US Tourist Visa ಸೆಪ್ಟೆಂಬರ್‌ನಿಂದ ಅಮೆರಿಕ ಪ್ರವಾಸಿ ವೀಸಾ ಸಂದರ್ಶನ ಪುನರಾರಂಭ; ಆನ್‌ಲೈನ್‌ನಲ್ಲಿ ಪರಿಶೀಲಿಸುವುದು ಹೇಗೆ? ಇಲ್ಲಿದೆ ಮಾಹಿತಿ | US will resume routine in person tourist visa appointments from September this year


ಅಪಾಯಿಂಟ್‌ಮೆಂಟ್‌ ಸ್ಲಾಟ್‌ಗಳಿಗಾಗಿ ಅರ್ಜಿದಾರರು ಅದರ ವೆಬ್‌ಸೈಟ್ ಅನ್ನು ಪರಿಶೀಲಿಸಬಹುದಾದ ಲಿಂಕ್ ಅನ್ನು ಕೂಡಾ ಅಮೆರಿಕ ರಾಯಭಾರ ಕಚೇರಿ ಹಂಚಿಕೊಂಡಿದೆ.

ದೆಹಲಿ: ಅಮೆರಿಕವು (United States) ಈ ವರ್ಷದ ಸೆಪ್ಟೆಂಬರ್‌ನಿಂದ  ಪ್ರವಾಸಿ ವೀಸಾ ವೈಯಕ್ತಿಕ ಸಂದರ್ಶನವನ್ನು ಪುನರಾರಂಭಿಸಲಿದೆ. ಈ ಬಗ್ಗೆ ಭಾನುವಾರ ಟ್ವೀಟ್ ಮಾಡಿದ ಯುಎಸ್ ರಾಯಭಾರ ಕಚೇರಿಯು(US Embassy) “ಭಾರತಕ್ಕೆ ಯುಎಸ್ ಮಿಷನ್ ಸೆಪ್ಟೆಂಬರ್ 2022 ರಲ್ಲಿ ವಾಡಿಕೆಯ ಇನ್-ಪರ್ಸನ್ ಟೂರಿಸ್ಟ್ ವೀಸಾ (tourist visa)ಸಂದರ್ಶನ ಪುನರಾರಂಭಿಸುತ್ತಿದ್ದೇವೆ ಎಂದು ಘೋಷಿಸಲು ಸಂತೋಷವಾಗಿದೆ. ಹಿಂದೆ ನಿಗದಿಪಡಿಸಿದ ಪ್ಲೇಸ್‌ಹೋಲ್ಡರ್‌ಗಳನ್ನು ಈಗ ರದ್ದುಗೊಳಿಸಲಾಗಿದೆ ಎಂದಿದೆ. “ಪ್ಲೇಸ್‌ಹೋಲ್ಡರ್ ಅಪಾಯಿಂಟ್‌ಮೆಂಟ್‌ಗಳನ್ನು ರದ್ದುಗೊಳಿಸಿರುವ ಅರ್ಜಿದಾರರು ಈಗ ನಿಯಮಿತ ಅಪಾಯಿಂಟ್‌ಮೆಂಟ್‌ಗಳನ್ನು ಕಾಯ್ದಿರಿಸಲು ವೇಳಾಪಟ್ಟಿ ವ್ಯವಸ್ಥೆಯಲ್ಲಿ ಮರುಹೊಂದಿಸಬಹುದು. 2023 ರವರೆಗೆ ಹೊತ್ತಿಗೆ ಅಪಾಯಿಂಟ್‌ಮೆಂಟ್‌ ತೆರೆದಿರುತ್ತದೆ. ಅಪಾಯಿಂಟ್‌ಮೆಂಟ್‌ ಸ್ಲಾಟ್‌ಗಳಿಗಾಗಿ ಅರ್ಜಿದಾರರು ಅದರ ವೆಬ್‌ಸೈಟ್ ಅನ್ನು ಪರಿಶೀಲಿಸಬಹುದಾದ ಲಿಂಕ್ ಅನ್ನು ಕೂಡಾ ಅಮೆರಿಕ ರಾಯಭಾರ ಕಚೇರಿ ಹಂಚಿಕೊಂಡಿದೆ. ಅಮೆರಿಕ ಪೌರತ್ವ ಮತ್ತು ವಲಸೆ ಸೇವೆಗಳು (USCIS) EB-1 ಮತ್ತು EB-2 ವರ್ಗೀಕರಣಗಳ ಅಡಿಯಲ್ಲಿ ಇಮಿಗ್ರೆಂಟ್ ಪೆಟಿಷನ್ ಫಾರ್  ಅಲೈನ್ ವರ್ಕರ್ಸ್, I-140 ಅರ್ಜಿ ಬಾಕಿ ಇರುವ ಕೆಲವು ಅರ್ಜಿದಾರರಿಗೆ ಪ್ರೀಮಿಯಂ ಪ್ರಕ್ರಿಯೆಯನ್ನು ಜಾರಿಗೆ ತರುತ್ತಿದೆ ಎಂಬ ಮತ್ತೊಂದು ಪ್ರಮುಖ ಪ್ರಕಟಣೆಯ ಹಿನ್ನೆಲೆಯಲ್ಲಿ ಈ ಘೋಷಣೆ ಬಂದಿದೆ.

