Viral News: ಕಬೂಲ್ ನಹೀ ಹೇ; ವರನ ಆ ಒಂದು ಎಡವಟ್ಟಿಂದ ಮದುವೆಯಾಗಲ್ಲ ಎಂದ ವಧು! | Viral News: Bride Rejects and said qubool Nahi hai after Groom Drinks Alcohol On Wedding Day


Viral News: ಕಬೂಲ್ ನಹೀ ಹೇ; ವರನ ಆ ಒಂದು ಎಡವಟ್ಟಿಂದ ಮದುವೆಯಾಗಲ್ಲ ಎಂದ ವಧು!

ಮದುವೆ (ಸಾಂದರ್ಭಿಕ ಚಿತ್ರ)

ಮದುವೆಯ ಬಗ್ಗೆ ಪ್ರತಿಯೊಬ್ಬರಿಗೂ ಏನೇನೋ ಕನಸುಗಳಿರುತ್ತವೆ. ಆದರೆ, ಭಾರತದ ಮದುವೆಗಳಲ್ಲಿ ಒಂದಲ್ಲ ಒಂದು ರೀತಿಯ ಹೈಡ್ರಾಮಾಗಳು ನಡೆಯುತ್ತಲೇ ಇರುತ್ತವೆ. ಮದುವೆ ಮಂಟಪದಲ್ಲೇ ವಧು-ವರರು ಬದಲಾದ ಅದೆಷ್ಟೋ ಪ್ರಕರಣಗಳು ನಡೆದಿವೆ. ಇನ್ನು ಕೆಲವೊಮ್ಮೆ ಮದುವೆ ಮಂಟಪದಿಂದ ಓಡಿ ಹೋದ ಹುಡುಗಿ ಇನ್ಯಾರನ್ನೋ ಮದುವೆಯಾದ ಘಟನೆಗಳೂ ನಡೆದಿವೆ. ಆದರೆ, ಮದುವೆಯಾಗಲು ಇನ್ನೇನು ಕೆಲವೇ ಕ್ಷಣಗಳಿವೆ ಎನ್ನುವಾಗ ವಧು ತನಗೆ ಈ ಹುಡುಗ ಬೇಡ ಎಂದು ವರನನ್ನು ತಿರಸ್ಕರಿಸಿರುವ ವಿಚಿತ್ರ ಘಟನೆ ಮಧ್ಯಪ್ರದೇಶದಲ್ಲಿ ನಡೆದಿದೆ. ಆ ವಧು ವರನನ್ನು ತಿರಸ್ಕರಿಸಲು ಕಾರಣವೇನೆಂದು ತಿಳಿದರೆ ನೀವು ಕೂಡ ಅಚ್ಚರಿ ಪಡುತ್ತೀರಿ.

ಮಧ್ಯಪ್ರದೇಶದ ರಾಯಘಡದಲ್ಲಿ ನವೆಂಬರ್ 7ರಂದು ಮುಸ್ಲಿಂ ಸಮುದಾಯದ ಯುವಕ- ಯುವತಿಯ ಮದುವೆ ನಡೆಯುತ್ತಿತ್ತು. ಮದುವೆಗೆ ಸಾಂಪ್ರದಾಯಿಕ ಉಡುಗೆ ತೊಟ್ಟು ಸಿದ್ಧವಾಗಿದ್ದ ಯುವತಿ ಇನ್ನೇನು ತನ್ನ ವರನಿಗೆ ಕಬೂಲ್ ಎಂದು ಹೇಳಬೇಕಾಗಿತ್ತು. ಆದರೆ, ವರ ಕಲ್ಯಾಣ ಮಂಟಪಕ್ಕೆ ಬರುತ್ತಿದ್ದಂತೆ ಮದುವೆ ಮನೆಯ ಕಳೆಯೇ ಬದಲಾಯಿತು. ಆಕೆ ತನಗೆ ಈ ಮದುವೆ ಇಷ್ಟವಿಲ್ಲ ಎಂದು ಘೋಷಿಸಿಬಿಟ್ಟಳು.

