯ ಹಾಕಿಕೊಟ್ಟರು. ಅದರಂತೆ ಟೀಮ್ ಇಂಡಿಯಾ 19 ಓವರ್​ಗಳಲ್ಲಿ 3 ವಿಕೆಟ್ ಕಳೆದುಕೊಂಡು ಗುರಿ ಸಾಧಿಸಿತು. ಈ ಪಂದ್ಯದಲ್ಲಿ ಇಶಾನ್ ಕಿಶನ್ ರಿಟೆರ್ಡ್ ಆಗಿದ್ದರೆ, ರಿಷಭ್ ಪಂತ್ ಅಜೇಯ 29 ರನ್ ಗಳಿಸಿದ್ದರು. ಅಂದರೆ ಈ ಪಂದ್ಯದಲ್ಲಿ ಇಂಗ್ಲೆಂಡ್ ತನ್ನ 7 ಬೌಲರ್‌ಗಳನ್ನು ಬಳಸಿದರೂ ಪಡೆದಿದ್ದು ಕೇವಲ 3 ವಿಕೆಟ್ ಮಾತ್ರ.

ಇನ್ನು ಎರಡನೇ ಅಭ್ಯಾಸ ಪಂದ್ಯದಲ್ಲಿ, ಆಸ್ಟ್ರೇಲಿಯಾ ತಂಡವು ನಿಗದಿತ 20 ಓವರ್​​ಗಳಲ್ಲಿ 5 ವಿಕೆಟ್ ಕಳೆದುಕೊಂಡು 152 ರನ್​ ಪೇರಿಸಿತು. ಈ ಮೊತ್ತವನ್ನು ಭಾರತ ತಂಡವು 17.5 ಓವರ್ ಚೇಸ್ ಮಾಡಿತು. ಅತ್ತ ಆಸ್ಟ್ರೇಲಿಯಾ ನಾಯಕ ಆರೋನ್ ಫಿಂಚ್ ಟೀಮ್ ಇಂಡಿಯಾ ಬ್ಯಾಟರುಗಳ ವಿಕೆಟ್ ಪಡೆಯಲು 8 ಬೌಲರುಗಳನ್ನು ಬಳಸಿದರು. ಇದಾಗ್ಯೂ ಸಿಕ್ಕಿದ್ದು 1 ವಿಕೆಟ್ ಮಾತ್ರ.

ಅಂದರೆ ವಿಶ್ವದ ಬಲಿಷ್ಠ ಬೌಲಿಂಗ್ ಲೈನಪ್​ ಎನಿಸಿಕೊಂಡಿರುವ ಆಸ್ಟ್ರೇಲಿಯಾ ಮಿಚೆಲ್ ಸ್ಟಾರ್ಕ್​, ಪ್ಯಾಟ್ ಕಮಿನ್ಸ್​, ಕೇನ್ ರಿಚರ್ಡ್ಸನ್​ನಂತಹ ವೇಗಿಗಳನ್ನು ಬಳಸಿದರೂ ವಿಕೆಟ್ ಪಡೆಯುವಲ್ಲಿ ಸಫಲವಾಗಿಲ್ಲ. ಇನ್ನು ಸ್ಪಿನ್ನರ್​ಗಳಾದ ಆಸ್ಟನ್ ಅಗರ್, ಮ್ಯಾಕ್ಸ್​ವೆಲ್, ಝಂಪಾ ಕೂಡ ಪ್ರಯತ್ನ ಪಡೆದರೂ ಫಲ ಮಾತ್ರ ಶೂನ್ಯವಾಗಿತ್ತು. ಟೀಮ್ ಇಂಡಿಯಾ ಪರ ರೋಹಿತ್ ಶರ್ಮಾ 60 ರನ್ ಗಳಿಸಿ ರಿಟೆರ್ಡ್​ ಆದರೆ, ಕೆಎಲ್ ರಾಹುಲ್ 39 ಹಾಗೂ ಸೂರ್ಯಕುಮಾರ್ ಯಾದವ್ ಔಟಾಗದೆ 38 ರನ್ ಗಳಿಸಿದರು.

ಬಲಿಷ್ಠ ತಂಡಗಳ ವಿರುದ್ದದ ಈ ಎರಡು ಅಭ್ಯಾಸ ಪಂದ್ಯಗಳಲ್ಲಿ ಟೀಮ್ ಇಂಡಿಯಾ ಬ್ಯಾಟರುಗಳು ಅಬ್ಬರಿಸಿದ್ದಾರೆ. ಅದರಲ್ಲೂ ವಿಕೆಟ್ ಕಳೆದುಕೊಳ್ಳದೇ ಅತ್ಯುತ್ತಮವಾಗಿ ಚೇಸ್ ಮಾಡಿದ್ದಾರೆ. ಎರಡೂ ಅಭ್ಯಾಸ ಪಂದ್ಯಗಳಲ್ಲಿ, ಎದುರಾಳಿ ತಂಡಗಳು ಒಟ್ಟು 15 ಬೌಲರ್‌ಗಳನ್ನು ಬಳಸಿದರೂ ಟೀಮ್ ಇಂಡಿಯಾ ಕಳೆದುಕೊಂಡಿದ್ದು ಕೇವಲ 4 ವಿಕೆಟ್​ಗಳು ಮಾತ್ರ. ಅಷ್ಟೇ ಅಲ್ಲದೆ 2 ಪಂದ್ಯಗಳಿಂದ ಟೀಮ್ ಇಂಡಿಯಾ ಬ್ಯಾಟರುಗಳು ಕಲೆಹಾಕಿದ್ದು ಬರೋಬ್ಬರಿ 345 ರನ್​. ಟೀಮ್ ಇಂಡಿಯಾದ ಈ ಭರ್ಜರಿ ಬ್ಯಾಟಿಂಗ್ ಪ್ರದರ್ಶನ ನೋಡಿ ಇದೀಗ ಎದುರಾಳಿ ತಂಡಗಳಿಗೆ ಭಾರತೀಯ ಬ್ಯಾಟರುಗಳನ್ನು ಕಟ್ಟಿಹಾಕುವುದೇ ದೊಡ್ಡ ಚಿಂತೆಯಾಗಿದೆ.

ಇದನ್ನೂ ಓದಿ: T20 World Cup 2021: ಟಿ20 ಕ್ರಿಕೆಟ್​ನಲ್ಲಿ ನಂಬರ್ 1 ಬ್ಯಾಟರ್ ಯಾರು ಗೊತ್ತಾ​?

ಇದನ್ನೂ ಓದಿ:T20 World Cup 2021: ಟಿ20 ವಿಶ್ವಕಪ್ ಗೆದ್ದವರಿಗೆ ಸಿಗೋ ಹಣವೆಷ್ಟು? ಸೋತರೆ ಸಿಗೋದೆಷ್ಟು? 

ಇದನ್ನೂ ಓದಿ: T20 World Cup Winners: ಟಿ20 ವಿಶ್ವಕಪ್​ನಲ್ಲಿ ಯಾರು ವಿನ್ನರ್, ಯಾರು ರನ್ನರ್: ಇಲ್ಲಿದೆ ಸಂಪೂರ್ಣ ಪಟ್ಟಿ

(T20 World Cup 2021: indian batsmen scored 345 runs in 2 matches)

TV9 Kannada

Leave a comment

Your email address will not be published. Required fields are marked *