Categories
News

ಮುಷ್ಕರ ನಿರತ ನೌಕರರಿಂದ ಬಸ್​​ಗೆ ಕಲ್ಲು ತೂರಾಟ, ಗಾಯಗೊಂಡ ಚಾಲಕ

ಕಲಬುರಗಿ: ಸಾರಿಗೆ ನೌಕರರ ಮುಷ್ಕರ ನಡುವೆ ಸಂಚಾರ ಮಾಡುತ್ತಿದ್ದ ಸಾರಿಗೆ ಬಸ್‌ಗೆ ಮೂವರು ಚಾಲಕರು ಸೇರಿ ಕಲ್ಲು ತೂರಿ ಬಸ್ ಜಖಂಗೊಳಿಸಿರುವ ಘಟನೆ ಕಲಬುರಗಿ ಜಿಲ್ಲೆಯ ಚಿತ್ತಾಪುರ ತಾಲ್ಲೂಕಿನ ವಾಡಿ ಹೊರವಲಯದ ಬಲರಾಮ ಚೌಕ್ ಬಳಿ ನಡೆದಿದೆ.

ಕಲಬುರಗಿ ಡಿಪೋಗೆ ಸೇರಿದ ಬಸ್, ಕಲಬುರಗಿಯಿಂದ – ವಾಡಿ ಮಾರ್ಗವಾಗಿ ಯಾದಗಿರಿಗೆ ಹೊರಟಿರುವಾಗ ಕಲ್ಲು ತೂರಟ ಮಾಡಲಾಗಿದೆ. ಸೇಡಂ ಡಿಪೋ ಬಸ್ ಚಾಲಕ ವಿಶ್ವನಾಥ್ ಚೌವ್ಹಾಣ್, ಚಿತ್ತಾಪುರ ಡಿಪೋ ಬಸ್ ಚಾಲಕರಾದ ಬಸವರಾಜ್ ಜಾಧವ್ ಹಾಗು ಅಶೋಕ್ ಮೇಲಿನಕೇರಿ ಎಂಬುವರು ಬಸ್ ಮೇಲೆ ಕಲ್ಲು ತೂರಿದ್ದು, ಅವರನ್ನು ವಾಡಿ ಠಾಣೆ ಪೊಲೀಸರು ಬಂಧಿಸಿದ್ದಾರೆ.

ಕಲ್ಲು ತೂರಿದ ಪರಿಣಾಮ ಬಸ್ ಮುಂಬಾಗದ ಗ್ಲಾಸ್ ಪುಡಿಯಾಗಿ ಚಾಲಕನ ಕೈಗೆ ತಗುಲಿ ಗಾಯವಾಗಿದೆ. ಸ್ಥಳಕ್ಕೆ ಪೊಲೀಸರು ಭೇಟಿ ನೀಡಿ ಪರೀಶಿಲನೆ ನಡೆಸಿದ್ದಾರೆ. ಈ ಕುರಿತು ವಾಡಿ ಪೊಲೀಸ್ ಠಾಣೆಯಲ್ಲಿ ಕೇಸ್ ದಾಖಲಾಗಿದೆ.

The post ಮುಷ್ಕರ ನಿರತ ನೌಕರರಿಂದ ಬಸ್​​ಗೆ ಕಲ್ಲು ತೂರಾಟ, ಗಾಯಗೊಂಡ ಚಾಲಕ appeared first on News First Kannada.

Source: News First Kannada
Read More

Categories
News

ಮುಷ್ಕರದ ಮಧ್ಯೆಯೂ ಬಸ್ ಚಲಾಯಿಸಿದ ಡ್ರೈವರ್​ಗೆ ತಾಳಿ ಹಾಕಲು ಮುಂದಾದ ಮಹಿಳೆ

ಬೆಳಗಾವಿ: ಸಾರಿಗೆ ನೌಕರರ ಮುಷ್ಕರ ಇಂದು ವಿಭಿನ್ನ ಸ್ವರೂಪ ಪಡೆದುಕೊಂಡಿದ್ದು, ರಾಜ್ಯದ ವಿವಿಧ ಭಾಗಗಳಲ್ಲಿ ಪ್ರತಿಭಟನೆಯ ತೀವ್ರತೆ ಹೆಚ್ಚಾಗಿದೆ. ಅದರಂತೆ ಬೆಳಗಾವಿ ಬಸ್​ ನಿಲ್ದಾಣದ ಘಟಕದ ಬಸ್​ ಡ್ರೈವರ್​ ಒಬ್ಬರಿಗೆ ಮಹಿಳೆಯರು ತೀವ್ರ ತರಾಟೆ ತೆಗೆದುಕೊಂಡ ಪ್ರಸಂಗ ನಡೆಯಿತು.