ಮದುವೆಗೆ ಬಂದಿದ್ದ ತನ್ನ ಗೆಳೆಯರ ಜೊತೆ ಕುಳಿತು ವರನೂ ಮದ್ಯಪಾನ ಮಾಡಿದ್ದ. ಮದುವೆಗೂ ಮುನ್ನ ಏರ್ಪಡಿಸಿದ್ದ ಪಾರ್ಟಿಯಲ್ಲಿ ವಧು-ವರರ ಮನೆಯವರು ಕುಡಿದು ಎಂಜಾಯ್ ಮಾಡಿದ್ದರು. ಆದರೆ, ತನ್ನನ್ನು ಮದುವೆಯಾಗುವ ಹುಡುಗನೂ ಆಲ್ಕೋಹಾಲ್ ಕುಡಿಯುತ್ತಾನೆ ಎಂದು ವಧುವಿಗೆ ಗೊತ್ತಿರಲಿಲ್ಲ. ಗೆಳೆಯರೊಂದಿಗೆ ಆಲ್ಕೋಹಾಲ್ ಕುಡಿದು ಟೈಟ್ ಆಗಿದ್ದ ವರನಿಗೆ ಮದುವೆಯಲ್ಲಿ ವಧುವಿನ ಪಕ್ಕ ಗಟ್ಟಿಯಾಗಿ ನಿಲ್ಲಲೂ ಸಾಧ್ಯವಾಗುತ್ತಿರಲಿಲ್ಲ.

ಇದರಿಂದ ಕೋಪಗೊಂಡ ವಧು ತಾನು ಆ ಹುಡುಗನನ್ನು ಮದುವೆಯಾಗುವುದಿಲ್ಲ ಎಂದಿದ್ದಾಳೆ. ಈ ಮದುವೆಗೆ ಒಪ್ಪಿಗೆ ಇದೆಯೇ? ಎಂದು ಮುಸ್ಲಿಂ ಧರ್ಮಗುರುಗಳು ಕೇಳಿದಾಗ ನನಗೆ ಈ ಮದುವೆ ಇಷ್ಟವಿಲ್ಲ (ಕಬೂಲ್ ನಹೀ) ಎಂದು ಹೇಳಿದ್ದಾಳೆ.

ಮದ್ಯವ್ಯಸನಿಯಾದ ಹುಡುಗನನ್ನು ಮದುವೆಯಾಗಲು ನನಗೆ ಇಷ್ಟವಿಲ್ಲ ಎಂದು ಯುವತಿ ಹೇಳಿದ್ದರಿಂದ ಆಕೆಯ ಕುಟುಂಬಸ್ಥರು ಈ ಮದುವೆಯನ್ನು ರದ್ದುಗೊಳಿಸಿದ್ದಾರೆ. ಕಳೆದ ವರ್ಷ ಇದೇ ರೀತಿಯ ಹಲವು ಘಟನೆಗಳು ನಡೆದಿದ್ದವು. ಮಟನ್ ಊಟವಿಲ್ಲವೆಂದು, ವಧುವಿನ ಅಂಕಲ್ ಮೇಲೆ ಆರೋಪ ಮಾಡಿದ್ದಕ್ಕೆ ಮದುವೆ ರದ್ದಾದ ಪ್ರಕರಣಗಳು ಕೂಡ ನಡೆದಿದ್ದವು.

ಇದನ್ನೂ ಓದಿ: Viral News: ಮದುವೆಯಾದ ಮರುದಿನವೇ ಗರ್ಲ್​ಫ್ರೆಂಡ್ ಜೊತೆ ವಧು ಪರಾರಿ; ಶಾಕ್ ಆದ ಗಂಡನಿಗೆ ಹೃದಯಾಘಾತ!

Viral News: ಕಿಡ್ನಿ ಸ್ಟೋನ್ ಬದಲು ಕಿಡ್ನಿಯನ್ನೇ ತೆಗೆದ ವೈದ್ಯ; 11 ಲಕ್ಷ ರೂ. ಪರಿಹಾರ ನೀಡಲು ಆಸ್ಪತ್ರೆಗೆ ಆದೇಶ

TV9 Kannada


Leave a Reply

Your email address will not be published.