Union Budget 2022-23: ಕೊವಿಡ್-19 ಹೊರತಾಗಿಯೂ 2022ರ ಬಜೆಟ್‌ಗೆ ಮುನ್ನ ಆರ್ಥಿಕತೆ ಬಗ್ಗೆ ಭಾರತ ಕಂಪೆನಿಗಳ ಆಶಾವಾದ | Indian Companies Optimistic About Economy Ahead Of Union Budget 2022 According To PwC Annual CEO Survey


Union Budget 2022-23: ಕೊವಿಡ್-19 ಹೊರತಾಗಿಯೂ 2022ರ ಬಜೆಟ್‌ಗೆ ಮುನ್ನ ಆರ್ಥಿಕತೆ ಬಗ್ಗೆ ಭಾರತ ಕಂಪೆನಿಗಳ ಆಶಾವಾದ

ಸಾಂದರ್ಭಿಕ ಚಿತ್ರ

ವಿವಿಧ ಇಳಿಕೆಗಳ ಹೊರತಾಗಿಯೂ ಭಾರತದ ಕಂಪೆನಿಗಳು ಒಟ್ಟಾರೆಯಾಗಿ ಆರ್ಥಿಕ ಬೆಳವಣಿಗೆಯ ಬಗ್ಗೆ “ಗಮನಾರ್ಹವಾಗಿ ಆಶಾವಾದಿ”ಯಾಗಿದೆ. ಕೊವಿಡ್-19 ಸಂಬಂಧಿತ ಸಮಸ್ಯೆಗಳು ಮತ್ತು ಜಾಗತಿಕ ಇಳಿಕೆಗಳ ಹೊರತಾಗಿಯೂ ಮುಂದಿನ 12 ತಿಂಗಳಲ್ಲಿ ಆರ್ಥಿಕತೆಯು ಸುಧಾರಿಸುತ್ತದೆ ಎಂದು ಅವರಲ್ಲಿ ಹೆಚ್ಚಿನವರು ಭಾವಿಸುತ್ತಾರೆ, PwC ವಾರ್ಷಿಕ ಜಾಗತಿಕ ಸಿಇಒ ಸಮೀಕ್ಷೆಯು ಕಂಡುಕೊಂಡಿದೆ. 2021ರ ಅಕ್ಟೋಬರ್ ಮತ್ತು ನವೆಂಬರ್‌ನಲ್ಲಿ ಭಾರತದಿಂದ 77 ಸೇರಿದಂತೆ 89 ದೇಶಗಳು ಮತ್ತು ಪ್ರಾಂತ್ಯಗಳಲ್ಲಿ 4,446 ಜಾಗತಿಕ ಸಿಇಒಗಳೊಂದಿಗೆ ಸಮೀಕ್ಷೆಯು ಮಾತನಾಡಿದೆ. ಭಾರತದಲ್ಲಿನ ಶೇ 99ರಷ್ಟು ಸಿಇಒಗಳು ಮುಂಬರುವ ವರ್ಷದಲ್ಲಿ ಭಾರತದ ಆರ್ಥಿಕ ಬೆಳವಣಿಗೆ (Economic Growth) ಬಗ್ಗೆ ಆಶಾವಾದಿಗಳಾಗಿದ್ದಾರೆ ಎಂದು ಅದು ಕಂಡುಹಿಡಿದಿದೆ; ಶೇ 94 ಭಾರತೀಯ ಸಿಇಒಗಳು ಮತ್ತು ಶೇ 77 ಜಾಗತಿಕ ಸಿಇಒಗಳು ವಿಶ್ವ ಆರ್ಥಿಕತೆ ಸುಧಾರಣೆ ಬಗ್ಗೆ ಆಶಾವಾದಿಗಳಾಗಿದ್ದಾರೆ.