6 ನೇ ವೇತನ ಆಯೋಗಕ್ಕೆ ಆಗ್ರಹಿಸಿ ಸಾರಿಗೆ ನೌಕರರ ಕುಟುಂಬಸ್ಥರು ಭಿಕ್ಷೆ ಬೇಡುವ ಮೂಲಕ ಪ್ರತಿಭಟನೆ ನಡೆಸುತ್ತಿದ್ದಾರೆ. ಇದೇ ವೇಳೆ ಕೆಎಸ್​​ಆರ್​ಟಿಸಿ ಬಸ್ ಬರುವುದನ್ನ ನೋಡಿದ ಮಹಿಳೆಯರು ಬಸ್​ ತಡೆದು ನಿಲ್ಲಿಸಿದ್ದಾರೆ.

ಬಸ್ ಅಡ್ಡ ಹಾಕಿದ ಮಹಿಳೆಯರು, ಚಾಲಕನಿಗೆ ತೀವ್ರವಾಗಿ ತರಾಟೆ ತೆಗೆದುಕೊಂಡಿದ್ದಾರೆ. ಇದೇ ವೇಳೆ ಮಹಿಳೆಯೋರ್ವರು ತಾಳಿ ಹಾಕಲು ಮುಂದಾದ ಪ್ರಸಂಗವೂ ನಡೆಯಿತು. ಹೀಗಾಗಿ ಬೆಳಗಾವಿ ಬಸ್ ನಿಲ್ದಾಣದಲ್ಲಿ ಗೊಂದಲ ವಾತಾವರಣ ನಿರ್ಮಾಣ ಉಂಟಾಯಿತು.

The post ಮುಷ್ಕರದ ಮಧ್ಯೆಯೂ ಬಸ್ ಚಲಾಯಿಸಿದ ಡ್ರೈವರ್​ಗೆ ತಾಳಿ ಹಾಕಲು ಮುಂದಾದ ಮಹಿಳೆ appeared first on News First Kannada.

Source: News First Kannada
Read More

Categories
News

ಡಿ.ಕೆ. ಶಿವಕುಮಾರ್​ ನಿವಾಸಕ್ಕೆ ಕೆ.ಜೆ. ಹಳ್ಳಿ ಘಟನೆಯ ಆರೋಪಿ ಸಂಪತ್​​ ರಾಜ್​ ಭೇಟಿ, ಮಾತುಕತೆ

ಬೆಂಗಳೂರು: ಮಾಜಿ ಮೇಯರ್, ಕೆಜೆ ಹಳ್ಳಿ ಘಟನೆಯ ಆರೋಪಿ​ ಸಂಪತ್ ​ರಾಜ್ ಇಂದು ಸದಾಶಿವನಗರದಲ್ಲಿರುವ ​ಕೆಪಿಸಿಸಿ ಅಧ್ಯಕ್ಷ ಡಿ.ಕೆ ಶಿವಕುಮಾರ್​​ ಮನೆಗೆ ಭೇಟಿ ನೀಡಿದ್ದಾರೆ.

ಸಂಪತ್​ರಾಜ್​ ಮೇಲೆ ಕೆ.ಜೆ. ಹಳ್ಳಿ ಪ್ರಕರಣದ ಆರೋಪ ಕೇಳಿಬಂದ ಹಿನ್ನೆಲೆಯಲ್ಲಿ ಶಾಸಕ ಅಖಂಡ ಶ್ರೀನಿವಾಸ್​ ಮೂರ್ತಿ ಅವರನ್ನ ಪಕ್ಷದಿಂದ ಉಚ್ಛಾಟನೆ ಮಾಡುವಂತೆ ಒತ್ತಾಯ ಮಾಡಿದ್ದರು. ಕೆಲ ದಿನಗಳ ಹಿಂದೆ ಬೇಲ್​ ಪಡೆದು ಜೈಲಿನಿಂದ ಬಿಡುಗಡೆಯಾಗಿದ್ದ ಸಂಪತ್​ರಾಜ್​ ಇಂದು ಡಿಕೆಎಸ್​ ನಿವಾಸದಲ್ಲಿ ಪ್ರತ್ಯಕ್ಷವಾಗಿದ್ದಾರೆ. ಮನೆಯಲ್ಲಿ ಅವರೊಂದಿಗೆ ಅರ್ಧ ಗಂಟೆಗೂ ಹೆಚ್ಚು ಸಮಯ ಚರ್ಚೆ ಮಾಡಿದ್ದಾರೆ ಎನ್ನಲಾಗಿದೆ.

The post ಡಿ.ಕೆ. ಶಿವಕುಮಾರ್​ ನಿವಾಸಕ್ಕೆ ಕೆ.ಜೆ. ಹಳ್ಳಿ ಘಟನೆಯ ಆರೋಪಿ ಸಂಪತ್​​ ರಾಜ್​ ಭೇಟಿ, ಮಾತುಕತೆ appeared first on News First Kannada.

