World Milk Day 2022: ಚಹಾ ಕಾಫಿಗೂ ಹಾಲು ಬೇಡವೆನ್ನುತ್ತಿರುವುದು ಯಾಕೆ? | World Milk Day 2022 Special by Kannada writer Nutana Doshetty


World Milk Day 2022: ಚಹಾ ಕಾಫಿಗೂ ಹಾಲು ಬೇಡವೆನ್ನುತ್ತಿರುವುದು ಯಾಕೆ?

ಲೇಖಕಿ ನೂತನ ದೋಶೆಟ್ಟಿ

Milk : ಹಾಲು ಅಮೃತ ಎಂಬ ಮಾತನ್ನು ಕೇಳಿದಂತೆ ನಾವು ಬೆಳ್ಳಗಿರುವುದೆಲ್ಲ ಹಾಲಲ್ಲ ಎಂಬ ಮಾತನ್ನೂ ಕೇಳಿದ್ದೇವೆ. ಇಂದು ವಿಶ್ವ ಹಾಲಿನ ದಿನ ಎಂದು ಆಚರಿಸಲ್ಪಡುತ್ತಿದೆ. ಈ ಮೇಲಿನ ಎರಡೂ ನಾಣ್ಣುಡಿಗಳ ಹಿನ್ನೆಲೆಯಲ್ಲಿ ಈ ದಿನವನ್ನು ನೋಡುವ ಪ್ರಯತ್ನ ಇಲ್ಲಿದೆ.

World Milk Day 2022: 1980ರ ದಶಕದ ಕೊನೆಯ ಭಾಗದಲ್ಲಿ ಕರ್ನಾಟಕದ ಕೆಲ ಪ್ರಮುಖ ನಗರಗಳಲ್ಲಿ ಪ್ಯಾಕೆಟ್ ಹಾಲು ಎಂಬ ಕೌತುಕ ಅವತಾರ ತಾಳಿತು. ಅದುವರೆಗೂ ಹಾಲೆಂದರೆ ತಾಯಿಯ ಎದೆ ಹಾಲು, ಆಕಳು, ಎಮ್ಮೆಯ ಹಾಲು, ಆಡಿನ ಹಾಲು ಇಷ್ಟು ಪ್ರಕಾರದ ಹಾಲುಗಳು ಮಾತ್ರ ಪರಿಚಿತವಾಗಿದ್ದವು. ಇವುಗಳಲ್ಲೂ ಬಹುಪಾಲು ಜನರಿಗೆ ಆಡಿನ ಹಾಲು ಕೇಳಿ ಮಾತ್ರ ಗೊತ್ತಿತ್ತು. ಸಣ್ಣ ಪಟ್ಟಣಗಳಲ್ಲೂ ಆಗ ಬಹುತೇಕರ ಮನೆಯಲ್ಲಿ ದನಕರುಗಳು ಇರುತ್ತಿದ್ದವು. ಮನೆಗೆ ಸಾಕಾಗುವಷ್ಟು ಹಾಲು-ಹೈನ ಇಟ್ಟುಕೊಂಡು ಉಳಿದದ್ದನ್ನು ಅಕ್ಕ-ಪಕ್ಕದ ವರ್ತನೆ ಮನೆಗಳಿಗೆ ಮಾರಾಟ ಮಾಡುವುದು ಸಮುದಾಯ ಮಟ್ಟದ. ಪುಟ್ಟ ಹಾಲು ವಿತರಣಾ ವ್ಯವಸ್ಥೆಯಾಗಿತ್ತು. ಅಲ್ಲಿ ಬೆಣ್ಣೆ, ಮೊಸರು, ತುಪ್ಪ ಮೊದಲಾದ ಹಾಲಿನ ಉಪ ಉತ್ಪನ್ನಗಳೂ ಮಾರಾಟವಾಗುತ್ತಿದ್ದವು.
ನೂತನ ದೋಶೆಟ್ಟಿ (Nutana Doshetty)

ಬರುಬರುತ್ತ ಪ್ಯಾಕೆಟ್ ಹಾಲಿನ ಕೇಂದ್ರಗಳು ಸಣ್ಣ ಪಟ್ಟಣಗಳಲ್ಲಿ ಕಾಣಿಸಿಕೊಂಡವು. ಹಳ್ಳಿಹಳ್ಳಿಗಳಲ್ಲಿ ಹುಟ್ಟಿದ ಕ್ಷೀರ ಕೇಂದ್ರಗಳಲ್ಲಿ ಹಾಲಿನ ಸಂಗ್ರಹವಾಗಿ ಅದು. ಸಂಸ್ಕರಣೆ ಹಾಗೂ ವಿತರಣೆ ಘಟಕಗಳಿಗೆ ರವಾನೆಯಾಗಲು ಆರಂಭವಾಯಿತು. ಹೈನುಗಾರಿಕೆ ದೊಡ್ಡ ಉದ್ಯಮವಾಗಿ ಬೆಳೆಯಿತು. ಆ ನಂತರದಲ್ಲಿ ಹಾಲು ಹಾಗೂ ಹಾಲಿನ ಉತ್ಪನ್ನಗಳು ಪ್ಯಾಕೆಟ್ ರೂಪದಲ್ಲಿ ಹಳ್ಳಿಗಳಿಂದ ಮೊದಲ್ಗೊಂಡು, ದೇಶವ್ಯಾಪಿಯಾದವು. ಇದರಿಂದ ಇದುವರೆಗೂ ಹಾಲನ್ನು ಅಮೃತ ಎಂದು ನೋಡುತ್ತಿದ್ದ ಕಣ್ಣುಗಳಲ್ಲಿ ವ್ಯಾಪಾರಿ ದೃಷ್ಟಿ ಮೊಳೆಯಿತು. ಕರ್ನಾಟಕದಲ್ಲಿ ಕೆಎಮ್ಎಫ್ ನ ನಂದಿನಿ ಹಾಲು ಮನೆ ಮಾತಾಯಿತು. 1988-90ರ ಹೊತ್ತಿಗೆ 25 ಪೈಸೆಗೆ ಅರ್ಧ ಲೀಟರ್ ಇದ್ದ ಹಾಲು ಈಗ 19 ರೂಪಾಯಿಗಳಾಗಿದೆ. ಅದರೊಂದಿಗೆ ವಿವಿಧ ಬಣ್ಣಗಳ ಪ್ಯಾಕೆಟ್ಟುಗಳಲ್ಲಿ ಬರುವ ಬೇರೆ ಬೇರೆ ಬಣ್ಣ ಹಾಗೂ ಗುಣಮಟ್ಟದ ಹಾಲು ನಂದಿನಿಯ ಮಾರುಕಟ್ಟೆಯಲ್ಲಿ ಲಭ್ಯವಿದೆ.

TV9 Kannada


Leave a Reply

Your email address will not be published. Required fields are marked *