Viral Video: ‘ನಾವು ಕಲಾವಿದರು ನಾವು ಮಾಡಿದ್ದೆಲ್ಲ ‘ಕಲೆ’ಯೇ! | Show me the art then Show me the artist viral cat video


Cat : ‘ಮೊದಲು ಕಲಾಕೃತಿ ತೋರಿಸಿ, ನಂತರ ಕಲಾವಿದರನ್ನು’ ಎಂಬ ಮಾಂತ್ರಿಕ ಧ್ವನಿಯೊಂದಿಗೆ ಸೆಳೆಯುವ ಈ ವಿಡಿಯೋ ಇದೆಯಲ್ಲ, ಇದರ ‘ಬೆಲೆ’ ಅಂತಃಕರಣವುಳ್ಳ ಯಾರಿಗೂ ಅರ್ಥವಾಗುವಂಥದ್ದು.

Viral Video: ‘ನಾವು ಕಲಾವಿದರು ನಾವು ಮಾಡಿದ್ದೆಲ್ಲ ‘ಕಲೆ’ಯೇ!

ಖ್ಯಾತ ಕ್ಯಾಟ್​ ಕಲಾವಿದರು ಕಲಾಕೃತಿಯೊಂದಿಗೆ

Cat : ಪ್ರೀತಿ ಎಂದರೆ ಹೀಗೆ. ಅದು ಯಾವಾಗಲೂ ಸಪಾಟಾಗಿರುವುದಿಲ್ಲ. ನಿಮ್ಮನ್ನು ತೇಲಿಸುತ್ತಲೇ ಇನ್ನೊಂದು ಕಡೆ ‘ಗಕ್ಕನೆ’ ಗಂಟಲಲ್ಲಿ ಹಿಡಿದಿಟ್ಟುಕೊಂಡುಬಿಡುತ್ತದೆ. ಈಗ ನೀವು ಮನೆಯಲ್ಲಿ ಬೆಕ್ಕೋ ನಾಯಿಯನ್ನೋ ಸಾಕಿದ್ದರೆ ಈ ‘ಗಕ್ಕನೆ’ ಎನ್ನುವ ಪದದ ಅರ್ಥ ಆ್ಯಕ್ಷನ್​ ಸಮೇತ ಅನುಭವಕ್ಕೆ ಬಂದಿರುತ್ತದೆ. ಇನ್ನು ಸಾಕದೆ ಇರುವವರಿಗೆ? ಇಲ್ಲೊಬ್ಬ ಮಹಾನ್ ಕಲಾವಿದರ ಈ ಕಲಾಕೃತಿ ನೋಡುವ ಮೂಲಕ ಸಾಕುವ ಸೌಭಾಗ್ಯವನ್ನು ಕಲ್ಪಿಸಿಕೊಳ್ಳಿ. ಪದರಪದರಗಳಲ್ಲಿ ಒಡಮೂಡಿರುವ ಇವರ ಸಂವೇದನೆಯನ್ನು ಯಾವೆಲ್ಲ ಕೋನದಿಂದೆಲ್ಲ ಅರಗಿಸಿಕೊಳ್ಳುತ್ತೀರೋ ಅದು ಪೂರ್ತಿ ನಿಮ್ಮ ನಿಮ್ಮ ಹೃದಯದ ಆಳಕ್ಕೆ ಬಿಟ್ಟಿದ್ದು. ಯಾಕೆಂದರೆ ಇವರ ಕಲೆಗಾರಿಕೆಯ ಆಳ ಹಾಗಿದೆ! ನೋಡಿ ಕಣ್ತುಂಬಿಕೊಳ್ಳಿ.

ಮಾಡುವುದನ್ನೆಲ್ಲ ಮಾಡಿದ ನಂತರ ಈ ಕಲಾವಿದರು ‘ನಾನೇನೂ ಮಾಡಿಲ್ಲಪ್ಪ, ನಂದೇನೂ ತಪ್ಪಿಲ್ಲಪ್ಪ’ ಎನ್ನುವಂಥ ಆ ನಿಚ್ಚಳಗಣ್ಣಿನಿಂದ ತೂರಿದ ನೋಟ ಇದೆಯಲ್ಲ! ಯಾವತ್ತಾದರೂ ಅದು ಕಣ್ಣಿಂದ ಸರಿದೀತೇ? ಅಬ್ಬಾ ಮುದ್ದಿನಿಂದ ಜೀವ ಹೋಗುವಂಥದ್ದು. ಇದು ಈ ಕಲಾವಿದರ ಸಾರ್ಥಕತೆ! ಇವರ ಈ ಸಾರ್ಥಕ ಕಲೆಯನ್ನು ಮೆಚ್ಚಿದವರ ಸಂಖ್ಯೆ ಇನ್ನೇನು 8 ಲಕ್ಷ ತಲುಪಲಿದೆ.

ಇದನ್ನು ಯಾವುದಾದರೂ ಆರ್ಟ್​ ಗ್ಯಾಲರಿಯಲ್ಲಿಟ್ಟರೆ ಕಲಾತಜ್ಞರು ಮತ್ತು ಪ್ರಾಣಿಪ್ರಿಯರು ಅದೆಷ್ಟೆಷ್ಟು ಥಿಯರಿಗಳಿಂದ ಇದನ್ನು ವಿಮರ್ಶಿಸುತ್ತಿದ್ದರೋ ಆ ಮಾರ್ಜಾಲದೇವರೇ ಬಲ್ಲ. ಮ್ಯಾಕ್​ಸೀಟ್​ ಎಂಬ ಇನ್​ಸ್ಟಾಗ್ರಾಂ ಖಾತೆಯಲ್ಲಿ ಈ ವಿಡಿಯೋ ಕಳೆದ ತಿಂಗಳು ಹಂಚಿಕೆಯಾಗಿದೆ. ಹೇಗಿದೆ ಕ್ಯಾಟ್ಆರ್ಟ್​, ಗೆಬರಾರ್ಟ್​, ಗೀರಾರ್ಟ್​!

ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ

TV9 Kannada


Leave a Reply

Your email address will not be published.