Source: News First Kannada
Read More

Categories
News

ಅಧಿಕಾರ ದುರುಪಯೋಗ ಆರೋಪ.. ಕೇರಳ ಉನ್ನತ ಶಿಕ್ಷಣ ಸಚಿವ ಕೆ.ಟಿ.ಜಲೀಲ್ ರಾಜೀನಾಮೆ

ಕೇರಳ: ಲೋಕಾಯುಕ್ತ ಇಲಾಖೆ ಹೊರಿಸಿದ ಆರೋಪದ ಹಿನ್ನೆಲೆ ಕೇರಳದ ಉನ್ನತ ಶಿಕ್ಷಣ ಮತ್ತು ಅಲ್ಪಸಂಖ್ಯಾತರ ಕಲ್ಯಾಣ ಸಚಿವ ಕೆ.ಟಿ. ಜಲೀಲ್ ತಮ್ಮ ಸ್ಥಾನಕ್ಕೆ ರಾಜೀನಾಮೆ ನೀಡಿದ್ದಾರೆ ಎಂದು ಕೇರಳ ಮುಖ್ಯಮಂತ್ರಿ ಕಚೇರಿಯ ಮೂಲಗಳು ಮಾಹಿತಿ ನೀಡಿವೆ.

ಕೆ.ಟಿ. ಜಲೀಲ್ ಅವರ ವಿರುದ್ಧ ಲೋಕಾಯುಕ್ತ ಇಲಾಖೆ ತನ್ನ ಸೋದರ ಸಂಬಂಧಿ ಕೆ.ಟಿ. ಅದೀಬ್​ ಎಂಬಾತನ ವಿದ್ಯಾಭ್ಯಾಸದ ಅರ್ಹತೆಯನ್ನ ಬದಲಿಸಿ ಕಾರ್ಪೋರೇಷನ್​ನ ಜನರಲ್ ಮ್ಯಾನೇಜರ್ ಹುದ್ದೆಗೆ ನೇಮಿಸಲು ಪ್ರಯತ್ನಿಸಿದ ಆರೋಪ ಮಾಡಿತ್ತು.

2016 ರಲ್ಲಿ ಸಚಿವರಾಗಿ ಅಧಿಕಾರ ವಹಿಸಿಕೊಂಡ ಎರಡು ತಿಂಗಳ ನಂತರ ಸಂಬಂಧಿಸಿದ ಇಲಾಖೆಗೆ ಪತ್ರ ಬರೆದು ವಿದ್ಯಾಭ್ಯಾಸದ ಅರ್ಹತೆಯನ್ನ ಬದಲಿಸುವಂತೆ ಸೂಚಿಸಿದ್ದರು ಎಂದು ಲೋಕಾಯುಕ್ತ ಆರೋಪಿಸಿತ್ತು. ಆರೋಪ ಕೇಳಿಬಂದ ಹಿನ್ನೆಲೆ ವಿಪಕ್ಷಗಳು ಜಲೀಲ್ ಅವರು ತಮ್ಮ ಸಚಿವ ಸ್ಥಾನಕ್ಕೆ ರಾಜೀನಾಮೆ ನೀಡಬೇಕೆಂದು ಒತ್ತಾಯಿಸಿದ್ದವು. ಈ ಹಿನ್ನೆಲೆ ಇಂದು ಜಲೀಲ್ ರಾಜ್ಯಪಾಲರಿಗೆ ರಾಜೀನಾಮೆ ಪತ್ರ ಬರೆದಿದ್ದಾರೆ ಎಂದು ಮೂಲಗಳು ಹೇಳಿವೆ.

The post ಅಧಿಕಾರ ದುರುಪಯೋಗ ಆರೋಪ.. ಕೇರಳ ಉನ್ನತ ಶಿಕ್ಷಣ ಸಚಿವ ಕೆ.ಟಿ.ಜಲೀಲ್ ರಾಜೀನಾಮೆ appeared first on News First Kannada.

Source: News First Kannada
Read More

Categories
News

ತುಂಬಿ ತುಳುಕ್ಕುತ್ತಿರುವ ಶವಾಗಾರಗಳು- ನೆಲದಲ್ಲೇ ಮೃತದೇಹಗಳಿಟ್ಟ ಸಿಬ್ಬಂದಿ

ರಾಯಪುರ: ದೇಶಾದಾದ್ಯಂತ ಕೊರೊನಾ ಎರಡನೇ ಅಲೆಯ ತೀವ್ರತೆ ಜೋರಾಗಿದ್ದು, ಸೋಂಕಿನಿಂದ ಸಾವನ್ನಪ್ಪುತ್ತಿರುವವರ ಸಂಖ್ಯೆ ಹೆಚ್ಚಾಗಿದೆ. ಇದಕ್ಕೆ ಉದಾಹರಣೆ ಎಂಬಂತೆ ಛತ್ತೀಸ್​​ಗಡದ ರಾಯಪುರ ನಗರದಲ್ಲಿರುವ ಬಿ.ಆರ್ ಅಂಭೇಡ್ಕರ್​ ಆಸ್ಪತ್ರೆಯ ಶವಾಗಾರದಲ್ಲಿ ಕಂಡು ಬಂದ ದೃಶ್ಯಗಳು ತೀವ್ರತೆಯ ಭೀಕರತೆಯನ್ನು ತೋರಿಸುತ್ತಿದೆ.

