Viral Video : ಪೆಟ್​ಡೋರ್​ನೊಳಗೆ ಈ ಮಹಾಶಯರು ಹೇಗೆ ಪ್ರವೇಶಿಸ್ತಾರೆ ನೋಡಿ | Cat enters beautifully decorated pet door viral video wows netizens


Pet Door : ಈ ಚಿತ್ರ ನೋಡಿ ಕಾರ್ಟೂನ್ ಕ್ಲಿಪ್ಪಿಂಗ್ ಎಂದುಕೊಂಡಿರಾ? ಇಲ್ಲ ನಿಜಕ್ಕೂ ಇದು ತಮ್ಮ ಬೆಕ್ಕಿಗಾಗಿ ನಿರ್ಮಿಸಿದ ಪೆಟ್​ಡೋರ್. ಈ ವಿಡಿಯೋ ಅನ್ನು ಈ ತನಕ 2 ಮಿಲಿಯನ್​ಗಿಂತಲೂ ಹೆಚ್ಚು ಜನರು ವೀಕ್ಷಿಸಿದ್ಧಾರೆ.

Viral Video : ಪೆಟ್​ಡೋರ್​ನೊಳಗೆ ಈ ಮಹಾಶಯರು ಹೇಗೆ ಪ್ರವೇಶಿಸ್ತಾರೆ ನೋಡಿ

ಅಲಂಕರಿಸಿದ ಬಾಗಿಲಿನೊಳಗೆ ಪ್ರವೇಶಿಸುತ್ತಿರುವ ಬೆಕ್ಕು

Viral Video : ಸಾಕುಪ್ರಾಣಿಗಳ ಪೋಷಕರು ತಮ್ಮ ಮಕ್ಕಳಿಗೆ, ಅಂದರೆ ಬೆಕ್ಕು ನಾಯಿಗಳಿಗೆ ಆರಾಮದಾಯಕವಾಗಿರುವ ಮತ್ತು ಆಕರ್ಷಕವಾಗಿರುವ ಕೊಠಡಿಗಳನ್ನು ನಿರ್ಮಿಸಿರುವ ವಿಡಿಯೋಗಳನ್ನು ನೀವು ನೋಡಿರುತ್ತೀರಿ ಆಥವಾ ನೀವೂ ಸಾಕುಪ್ರಾಣಿಗಳನ್ನು ಹೊಂದಿದ್ದರೆ ಅವುಗಳ ವಾಸಕ್ಕೆ ನಿಮ್ಮದೇ ಆದ ಕಲ್ಪನೆಯಲ್ಲಿ ಪುಟ್ಟ ಮನೆಗಳನ್ನು ನಿರ್ಮಿಸಿರುತ್ತೀರಿ. ಇಲ್ಲಿರುವ ಈ ಬೆಕ್ಕಿನ ವಿಡಿಯೋ ವೈರಲ್ ಆಗಿದೆ. ಇದನ್ನು ನೋಡಿದರೆ ಮತ್ತೇನು ಮಾಡಬಹುದು ನಿಮ್ಮ ಸಾಕುಪ್ರಾಣಿಗಳಿಗಾಗಿ ಎನ್ನುವ ಆಲೋಚನೆ ಬರುವ ಸಾಧ್ಯತೆ ಇದೆ. ಈ ಪುಟ್ಟ ವಿಡಿಯೋ ಕೆಲಸವೇ ಸೆಕೆಂಡುಗಳಲ್ಲಿ ಮುಗಿದುಬಿಡುತ್ತದೆ. ಮತ್ತೆ ಮತ್ತೆ ರೀಪ್ಲೇ ಮಾಡಿ ಇಲ್ಲಿ ಬೆಕ್ಕಿಗಾಗಿ ಅಲಂಕರಿಸಿರುವ ಬಾಗಿಲನ್ನು ನೀವು ಮತ್ತೆ ಮತ್ತೆ ನೋಡಲು ಇಚ್ಛಿಸುತ್ತೀರಿ. ನೋಡಿ ಹೇಗಿದೆ ಈ ಮಿನಿಡೋರ್!

ಕಾರ್ಟೂನ್​ ನೋಡಿದಂತೆ ಭಾಸವಾಗುತ್ತದೆಯಲ್ಲ… ಇಲ್ಲಿರುವ ಗೋಡೆ, ಕಿಟಕಿ, ಚಿಮಣಿ, ಬಾಲ್ಕನಿ ಮತ್ತು ಮೇಲ್ಚಾವಣಿಯನ್ನು ವಿನ್ಯಾಸಗೊಳಿಸಿದ ರೀತಿಯನ್ನು ನೋಡಿದರೆ? ಈ ವೀಡಿಯೊವನ್ನು ಆಗಸ್ಟ್ 17 ರಂದು ಇನ್​ಸ್ಟಾಗ್ರಾಂನಲ್ಲಿ ಪೋಸ್ಟ್​ ಮಾಡಲಾಗಿದೆ. ಎರಡು ಮಿಲಿಯನ್‌ಗಿಂತಲೂ ಹೆಚ್ಚು ಲೈಕ್‌ಗಳನ್ನು ಇದು ಪಡೆದಿದೆ. ವೈರಲ್ ಆಗಿರುವ ಈ ವಿಡಿಯೋಕ್ಕೆ ಸಾಕಷ್ಟು ಜನರು ಪ್ರತಿಕ್ರಿಯಿಸಿದ್ದಾರೆ.

ಒಬ್ಬರು, ‘ಇದು ತುಂಬಾ ಮುದ್ದಾಗಿದೆ’ ಎಂದಿದ್ದಾರೆ. ಮತ್ತೊಬ್ಬರು, ‘ಎಂತಹ ಸುಂದರ ಮನೆ. ಬಹಳ ಮೋಹಕವಾಗಿದೆ’ ಎಂದಿದ್ದಾರೆ. ಇಂಥ ಮುದ್ದಾದ ವಿಡಿಯೋ ನಿಮಗೂ ಇಷ್ಟವಾಗಿರಬೇಕಲ್ಲ? ನಿಮ್ಮನೆ ಬೆಕ್ಕು ನಾಯಿಯನ್ನು ಖುಷಿಪಡಿಸಲು ನೀವೇನು ಮಾಡುತ್ತೀರಿ?

TV9 Kannada


Leave a Reply

Your email address will not be published.