USCIS ತನ್ನ ವೆಬ್‌ಸೈಟ್‌ನಲ್ಲಿ “EB-1 ಮತ್ತು EB-2 ಉದ್ಯೋಗ ಆಧಾರಿತ ವೀಸಾ ಆಗಿದ್ದು “ಅಸಾಧಾರಣ ಸಾಮರ್ಥ್ಯದ ನಾಗರಿಕರಲ್ಲದವರು, ಅತ್ಯುತ್ತಮ ಪ್ರಾಧ್ಯಾಪಕರು ಅಥವಾ ಸಂಶೋಧಕರು ಅಥವಾ ಕೆಲವು ಬಹುರಾಷ್ಟ್ರೀಯ ಕಾರ್ಯನಿರ್ವಾಹಕರು ಅಥವಾ ಮ್ಯಾನೇಜರ್ ಗಳಿಗಿರುವ ಆದ್ಯತೆಯ ವೀಸಾ ಆಗಿದ್ದು ಪ್ರತಿಯೊಂದು ಔದ್ಯೋಗಿಕ ವರ್ಗವು ಕೆಲವು ಅವಶ್ಯಕತೆಗಳನ್ನು ಹೊಂದಿದೆ ಅದನ್ನು ಪೂರೈಸಬೇಕು ಎಂದು ಹೇಳಿದೆ.

ಪ್ರೀಮಿಯಂ ಪ್ರಕ್ರಿಯೆಯ ಈ ವಿಸ್ತರಣೆಯು E13 ಬಹುರಾಷ್ಟ್ರೀಯ ಕಾರ್ಯನಿರ್ವಾಹಕ ಮತ್ತು ಮ್ಯಾನೇಜರ್ ವರ್ಗೀಕರಣದ ಅಡಿಯಲ್ಲಿ ಈ ಹಿಂದೆ ಸಲ್ಲಿಸಿದ ಫಾರ್ಮ್ I-140 ಅರ್ಜಿಗಳಿಗೆ ಮಾತ್ರ ಅನ್ವಯಿಸುತ್ತದೆ ಅಥವಾ E21 ವರ್ಗೀಕರಣದಡಿಯಲ್ಲಿ ಅಡ್ವಾನ್ಸ್ಡ್ ಪದವಿಗಳು ಅಥವಾ ರಾಷ್ಟ್ರೀಯ ಬಡ್ಡಿ ಮನ್ನಾ (NIW) ಬಯಸುವ ವೃತ್ತಿಗಳ ಸದಸ್ಯರಿಗೆ ಅನ್ವಯಿಸುತಚ್ತದೆ.

ಪ್ರೀಮಿಯಂ ಪ್ರೊಸೆಸಿಂಗ್ ಅಪ್‌ಗ್ರೇಡ್‌ಗೆ ವಿನಂತಿಸಲು ಬಯಸುವ ಅರ್ಜಿದಾರರು ಫಾರ್ಮ್ I-907, ಪ್ರೀಮಿಯಂ ಪ್ರೊಸೆಸಿಂಗ್ ಸೇವೆಗಾಗಿ ವಿನಂತಿಯನ್ನು ಸಲ್ಲಿಸಬೇಕು ಎಂದು ಅದು ಹೇಳಿದೆ. ಜೂನ್ 1, 2022 ರಿಂದ ಯುಎಸ್ ಸಿಐಸಿಯು ಜನವರಿ 1, 2021 ರಂದು ಅಥವಾ ಅದಕ್ಕಿಂತ ಮೊದಲು ಸ್ವೀಕರಿಸಿದ E13 ಬಹುರಾಷ್ಟ್ರೀಯ ಕಾರ್ಯನಿರ್ವಾಹಕ ಮತ್ತು ಮ್ಯಾನೇಜರ್ ಅರ್ಜಿಗಳಿಗಾಗಿ ಫಾರ್ಮ್ I-907 ವಿನಂತಿಗಳನ್ನು ಸ್ವೀಕರಿಸುತ್ತದೆ.

TV9 Kannada


Leave a Reply

Your email address will not be published. Required fields are marked *