ಆಸ್ಪತ್ರೆಯ ಶವಾಗಾರದಲ್ಲಿ ಇಟ್ಟಿರುವ ಮೃತದೇಹಗಳ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ. ಛತ್ತೀಸ್​​ಗಡದ ಪ್ರಮುಖ ಆರು ನಗರಗಳಲ್ಲಿ ಆರೋಗ್ಯ ತುರ್ತುಪರಿಸ್ಥಿತಿ ಎದುರಾಗಿರುವುದು ಇದರಿಂದ ಸ್ಪಷ್ಟವಾಗುತ್ತಿದೆ.

ಛತ್ತೀಸ್​​ಗಡದ ಸರ್ಕಾರದ ಆರೋಗ್ಯ ಇಲಾಖೆ ನೀಡಿರುವ ಮಾಹಿತಿಯ ಅನ್ವಯ, ಕಳೆದ 12 ದಿನಗಳಲ್ಲಿ ಸೋಂಕಿನಿಂದ ಸುಮಾರು 700ಕ್ಕೂ ಹೆಚ್ಚು ಮಂದಿ ಸಾವನ್ನಪ್ಪಿದ್ದಾರೆ. ರಾಯಪುರ ಒಂದರಲ್ಲೇ ಅಧಿಕೃತ ಮಾಹಿತಿಯ ಅನ್ವಯ ಕಳೆದ 48 ಗಂಟೆಯಲ್ಲಿ 79 ಮಂದಿ ಸಾವನ್ನಪ್ಪಿದ್ದಾರೆ. ಸೋಂಕಿನಿಂದ ಸಾವನ್ನಪುತ್ತಿರುವವರ ಸಂಖ್ಯೆ ಮತ್ತಷ್ಟು ಹೆಚ್ಚಾಗಬಹುದು ಎಂದು ಅಂದಾಜಿಸಲಾಗಿದೆ.

ಸೋಂಕಿನಿಂದ ಸಾವನ್ನಪ್ಪುತ್ತಿರುವವರನ್ನು ಮೈದಾನದ ಪ್ರದೇಶದಲ್ಲಿ ಅಂತ್ಯಸಂಸ್ಕಾರವನ್ನು ನಡೆಸುತ್ತಿದ್ದಾರೆ. ಬಿಆರ್ ಅಂಭೇಡ್ಕರ್​ ಆಸ್ಪತ್ರೆಯ ಶವಾಗಾರದ ಸಿಬ್ಬಂದಿ ತಿಳಿಸುವಂತೆ, ಕೊರೊನಾದಿಂದ ಸಾವನ್ನಪುತ್ತಿರುವವರ ಸಂಖ್ಯೆ ಹೆಚ್ಚಾಗಿದ್ದು, ಶವಾಗಾರದಲ್ಲಿ ಸ್ಥಳಾವಾಕಾಶವಿಲ್ಲದ ಕಾರಣ ಆವರಣದಲ್ಲೇ ಮೃತದೇಹಗಳಟ್ಟಿದ್ದೇವೆ. ಸದ್ಯ ಶವಾಗಾರದ ಎದುರು 20ಕ್ಕೂ ಹೆಚ್ಚು ಮೃತದೇಹಗಳನ್ನು ಇಟ್ಟಿರುವ ವಿಡಿಯೋ ವೈರಲ್​ ಆಗಿದೆ.

ಘಟನೆ ಕುರಿತಂತೆ ಪ್ರತಿಕ್ರಿಯೆ ನೀಡಿರುವ ಆಸ್ಪತ್ರೆಯ ಅಧಿಕಾರಿಗಳು, ಶವಾಗಾರದಲ್ಲಿ ಹೆಚ್ಚಿನ ಫ್ರೀಝರ್​ಗಳನ್ನು ಅಳವಡಿಸುಲು ಸಾಧ್ಯವಿಲ್ಲ. ರಾಯಪುರದ ಪಾಲಿಗೆ ಅಧಿಕಾರಿಗಳು ಮೃತದೇಹಗಳ ಅಂತ್ಯಸಂಸ್ಕಾರ ನಡೆಸಲು ಏಳಕ್ಕೂ ಹೆಚ್ಚು ಸ್ಥಳಗಳನ್ನು ಗುರುತಿಸಿದ್ದಾರೆ ಎಂದು ತಿಳಿಸಿದ್ದಾರೆ. ನಗರಾಭಿವೃದ್ಧಿ ಸಚಿವ ಶಿವಕುಮಾರ್​​ ದೇಹರಿಯಾ ಪ್ರತಿಕ್ರಿಯೆ ನೀಡಿ, ರಾಯಪುರದಲ್ಲಿ ವಿದ್ಯುತ್​ ಚಿತಾಗಾರ ನಿರ್ಮಾಣ ಮಾಡಲು ಆದೇಶ ನೀಡಿದ್ದೇನೆ ಎಂದು ಹೇಳಿದ್ದಾರೆ.