“ಕೊರೊನಾ ರೋಗವು ತಂದ ಸವಾಲುಗಳನ್ನು ಎದುರಿಸಿದ ಹೆಚ್ಚಿನ ಭಾರತೀಯ ವ್ಯಾಪಾರ ನಾಯಕರು ಪ್ರತಿಕೂಲ ಪರಿಸ್ಥಿತಿಯಲ್ಲಿ ಬಲವಾಗಿ ಹೊರಹೊಮ್ಮುವ ಇಚ್ಛೆಯೊಂದಿಗೆ ಭಾರತದಲ್ಲಿನ ವ್ಯವಹಾರಗಳಿಗೆ ನಿರಂತರ ಬೆಳವಣಿಗೆಗೆ ಕಾರಣವಾಯಿತು,” ಎಂದು PwC ಅಧ್ಯಕ್ಷ ಸಂಜೀವ್ ಕ್ರಿಶನ್ ಭಾರತದಲ್ಲಿ ಹೇಳಿದ್ದಾರೆ. ಕೇಂದ್ರ ಬಜೆಟ್ 2022ಕ್ಕಿಂತ ((Union Budget 2022-23) ಮೊದಲು ಭಾರತದ ಆರ್ಥಿಕತೆಯ ಬಗ್ಗೆ ಭಾರತೀಯ ಕಂಪೆನಿಗಳ ಚಿತ್ತ ಇಲ್ಲಿದೆ:

* ಮುಂದಿನ 12 ತಿಂಗಳಲ್ಲಿ ಮತ್ತು ಮೂರು ವರ್ಷಗಳಲ್ಲಿ ತಮ್ಮದೇ ಕಂಪೆನಿಗಳ ಆದಾಯದ ನಿರೀಕ್ಷೆಗಳಿಗೆ ಬಂದಾಗ ಶೇ 98ರಷ್ಟು ಸಿಇಒಗಳು ವಿಶ್ವಾಸ ಹೊಂದಿದ್ದಾರೆ.

* 2022ರಲ್ಲಿ ಆರ್ಥಿಕ ಬೆಳವಣಿಗೆಯ ನಿರೀಕ್ಷೆಗಳ ಬಗ್ಗೆ ಕಳೆದ ವರ್ಷಕ್ಕೆ (ಶೇ 88) ಹೋಲಿಸಿದರೆ ಭಾರತೀಯ ಸಿಇಒಗಳು ಹೆಚ್ಚು ಆಶಾವಾದಿಗಳಾಗಿದ್ದಾರೆ (ಶೇ 94).

* ಶೇ 70ರಷ್ಟು ಭಾರತದ ಸಿಇಒಗಳು ಕೊರೊನಾ ರೋಗವನ್ನು ಬೆಳವಣಿಗೆಗೆ ಪ್ರಮುಖ ಆತಂಕ ಎಂದು ಪರಿಗಣಿಸಿದ್ದಾರೆ ಮತ್ತು ಶೇ 62ರಷ್ಟು ಜನರು ಸೈಬರ್ ಆತಂಕಗಳನ್ನು 2021ರಲ್ಲಿ ಬೆಳವಣಿಗೆಗೆ ಅಡ್ಡಿ ಎಂದು ಪರಿಗಣಿಸಿದ್ದರು.

* ಭಾರತದಲ್ಲಿ PwC ಅಧ್ಯಕ್ಷರಾದ ಸಂಜೀವ್ ಕ್ರಿಶನ್ ಅವರು ಕೊವಿಡ್-19 ಓಮಿಕ್ರಾನ್ ರೂಪಾಂತರವು ನೆರಳು ನೀಡಿದ್ದರೂ ಸಿಇಒಗಳು ತಮ್ಮ ಉದ್ಯೋಗಿಗಳ ಆರೋಗ್ಯ ಮತ್ತು ಸುರಕ್ಷತೆಯ ಮೇಲೆ ಕೇಂದ್ರೀಕರಿಸಿದ್ದಾರೆ ಎಂದು ಗಮನಿಸಿದ್ದಾರೆ. ಕಳೆದ ಒಂದು ವರ್ಷದಲ್ಲಿ ಅವರ ಆತ್ಮವಿಶ್ವಾಸ ಮತ್ತು ಆಶಾವಾದವು “ಭಾರತೀಯ ಕಂಪನಿಗಳ ಪಾರಮ್ಯಕ್ಕೆ ಸಾಕ್ಷಿಯಾಗಿದೆ” ಎಂದು ಅವರು ಹೇಳಿದ್ದಾರೆ.

