Viral Video: ಬಾಲ್​ ತಳ್ಳಿದಂತೆ 4 ಜನರಿದ್ದ ಕಾರನ್ನು ತಳ್ಳಿ ಪಲ್ಟಿಯಾಗಿಸಿದ ಆನೆ | Angry elephant flips over the car in south africa video goes viral


Viral Video: ಬಾಲ್​ ತಳ್ಳಿದಂತೆ 4 ಜನರಿದ್ದ ಕಾರನ್ನು ತಳ್ಳಿ ಪಲ್ಟಿಯಾಗಿಸಿದ ಆನೆ

ಕಾರನ್ನು ಪಲ್ಟಿಮಾಡುತ್ತಿರುವ ಆನೆ

ಸಾಮಾನ್ಯವಾಗಿ ಆನೆ (Elephant) ಎದುರಿಗೆ ಬಂದು ಒಂದು ಬಾರಿ ಘೀಳಿಟ್ಟರೆ  ಜೀವ ಬಾಯಿಗೆ ಬಂದಂತಹ ಅನುಭವವಾಗುತ್ತದೆ. ಅಂತಹದ್ದರಲ್ಲಿ ಕುಳಿತಿದ್ದ ಕಾರನ್ನೇ ಚೆಂಡಿನಂತೆ ಉರುಳಿಸಿದರೆ ಏನಾಗಬಹುದು? ಹೌದು ಇಂತಹದ್ದೊಂದು ಘಟನೆ ದಕ್ಷಿಣ ಆಫ್ರಿಕಾದ iSimangaliso ವೆಟ್ಲ್ಯಾಂಡ್ (iSimangaliso Wetland )  ಎನ್ನುವ ಪಾರ್ಕ್​ನಲ್ಲಿ ನಡೆದಿದೆ. ಕೋಪಗೊಂಡ ಆನೆಯೊಂದು 4 ಜನರಿದ್ದ ಕಾರನ್ನು ಕಾಲಿನಲ್ಲಿ ಉರುಳಿಸಿ ಚೆಂಡಿನಂತೆ ತಳ್ಳಿದ ಭಯಾನಕ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗಿದೆ. ಝುಲುಲ್ಯಾಂಡ್​  ಅಬ್ಸರ್ವರ್​ ( Zululand Observer) ಎನ್ನುವ ಯುಟ್ಯೂಬ್​ ಚಾನಲ್ (Youtube Channel)​ ಒಂದು ಇದರ ವಿಡಿಯೋ ಹಂಚಿಕೊಂಡಿದ್ದರು ನೆಟ್ಟಿಗರು ವಿಡಿಯೋ ನೋಡಿ ಹೌಹಾರಿದ್ದಾರೆ. ವಿಡಯೋವನ್ನು ದೃಶ್ಯ ನಡೆಯುತ್ತಿರುವ ಪ್ರದೇಶದಿಂದ ಕೊಂಚ ದೂರದಲ್ಲಿ ಸೆರೆಹಿಡಿಯಲಾಗಿದೆ.

ವಿಡಿಯೋದಲ್ಲಿ ಆನೆ ಕಾರನ್ನು ಕಾಲಿನಿಂದ ತಳ್ಳಿ ಪಲ್ಟಿಮಾಡುತ್ತಿರುವುದನ್ನು ಕಾಣಬಹುದು. ಕಾರಿನಲ್ಲಿ ಗಂಡ ಹಂಡತಿ ಹಾಗೂ  8 ಮತ್ತು 10 ವರ್ಷದ ಇಬ್ಬರು ಮಕ್ಕಳು ಇದ್ದರು ಎಂದು ವರದಿಯಾಗಿದೆ. ಕಾರನ್ನು ಪಲ್ಟಿ ಮಾಡಿದ ನಂತರ ಆನೆ ಅಲ್ಲಿಂದ ತೆರಳಿದ್ದು, ಬಳಿಕ ಕಾರಿನಲ್ಲಿದ್ದವನ್ನು ರಕ್ಷಿಸಲಾಗಿದೆ ಎಂದು ಡೈಲಿ ಮೇಲ್​ ವರದಿ ಮಾಡಿದೆ. ವರದಿಯ ಪ್ರಕಾರ ಕಾರಿನಲ್ಲಿದ್ದ ಕುಟುಂಬದವರು ಮಾತನಾಡಿ, ಎಲ್ಲರೂ ಭಯಗೊಂಡಿದ್ದೆವು, ಜೀವವೇ ಹೋಯಿತು ಎಂದುಕೊಂಡಿದ್ದೆವು. ಅದೃಷ್ಟವಶಾತ್​ ಬದುಕುಳಿದಿದ್ದೇವೆ ಎಂದಿದ್ದಾರೆ.

ಆನೆಗಳೇ ಹಾಗೆ ಕೋಪಗೊಂಡರೆ ಎಂತಹ ವಸ್ತುಗಳೇ ಆಗಲಿ, ಮನುಷ್ಯರನ್ನೇ ಆಗಲಿ ಕಾಲಿನಿಂದ ತುಳಿದು ಬಿಡುತ್ತವೆ. ಆನೆಯ ಕಾಲ್ತುಳಿತಕ್ಕೆ ಸಿಕ್ಕಮೆಲೆ ಬದುಕುಳಿಯುವ ಅಥವಾ ವಸ್ತು ಅದೇ ರೀತಿ ಇರಲಿದೆ ಎನ್ನುವುದು ಊಹೆಯೇ ಸರಿ.

TV9 Kannada


Leave a Reply

Your email address will not be published. Required fields are marked *