The post ತುಂಬಿ ತುಳುಕ್ಕುತ್ತಿರುವ ಶವಾಗಾರಗಳು- ನೆಲದಲ್ಲೇ ಮೃತದೇಹಗಳಿಟ್ಟ ಸಿಬ್ಬಂದಿ appeared first on News First Kannada.

Source: News First Kannada
Read More

Categories
News

ಪತಿ ನಾಗಾರ್ಜುನ್​ರನ್ನ ಕರೆಸಿ ಬುದ್ಧಿ ಹೇಳಿ.. ಪೊಲೀಸ್ ಠಾಣೆಗೆ ದೂರು ಕೊಟ್ಟ ಚೈತ್ರಾ ಕೊಟ್ಟೂರು

ಬಿಗ್ ಬಾಸ್ ಖ್ಯಾತಿಯ ಚೈತ್ರಾ ಕೊಟ್ಟೂರು ತನ್ನ ಪತಿ ನಾಗಾರ್ಜುನ್ ಅವರನ್ನ ಕರೆಸಿ ಬುದ್ಧಿ ಹೇಳುವಂತೆ ಬಸವನಗುಡಿ ಮಹಿಳಾ ಪೊಲೀಸ್ ಠಾಣೆಗೆ ದೂರು ನೀಡಿದ್ದಾರೆ ಎನ್ನಲಾಗಿದೆ.

ಇತ್ತೀಚೆಗಷ್ಟೇ ಚೈತ್ರಾ ಕೊಟ್ಟೂರು ವಿವಾಹವಾಗಿದ್ದರು. ಆದ್ರೆ ಪತಿ ನಾಗಾರ್ಜುನ್ ಕುಟುಂಬದವರು ನಾಗಾರ್ಜುನ್​ಗೆ ಇಷ್ಟವಿಲ್ಲದಿದ್ದರೂ ಒತ್ತಾಯಪೂರ್ವಕವಾಗಿ ಈ ವಿವಾಹ ನಡೆದಿದೆ ಎಂದು ಆರೋಪಿಸಿದ್ದರು.

ಸದ್ಯ ಚೈತ್ರಾ ಕೊಟ್ಟೂರು ತನ್ನನ್ನ ಲೈಂಗಿಕವಾಗಿ ಬಳಸಿಕೊಂಡು, ಮದುವೆಯಾಗಿ ವಂಚನೆ ಮಾಡಿದ್ರು. ನನ್ನ ಜೊತೆ ಸಂಸಾರ ಮಾಡುವುದಿಲ್ಲ ಎಂದು ಎಂದು ನಾಗಾರ್ಜುನ್ ಹೇಳ್ತಿದ್ದಾರೆ, ಈ ಬಗ್ಗೆ ಅವರನ್ನ ಕರೆಸಿ ಬುದ್ಧಿವಾದ ಹೇಳಿ ಎಂದು ದೂರಿನಲ್ಲಿ ಉಲ್ಲೇಖಿಸಿದ್ದಾರೆ ಎನ್ನಲಾಗಿದ್ದು ಬಸವನಗುಡಿ ಮಹಿಳಾ ಪೊಲೀಸರು ಎನ್​ಸಿಆರ್ ದಾಖಲಿಸಿಕೊಂಡಿದ್ದಾರೆ ಎಂದು ವರದಿಯಾಗಿದೆ.

The post ಪತಿ ನಾಗಾರ್ಜುನ್​ರನ್ನ ಕರೆಸಿ ಬುದ್ಧಿ ಹೇಳಿ.. ಪೊಲೀಸ್ ಠಾಣೆಗೆ ದೂರು ಕೊಟ್ಟ ಚೈತ್ರಾ ಕೊಟ್ಟೂರು appeared first on News First Kannada.

Source: News First Kannada
Read More

Categories
News

‘ಅಮ್ಮಾ.. ತಾಯಿ.. ನಮ್ಮ ಸಂಬಳ ಕೊಟ್ಟಿಲ್ಲ..’ ಎಂದು ಭಿಕ್ಷೆ ಎತ್ತಿದ ಸಾರಿಗೆ ನೌಕರರು

ಬೆಂಗಳೂರು: ನಗರದ ಮೇಕ್ರಿ ಸರ್ಕಲ್​ ಸೇರಿದಂತೆ ಮುಖ್ಯ ಸರ್ಕಲ್​ಗಳಲ್ಲಿ ಸಾರಿಗೆ ನೌಕರರು ತಟ್ಟೆ ಹಿಡಿದು ಭಿಕ್ಷಾಟನೆ ಮಾಡುವ ಮೂಲಕ ವಿಭಿನ್ನ ಪ್ರತಿಭಟನೆಗೆ ಮುಂದಾಗಿದ್ದಾರೆ.