* ಈ ವರ್ಷ ಶೇ 15ರಷ್ಟು ಭಾರತೀಯ ಸಿಇಒಗಳು ತಮ್ಮ ಕಂಪೆನಿಯ ಬಂಡವಾಳ ಸಂಗ್ರಹಿಸುವ ಸಾಮರ್ಥ್ಯವನ್ನು ಅಡ್ಡಿಪಡಿಸುವ ಸೈಬರ್ ಅಪಾಯಗಳ ಬಗ್ಗೆ ಭಯಪಡುತ್ತಾರೆ.

* ಭಾರತದ ಸಿಇಒಗಳು ಸೈಬರ್ ಅಪಾಯಗಳು ತೀವ್ರ ಆದಾಯದ ಅಡೆತಡೆಗಳನ್ನು ಉಂಟುಮಾಡಬಹುದು ಎಂದು ಒಪ್ಪಿಕೊಳ್ಳುತ್ತಾರೆ. ಶೇ 64ರಷ್ಟು ಜನರು ಉಲ್ಲಂಘನೆಯು ಉತ್ಪನ್ನಗಳು ಅಥವಾ ಸೇವೆಗಳ ಮಾರಾಟಕ್ಕೆ ಅಡ್ಡಿಯಾಗಬಹುದು ಎಂದು ಭಯಪಡುತ್ತಾರೆ.

* ವ್ಯಾಪಾರದ ಅಡೆತಡೆಗಳಲ್ಲದೆ ಶೇ 47ರಷ್ಟು ಸಿಇಒಗಳು ಸೈಬರ್ ಬೆದರಿಕೆಗಳು ಉತ್ಪನ್ನಗಳು ಮತ್ತು ಸೇವೆಗಳನ್ನು ಅಭಿವೃದ್ಧಿಪಡಿಸುವ ಅವರ ಸಾಮರ್ಥ್ಯಕ್ಕೆ ಅಡ್ಡಿಯಾಗಬಹುದು ಎಂದು ನಂಬುತ್ತಾರೆ.

* ಸಮೀಕ್ಷೆಯಲ್ಲಿ ಭಾಗವಹಿಸಿದ ಭಾರತದ ಕಂಪೆನಿಗಳಲ್ಲಿ ಶೇ 27ರಷ್ಟು ಈಗಾಗಲೇ ನಿವ್ವಳ-ಶೂನ್ಯ ಬದ್ಧತೆಯನ್ನು (ಜಾಗತಿಕವಾಗಿ ಶೇ 22ಕ್ಕೆ ಹೋಲಿಸಿದರೆ) ಹೊಂದಿವೆ. ಆದರೆ ಶೇ 40ರಷ್ಟು ತಮ್ಮ ಬದ್ಧತೆಗಳನ್ನು ಅಭಿವೃದ್ಧಿಪಡಿಸುವ ಮತ್ತು ವ್ಯಕ್ತಪಡಿಸುವ ಪ್ರಕ್ರಿಯೆಯಲ್ಲಿದೆ (ಜಾಗತಿಕವಾಗಿ ಶೇ 29), ಮತ್ತು ಕೇವಲ ಶೇ 30ರಷ್ಟು ಜನರು ಯಾವುದೇ ನಿವ್ವಳ ಶೂನ್ಯ ಬದ್ಧತೆಯನ್ನು (ಜಾಗತಿಕವಾಗಿ ಶೇ 44) ಮಾಡಿಲ್ಲ ಅಥವಾ ಮಾಡುವ ಪ್ರಕ್ರಿಯೆಯಲ್ಲಿದ್ದಾರೆ.

TV9 Kannada


Leave a Reply

Your email address will not be published. Required fields are marked *