Video Viral: ಕುಟುಂಬ ಸಮೇತರಾಗಿ ಮರದ ಮೇಲೆ ಮಲಗಿದ ಸಿಂಹಗಳು; ವಿಡಿಯೋ ವೈರಲ್ | Lion sleeping with his family on tree video got viral


Video Viral: ಕುಟುಂಬ ಸಮೇತರಾಗಿ ಮರದ ಮೇಲೆ ಮಲಗಿದ ಸಿಂಹಗಳು; ವಿಡಿಯೋ ವೈರಲ್

ಸಿಂಹಗಳು

ಅರಣ್ಯ ಲೋಕದಲ್ಲಿ ಎಲ್ಲವೂ ನಿಜಕ್ಕೂ ವಿಚಿತ್ರ. ಇಲ್ಲಿ, ಯಾರು ಯಾರನ್ನು ಬೇಟೆಯಾಡುತ್ತಾರೆ ಎಂಬುದರ ಬಗ್ಗೆ ಏನನ್ನೂ ಹೇಳಲಾಗುವುದಿಲ್ಲ. ಆದರೆ ಅನೇಕ ಬಾರಿ ಕೂತುಹಲ ಹುಟ್ಟಿಸುವ ಅನೇಕ ಘಟನೆಗಳು ನಡೆಯುತ್ತವೆ. ಅಂತಹ ವೀಡಿಯೊವೊಂದು ಸದ್ಯ ಸಾಮಾಜಿಕ ಜಾಲತಾಣದಲ್ಲಿ(Social media) ವೈರಲ್​ ಆಗಿದೆ. ಸಾಮಾನ್ಯವಾಗಿ ಒಂದು ಮನೆಯಲ್ಲಿ ಕುಟುಂಬಸ್ಥರೆಲ್ಲಾ(Family) ಸೇರಿ ಗುಂಪು ಗುಂಪಾಗಿ ಮಲಗುವುದು ರೂಢಿ ಇದೆ. ಆದರೆ ಇದೇ ಪದ್ಧತಿ ಕಾಡಿನಲ್ಲಿಯೂ ಮುಂದುವರಿದಿದೆ. ಸಿಂಹಗಳು ಮರದ ಮೇಲೆ ಒಟ್ಟಾಗಿ ಮಲಗಿರುವ ವಿಡಿಯೋ ಸದ್ಯ ವೈರಲ್(Viral)​ ಆಗಿದೆ.

ಸಿಂಹಗಳು ಬೇಟೆಯಾಡುವ ಅದೆಷ್ಟೋ ಸುದ್ದಿಗಳನ್ನು ಓದಿದ್ದೇವೆ ಹಾಗೂ ವಿಡಿಯೋಗಳನ್ನು ನೋಡಿದ್ದೇವೆ. ಆದರೆ ಸದ್ಯ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗಿರುವ ವಿಡಿಯೋದಲ್ಲಿ ಸಿಂಹಗಳು ಸಾಲಾಗಿ ತನ್ನ ಕುಟುಂಬಸ್ಥರೊಂದಿಗೆ ಮಲಗಿವೆ. ಇದನ್ನೂ ಕಂಡ ನೆಟ್ಟಿಗರು ಕೂಡ ಅಚ್ಚರಿಯಿಂದ ಪ್ರತಿಕ್ರಿಯೆ ನೀಡಿದ್ದಾರೆ.

ಇತ್ತೀಚಿನ ದಿನಗಳಲ್ಲಿ ವೈರಲ್ ಆಗುತ್ತಿರುವ ವೀಡಿಯೊವನ್ನು ನೋಡಿದರೆ, ಸಿಂಹವು ಸಹ ಕುಟುಂಬಸ್ಥ ಜೀವಿ. ಅದು ಕೂಡ ತನ್ನ ಕುಟುಂಬದೊಂದಿಗೆ ಸಮಯ ಕಳೆಯಲು ಇಷ್ಟಪಡುತ್ತದೆ ಎಂದು ನಿಮಗೆ ಅರ್ಥವಾಗುತ್ತದೆ. ವೈರಲ್ ಆಗುತ್ತಿರುವ ಈ ವೀಡಿಯೋದಲ್ಲಿ ಸಿಂಹಗಳ ಕುಟುಂಬವೊಂದು ಸಂತಸದಿಂದ ಮರದ ಮೇಲೆ ಮಲಗಿರುವುದನ್ನು ನೋಡಬಹುದು. ಈ ವೀಡಿಯೋ ನೋಡಿದರೆ ಸಿಂಹವೂ ಮಧ್ಯಾಹ್ನದ ನಿದ್ದೆಯನ್ನು ಬಹಳ ಮೋಜಿನಿಂದಲೇ ಮಾಡುತ್ತಿವೆ ಎನಿಸುತ್ತದೆ. ಈ ವಿಡಿಯೋ ಕ್ಲಿಪ್ ಅನ್ನು ರಾಷ್ಟ್ರೀಯ ಉದ್ಯಾನವನದಲ್ಲಿ ಸೆರೆಹಿಡಿಯಲಾಗಿದೆ. ವೈರಲ್​ ಆದ ವಿಡಿಯೋದಲ್ಲಿ ಆನೆಯು ಕೂಡ ಹಾದು ಹೋಗುತ್ತದೆ.

ಈ ವಿಡಿಯೋವನ್ನು ಐಪಿಎಸ್ ಅಧಿಕಾರಿ ದೀಪಾಂಶು ಕಬ್ರಾ ಹಂಚಿಕೊಂಡಿದ್ದಾರೆ. ಸದ್ಯ 16 ಸಾವಿರಕ್ಕೂ ಹೆಚ್ಚು ವ್ಯೂವ್ಸ್​  ಪಡೆದುಕೊಂಡಿರುವ ಈ ವಿಡಿಯೋ ನೆಟ್ಟಿಗರನ್ನು ತನ್ನತ್ತ ಆಕರ್ಷಿಸಿದೆ. ಸಾಮಾಜಿಕ ಜಾಲತಾಣದಲ್ಲಿ ಜನರು ಈ ವಿಡಿಯೋವನ್ನು ಹೆಚ್ಚು ಇಷ್ಟಪಡುತ್ತಿದ್ದಾರೆ. ಅನೇಕ ಬಳಕೆದಾರರು ವೀಡಿಯೊದಲ್ಲಿ ತಮ್ಮ ಪ್ರತಿಕ್ರಿಯೆಯನ್ನು ಕಮೆಂಟ್​ ಮೂಲಕ ವ್ಯಕ್ತಪಡಿಸಿದ್ದಾರೆ. ಊಟದ ನಂತರ ಒಳ್ಳೆಯ ನಿದ್ದೆ ಬೇಕು ಎಂದು ಒಬ್ಬರು ಕಮೆಂಟ್​ ಮಾಡಿದರೆ, ಮತ್ತೊಬ್ಬರು ಕೌಟುಂಬಿಕ ಸಮಯ, ಅದ್ಭುತ! ಎಂದು ಪ್ರತಿಕ್ರಿಯೆ ನೀಡಿದ್ದಾರೆ.

TV9 Kannada


Leave a Reply

Your email address will not be published. Required fields are marked *