6ನೇ ವೇತನ ಆಯೋಗ ಜಾರಿ ಮಾಡುವಂತೆ ಆಗ್ರಹಿಸಿ ಸಾರಿಗೆ ನೌಕರರು ಮಾಡುತ್ತಿರುವ ಮುಷ್ಕರ 7ನೇ ದಿನಕ್ಕೆ ಕಾಲಿಟ್ಟಿದೆ. ಸರ್ಕಾರ ಮಾತ್ರ ಯಾವುದಕ್ಕೂ ಬಗ್ಗುತ್ತಿಲ್ಲ, ಈ ಹಿನ್ನೆಲೆಯಲ್ಲಿ ನೌಕರರು ದಿನಕ್ಕೊಂದು ರೀತಿಯಲ್ಲಿ ಪ್ರತಿಭಟನೆ ಮಾಡಲು ಮುಂದಾಗಿದ್ದಾರೆ.

ನಿನ್ನೆ ಜಿಲ್ಲಾಧಿಕಾರಿ ಹಾಗೂ ತಾಲೂಕು ಅಧಿಕಾರಿಗಳ ಕಚೇರಿ ಮುಂದೆ ತಟ್ಟೆ ಲೋಟ ಬಡಿದು ಪ್ರತಿಭಟನೆ ನಡೆಸಿದ್ದರು. ಅದೇ ರೀತಿ ಇಂದು ನಗರದ ಪ್ರಮುಖ ಜಂಕ್ಷನ್​ಗಳಲ್ಲಿ ತಟ್ಟೆ ಹಿಡಿದು ಭಿಕ್ಷಾಟನೆ ಮಾಡುತ್ತಿದ್ದಾರೆ. ಈ ಹಿನ್ನೆಲೆಯಲ್ಲಿ ಮೇಕ್ರಿ ಸರ್ಕಲ್​ ಬಳಿ 80ಕ್ಕೂ ಹೆಚ್ಚು ಪೋಲಿಸರು, 1 ಕೆಎಸ್ಆರ್​ಪಿ ತುಕಡಿ, ಒಬ್ಬರು ಇನ್ಸ್​ಪೆಕ್ಟರ್ ನಿಯೋಜನೆ ಮಾಡಲಾಗಿದೆ.

ಗಾಂಧಿನಗರದ ಸಾರಿಗೆ ನೌಕರರ ಕಚೇರಿಯಲ್ಲಿ ಸಾರಿಗೆ ನೌಕರರ ಕೂಟದ ಗೌರವಾಧ್ಯಕ್ಷ ಕೋಡಿಹಳ್ಳಿ ಚಂದ್ರಶೇಖರ್​ಗೆ ಪೊಲೀಸರು ದಿಗ್ಬಂಧನ ಹಾಕಿದ್ದಾರೆ. ಕಚೇರಿಯಿಂದ ಹೊರಬರಲು ಸಾಧ್ಯವಾಗದ ಹಿನ್ನೆಲೆಯಲ್ಲಿ ಕೋಡಿಹಳ್ಳಿ ಕಚೇರಿಯಲ್ಲೇ ಭಿಕ್ಷೆ ಎತ್ತಿದ್ದಾರೆ. ಅಮ್ಮ ತಾಯಿ ನಮ್ಮ ಸಂಬಳ ನಮಗೆ ಕೊಟ್ಟಿಲ್ಲ. ಭಿಕ್ಷೆ ಹಾಕಿ ಎಂದು ಭಿಕ್ಷೆ ಎತ್ತಿದ್ದಾರೆ.

The post ‘ಅಮ್ಮಾ.. ತಾಯಿ.. ನಮ್ಮ ಸಂಬಳ ಕೊಟ್ಟಿಲ್ಲ..’ ಎಂದು ಭಿಕ್ಷೆ ಎತ್ತಿದ ಸಾರಿಗೆ ನೌಕರರು appeared first on News First Kannada.

Source: News First Kannada
Read More

Categories
News

ದೇಶದ ವಾಯುನೆಲೆಗಳು ಮತ್ತಷ್ಟು ಸ್ಟ್ರಾಂಗ್; ‘6 ಟನ್​ ಬುಲೆಟ್​ ಪ್ರೂಫ್ ವೆಹಿಕಲ್’ ಸಮರ್ಪಣೆ

ನವದೆಹಲಿ: ಇಂಡಿಯನ್ ಏರ್​ ಫೋರ್ಸ್ ತನ್ನ ಶಕ್ತಿಯನ್ನ ಹೆಚ್ಚಿಸಿಕೊಳ್ಳುತ್ತಿದ್ದು, ಇದೀಗ ತನ್ನ ವಾಯುನೆಲೆಗೆ ‘6 ಟನ್ ಲೈಟ್​ ಬುಲೆಟ್​ ಪ್ರೂಫ್ ವೆಹಿಕಲ್’ ಅನ್ನ ಸಮರ್ಪಣೆ ಮಾಡಿದೆ.

ವಾಯುನೆಲೆಗಳ ಸುರಕ್ಷತೆಗೆಗಾಗಿ ಹಾಗೂ ಹೆಚ್ಚಿನ ಭದ್ರತೆಗಾಗಿ ಬುಲೆಟ್​ ಪ್ರೂಫ್ ವೆಹಿಕಲ್​ಗಳನ್ನ ತನ್ನ ಬತ್ತಳಿಕೆಗೆ ಸೇರಿಸಿಕೊಳ್ಳುತ್ತಿದೆ. ಈ ವಾಹನದ ಸಹಾಯದಿಂದ ನಮ್ಮ ವಾಯುಪಡೆ ಯಾವುದೇ ತರಹದ ಬುಲೆಟ್ ಹಾಗೂ ಗ್ರನೇಡ್ ದಾಳಿಯಿಂದ ಪಾರಾಗಬಹುದಾಗಿದೆ. ಅಲ್ಲದೇ ಇದು ಭಯೋತ್ಪಾದಕರ ದಾಳಿಯಿಂದಲೂ ಸೇನೆಗೆ ರಕ್ಷಣೆ ನೀಡಲಿದೆ. 6 ಗರುಡ್ ಕಮಾಂಡೋಗಳು/ ಕ್ವಿಕ್​ ರಿಯಾಕ್ಷನ್ ಟೀಂಗಳಿಗೆ ಇದು ಸಹಾಯಕವಾಗಲಿದೆ.

The post ದೇಶದ ವಾಯುನೆಲೆಗಳು ಮತ್ತಷ್ಟು ಸ್ಟ್ರಾಂಗ್; ‘6 ಟನ್​ ಬುಲೆಟ್​ ಪ್ರೂಫ್ ವೆಹಿಕಲ್’ ಸಮರ್ಪಣೆ appeared first on News First Kannada.

Source: News First Kannada
Read More

Categories
News

ಹಡಗಿಗೆ ಡಿಕ್ಕಿಯೊಡೆದ ದೋಣಿ; 12 ಮಂದಿ ಮೀನುಗಾರರು ನಾಪತ್ತೆ

ದಕ್ಷಿಣ ಕನ್ನಡ: ನವ ಮಂಗಳೂರು ಬಳಿಯ ಕರಾವಳಿ ಪ್ರದೇಶದಲ್ಲಿ ಮೀನುಗಾರರ ದೋಣಿಯೊಂದು ಹಡಗಿಗೆ ಡಿಕ್ಕಿಹೊಡೆದ ಪರಿಣಾಮ 12 ಮೀನುಗಾರರು ಕಾಣೆಯಾಗಿರುವ ಘಟನೆ ನಡೆದಿದೆ.

ಮೀನುಗಾರರ ದೋಣಿಯು ಕೇರಳದ ಕೋಳಿಕೋಡ್ ಜಿಲ್ಲೆಯಿಂದ ಮಂಗಳೂರಿಗೆ ಬರುತ್ತಿತ್ತು ಎನ್ನಲಾಗಿದೆ. ಸ್ಥಳಕ್ಕೆ ಕೋಸ್ಟ್ ಗಾರ್ಡ್ ಸಿಬ್ಬಂದಿ ಬಂದು ನಾಪತ್ತೆಯಾದವರಿಗಾಗಿ ಶೋಧ ನಡೆಸಿದ್ದಾರೆ. ಒಟ್ಟು 14 ಮಂದಿ ಮೀನುಗಾರರು ನಾಪತ್ತೆಯಾಗಿದ್ದರು ಎನ್ನಲಾಗಿದ್ದು ಈ ಪೈಕಿ ಇಬ್ಬರು ಪತ್ತೆಯಾಗಿದ್ದು ಉಳಿದ 12 ಜನರಿಗೆ ಶೋಧ ಕಾರ್ಯ ಮುಂದುವರೆದಿದೆ ಎನ್ನಲಾಗಿದೆ. ಇನ್ನು ದೋಣಿಗೆ ಡಿಕ್ಕಿಯಾದ ಹಡಗು ಸ್ಥಳದಿಂದ ಪರಾರಿಯಾಗಿದೆ ಎನ್ನಲಾಗಿದೆ.

The post ಹಡಗಿಗೆ ಡಿಕ್ಕಿಯೊಡೆದ ದೋಣಿ; 12 ಮಂದಿ ಮೀನುಗಾರರು ನಾಪತ್ತೆ appeared first on News First Kannada.

Source: News First Kannada
Read More

Categories
News

ಚುನಾವಣೆ ನಂತರ ಟಫ್​ರೂಲ್ಸ್ ಜಾರಿಗೆ ತಂದು, ಕಠಿಣ ಕ್ರಮ ಕೈಗೊಳ್ಳುವಂತೆ ಮಾಡ್ತೇವೆ- ಶ್ರೀರಾಮುಲು

ಬೀದರ್: ಎರಡು ಕ್ಷೇತ್ರಗಳ ವಿಧಾನಸಭಾ ಉಪಚುನಾವಣೆ ಮತ್ತು ಒಂದು ಕ್ಷೇತ್ರದ ಲೋಕಸಭಾ ಉಪಚುನಾವಣೆ ನಂತರ ಟಫ್ ರೂಲ್ಸ್ ಜಾರಿಗೆ ತಂದು ಕಠಿಣ ಕ್ರಮ ಕೈಗೊಳ್ಳುವಂಥ ಮಾಡುತ್ತೇವೆ ಎಂದು ಬಸವಕಲ್ಯಾಣದಲ್ಲಿ ಸುದ್ದಿಗೋಷ್ಟಿ ನಡೆಸಿದ ಸಮಾಜ ಕಲ್ಯಾಣ ಇಲಾಖೆ ಸಚಿವ ಶ್ರೀರಾಮುಲು ಹೇಳಿಕೆ ನೀಡಿದ್ದಾರೆ.

ಚುನಾವಣೆ ವೇಳೆ ಕೊವೀಡ್ ನಿಯಮಗಳನ್ನು ಪಾಲನೆ ಮಾಡಿ ಎಂದು ಜನ್ರಿಗೆ ಹೇಳುತ್ತಿದ್ದೇವೆ. ಎರಡನೇಯ ಅಲೆ ಜಾಸ್ತಿಯಾಗಿರುವ ಸಮಯದಲ್ಲಿ ಎಲ್ಲರೂ ಕೋವಿಡ್ ನಿಯಮಗಳನ್ನು ಪಾಲನೆ ಮಾಡಬೇಕು. ಎಲ್ಲರು ಜಾಗೃತಿಯಲ್ಲಿ ಇದ್ರೆ ಒಳ್ಳೆಯದು. ದೇಶದಲ್ಲೆ ಕೊರೊನಾ ಜಾಸ್ತಿಯಾಗಿದೆ. ಚುನಾವಣೆ ಆದ ಬಳಿಕ ರಾಜ್ಯದಲ್ಲಿ ಟಫ್ ರೂಲ್ಸ್ ಜಾರಿ ತಂದು ಕಠಿಣ ಕ್ರಮ ಕೈಗೊಳ್ಳುವಂಥ ಕೆಲಸ ಮಾಡುತ್ತೇವೆ ಎಂದಿದ್ದಾರೆ.

ಇನ್ನು ವಿಪಕ್ಷದ ವಿರುದ್ಧ ಕಿಡಿಕಾರಿದ ಅವರು.. 10 ವರ್ಷ ಸಿದ್ದರಾಮಯ್ಯ ಅಧಿಕಾರದಲ್ಲಿ ಇದ್ರು. ಕುರುಬ ಸಮುದಾಯ ಎಸ್​ಟಿಗೆ ಸೇರಿಸಿ ಎಂದು ಹೋರಾಟ ಮಾಡುತ್ತಿದೆ. ಪಂಚಮಸಾಲಿ ಸಮುದಾಯ 2Aಗೆ ಸೇರಿಸಬೇಕು ಎಂದು ಹೋರಾಟ ಮಾಡುತ್ತಿದೆ. ಇಂದು ಎಲ್ಲಾ ಸಮಾಜಗಳು ಹೋರಾಟ ಮಾಡಲು ಕಾಂಗ್ರೆಸ್ ಸರ್ಕಾರವೇ ಕಾರಣ‌. ಹಿಂದುಳಿದ ಜಾತಿ ಹೆಸರನ್ನು ಹಿಡ್ಕೊಂಡು ಸಿದ್ದರಾಮಯ್ಯ ಸಿಎಂ ಆದ್ರು. ಈ ಎಲ್ಲಾ ಸಮಸ್ಯೆಗಳಿಗೆ ಸಿದ್ದರಾಮಯ್ಯನವರು ಪರಿಹಾರ ಮಾಡೋಕೆ ಆಗಿಲ್ಲ. ಚುನಾವಣೆ ಬಂದಾಗ ಮಾತ್ರ ಹಿಂದುಳಿದ ಸಮಾಜಗಳು ನೆನಪಿಗೆ ಬರುತ್ತೆ. ಇಲ್ಲಾ ಅಂದ್ರೆ ಯಾವುದೇ ಸಮಾಜ ನೆನಪಾಗಲ್ಲ ಎಂದು ಬಸವಕಲ್ಯಾಣದಲ್ಲಿ ನಡೆದ ಸುದ್ದಿಗೋಷ್ಟಿಯಲ್ಲಿ ಸಚಿವ ಶ್ರೀರಾಮುಲು ಸಿದ್ದರಾಮಯ್ಯ ವಿರುದ್ಧ ವಾಗ್ದಾಳಿ ನಡೆಸಿದ್ದಾರೆ.

The post ಚುನಾವಣೆ ನಂತರ ಟಫ್​ರೂಲ್ಸ್ ಜಾರಿಗೆ ತಂದು, ಕಠಿಣ ಕ್ರಮ ಕೈಗೊಳ್ಳುವಂತೆ ಮಾಡ್ತೇವೆ- ಶ್ರೀರಾಮುಲು appeared first on News First Kannada.

Source: News First Kannada
Read More